Kiin2 5:15 - LAWA A BOO SONBORE

¹⁵ Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

LAWA A BOO SONBORE 2011

¹⁵ Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

Kiin2 5:15 Iomraidhean Croise

Siin Giala 33:11

ma da bǐɛ̃baa ǹ màn mɛn kɔ n la, lɛ kɔ n bɛ dɔ si. A giala, Lawa na á ma gɔ. Ma laadoo bɛ́ màn mɛn tumaa ganaa, a tumaa tá ma lon.» Zakɔba nə́ n laa Ezawu ganaa, yǎa á lɛ kɔ á mànan lɛn si.

Kiin1 13:7

Bɛ kio, kii lɛ pɛ Lawa a boo gii-dali lɛ nɛ: «N ta piɛ kun ka masɛ nɛ, n màn bii. Ma á die bǐɛ̃ biɛ n la ka màn nɛ.»

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

Kiin2 5:8

Lawa a min Yiliizee bɛ́ á ma, mà Izirayeli gána a kii ná a mɔnaan tɔtoɛ̃, á minin dia woe pii ni kɛnɛn: «Wàa na á baa n nə n mɔnaan tɔtoɛ̃? Naaman lɛ kiɛ̃ a da masɛ li, á re doɛ̃ mà Lawa a boo gii-dali tá Izirayeli gána nɛ.»

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 45:6

Bɛ lɛ nɛ, a kũ lɛ̀giala ganaa a wo lɛ̀nyɛɛn yaa, min tumaa á re doɛ̃, mà màn kɔn banban á kiɛ̃ masɛ la wa. Ma din ni Dɛnaa Lawa lɛa, kɔsɔ banban.

Rɔmu minin 10:10

Sonbore, bɛ̀ ń golee Lawa li ka n foo ne, Lawa n lɛ koe n ganaa min pepere lɛa, bɛ̀ ń pɛ ka n lɛ nɛ, bɛ n woe n diɛ kirisibaa nɛ.

Korɛnti2 9:5

Má ga a ganaa, máa a n siĩni, ma wɔ dɔɔ̃nɔn kɛn nyankɔ, ma ǹ dia ma nyɛɛnɛ, ka lɛ kɔ ka bǐɛ̃baa ǹ sii mɛn nɛ, ǹ da bɛ yɔrɔ bɔ. Bɛ̀ á n baa miɛ̃, ma á re die yiɛ bɛ̀ ká n yɔrɔ bɔ ká nya, bɛ tɔn nyaa, mà ka ǹ ká kɔ ka foo kɔɔ̃n nɛ, pàã ná a yɛ a-n wa.

Zozoe 9:24

Ǹ nə́ tɔ́n Zozoe lɛ si ǹ nə́ pɛ nɛ: «Ǹ tá goɛ̃ bɛ̀ ǹ pɛ wɔsɛn man foaã nɛ mà Dɛnaa Lawa lɛ, n Lawa lɛa, mà bɛ na á goã á pɛ a dí-nyali Muizu ni, mà asɛ á re gána lɛ tumaa koe ka la, mà ka die ka gána lɛ a minin tumaa dɛ, ka ǹ bɔ ka nyɛɛnɛ. Bɛ lɛ na á nyɛ́ɛ gole da wɔsɛn ganaa. Bɛ lɛ na á toa wɔ́ zɛnaa kɛnɛn, wɔ́ ga wɔ dinin nyin li.

Zozoe 9:9

Ǹ ná a lɛ si kɛnɛn: «N dí-nyalin lɛn bɛ́ boe gána mɛn nɛ die, á sɔsɔɔ taãn-taãnɛ. Dɛnaa Lawa lɛ, n Lawa lɛa, bɛ lɛ a lɛa nɛ. A giala, wɔsɛn ná a boo ma. A sii mɛn tumaa zɛnaa Ezipti gána nɛ,

Samayeli1 25:27

Sisia, n bɛ̀rɛlɔ bɛ́ die n guguru koe ka màn mɛn nɛ, minin mɛnɛn bɛ́ kunun n ni, a si n gii ǹ ni.

Samayeli1 9:7

Sayulu pɛ a dí-nyali lɛ nɛ: «Sɛnɛ, bɛ̀ wɔ́ woo, wɔ n die wàa koe Lawa a boo gii-dali lɛ la? A giala, màn-bii ba wɔa boroon ne doo wa, wɔa bǐɛ̃baa ǹ màn kɔn banban, wɔ́ n koe Lawa a boo gii-dali lɛ la wa. Wɔa wàa na a tan?»