Kiin2 5:16 - LAWA A BOO SONBORE

¹⁶ Sɛnɛ, Yiliizee ná a lɛ si: «Dɛnaa Lawa Yiikoonaa mɛn lɛ bɛ́ má n dí nyɛɛ nɛ, bɛ lɛ tɔ taman yii, ma ba re lɛ koe ma màn kɔn si wa.» Naaman nə́ n laa a ganaa mà a lɛ kɔ sɛnɛ á n piã.

LAWA A BOO SONBORE 2011

¹⁶ Sɛnɛ, Yiliizee ná a lɛ si: «Dɛnaa Lawa Yiikoonaa mɛn lɛ bɛ́ má n dí nyɛɛ nɛ, bɛ lɛ tɔ taman yii, ma ba re lɛ koe ma màn kɔn si wa.» Naaman nə́ n laa a ganaa mà a lɛ kɔ sɛnɛ á n piã.

Kiin2 5:16 Iomraidhean Croise

Kiin1 13:8

Sɛnɛ, Lawa a boo gii-dali lɛ pɛ kii lɛ nɛ: – Haalɛ ta n din nə n gɔn màn talɛɛ koe masɛ la, ma a re woe n piɛ wa. Ma a re màn-bii laanka mu we ma lɛ-n bǎã kɛ-n wa.

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:15

Yǎa Yilii tɔn nə n toa: «Dɛnaa Lawa Pàãyiidɛnaa yiikoonaa lɛ tɔ nɛ, ma bɛ́ dí nyɛɛ ǹ mɛn lɛ nɛ, pelo kɛ lɛ din ni, ma á re n din nyɛɛ Akaabu ni.»

Kiin2 3:14

Yiliizee pɛ: «Dɛnaa Lawa Pàãyiidɛnaa Yiikoonaa mɛn bɛ́ masɛ n dí nyɛɛ nɛ, bɛ lɛ tɔ taman yii, bɛ̀ ma bie n taasɛ Zudaa gána a kii Zozafati a lɛa wa, ma ba n yiri goon din diɛ li, ma ga n ganaa dinin wa.

Kiin2 5:20

Geazi lɛ, Lawa a min Yiliizee a dí-nyali lɛa, bɛ́ taasɛ kɛnɛn: «Maa dɛnaagiĩ bɛ́ á Siirii min Naaman kɛ lɛ toa walan nanaa, a giala, a da ka bǐɛ̃baa ǹ mànan mɛnɛn nɛ, maa dɛnaagiĩ nə́ n piã ǹ nɛ. Dɛnaa Lawa Yiikoonaa lɛ tɔ taman yii, masɛ n die koe a kio lɛ, ma wo màn si la.»

Kiin2 5:26

Sɛnɛ Yiliizee nə́ n toa a ganaa: «Giĩ goon bɛ́ gisĩ fufuu n boe a wotoro la, die n diɛ n lɛ, masɛ n ma bɛ yɛ sii nyaa-n wa? Wɔrɔ yɛ n biikoo n ka kɛ nɛ ń nə́ boe la ń nə́ mɔnaan pii ni, *olivie dan nɛ, *rezɛ̃ dan nɛ, sèren laanka diin ni, bɛ̀rɛgiĩn laanka bɛ̀rɛlɔn nɛ?

Matiə 10:8

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Korɛnti1 6:12

Kaa min tɛnɛn man pii: «Ǹ nə́ sii tumaa lɛ kɔ ma la.» Hiĩ, sɛnɛ, sii tumaa a zɛnaa a siĩ-n min ganaa wa. Ma á boe la má pɛ: máa «Ǹ nə́ sii tumaa lɛ kɔ ma la.» Sɛnɛ, ma a re toɛ ma màn kɔ́n a bɛ̀rɛ baa wa.

Korɛnti2 12:14

Á ke ma á zoɛ̃ doo, ma da kaa piɛ ká a sɔɔbaa ǹ wɔ nɛ. Ma a re goɛ̃ guĩ lɛa ka mìi-n wa. Man giɛ ka dinin li, ma bie giɛ kaa wɔrɔ li wa. A taãnbaa li, nɛnyaanan bie giɛ wɔrɔ li ǹ nə ǹ díin laadoo zɛnaa-n ma, sɛnɛ, díin man giɛ li ǹ nə ǹ nɛnyaanan laadoo saa nɛ.