Kiin2 5:14 - LAWA A BOO SONBORE

¹⁴ Naaman tɔ́n kiɛ̃ á woo Zurdɛ̃ tà lɛ lɛ-a, á n yii sã Zurdɛ̃ tà mu lɛ li gunyin sɔbaa, ka Lawa a min lɛ goã á da lɔn. Naaman yoreen kɔ, a gɔ̀nɔn nə́ n baa ka nɛnyaan boɛɛn gɔ̀nɔn nɛ.

LAWA A BOO SONBORE 2011

¹⁴ Naaman tɔ́n kiɛ̃ á woo Zurdɛ̃ tà lɛ lɛ-a, á n yii sã Zurdɛ̃ tà mu lɛ li gunyin sɔbaa, ka Lawa a min lɛ goã á da lɔn. Naaman yoreen kɔ, a gɔ̀nɔn nə́ n baa ka nɛnyaan boɛɛn gɔ̀nɔn nɛ.

Kiin2 5:14 Iomraidhean Croise

Kiin1 17:16

Wùsu lɛ goã nyɛɛ kunun lɛ-n wa, nyɔɔ lɛ dɔ goã nyɛɛ tàan lɛ-n wa, ka Dɛnaa Lawa goã á Yilii da a pɛ ganaa lɔn.

Kiin2 4:35

Yiliizee yoo lon á goã n gòãn boe kɔn kion lɛ nɛ, bɛ kio, á wusoo á woo n lɛ bɔ tán nɛnyaan lɛ la. Nɛginin lɛ tɔ́n haatisəə da gunyin sɔbaa, á n yii bũ.

Kiin2 5:10

Yiliizee tɔ́n min dia woe pii ni: «Wo n yii sã Zurdɛ̃ tà mu li, gunyin sɔbaa, n busu lɛ á die nyɛɛ lenlen, n *yoreen kɔ.»

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Zɔbu 31:13

Ma bɛ́ kɔn ka maa dí-nyalin kɛn nɛ, bɛ̀ man má mɛnaa ǹ la,

Zɔbu 33:25

bɛa biikoo li, a n wusii a nɛ ten gɔ̀nɔn bɔ, a n wusii a na a tenmaa waáraa gɔ̀nɔn saa.

Bɔ bɛ̀rɛbaa nɛ 4:7

Dɛnaa pɛ nɛ: «Wusoo doo n nə n gɔn da n foo bii.» Á wusoo á da walan, á tɔ́n bɔ. A gɔn lɛ wusoo á bǐɛ̃ kɔ.

Suusun 9:9

Bɛ̀ n yiri kɔ sii-dɔ̃li la, n nə́ n màn da a yiri li. Ń bɛ́ boo mɛn diɛ min pepere ne, a n màn diɛ a doɛ̃ li.

Lawa a wúlu-bɔlen 13:58

Bɛ̀ mɔnaa lɛ nɛ, ta mɔnaa wùsu hinlaa dɔnkɛ nɛ, hinlaa ta ki màn mɛn nɛ, bɛ̀ á pii, sulii lɛ nə́ n bɔ a ganaa, a wusoo a pii doo, a tɔn yoreen kɔ.

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Zakarii 14:8

Bɛa pinaa lɛ nɛ, mu fu paɛ̃paɛ̃ tá re pìã woɛ̃ tán Zeruzalɛmu. A mu lɛ a talɛɛ n die baa sii a wo Yìsi mu kɔsɛ kɔsɛ ganaa, a talɛɛ kɔsɔ ke, bɛ n die woe Yìsi mu gole ganaa, a baa si lɛ̀ tumaa gɔ́ɔ̃ nɛ, taãlan laanka bɔ̀nɔn.

Luku 4:27

Lawa a boo gii-dali Yiliizee a wasa nɛ, gɔ̀nɔn busu babaraa dɛnaa gigiã goã Izirayeli gána nɛ, sɛnɛ, bɛn kɔ́n a busu nya wa, yǎa Naaman mɛn bɛ́ Siirii gána min lɛa.

Luku 5:13

Yezu nə́ n gɔn saa á da a ganaa, á pɛ: «Ma tá li. Masɛ máa busu lɛ nə n bɔ n ganaa.» A din bǎã-n gɔrɔ gɔ̀nɔn busu babaraa lɛ nə́ n bɔ giĩ lɛ ganaa.

Zaã a sɛ́wɔ 2:5

Ǹ dan tɔ́n pɛ màn-bii kɔ minin la wolen lɛn nɛ: «A bɛ́ re pii ka nɛ mà ka sii woo sii zɛnaa, ka bɛ zɛnaa.»

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Zozoe 6:4

Lawa a wúlu-bɔle sɔbaa die a mɛ goo lɛ nyɛɛnɛ, ka bɛn sɔbaa kɛ nɛ. A lɛawaa sɔbaabaa ǹ wɔ pinaa, ka die ka kiwi lɛ lɛnpɛnɛ gunyin sɔbaa, bɛ̀ wúlu-bɔlen lɛn sɛn tá bɛa bɛnɛn lɛn pii.