Kiin2 5:13 - LAWA A BOO SONBORE

¹³ Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

LAWA A BOO SONBORE 2011

¹³ Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

Kiin2 5:13 Iomraidhean Croise

Siin Giala 41:43

Bɛ kio, á da a wotoro paabaa ǹ wɔ gɔ́ɔ̃ nɛ, minin nə́ goã n lɛ dii a nyɛɛnɛ ǹ nə́ pii: «Ka zii da!» Faarahɔn Zozɛfu koa a gána tumaa mìi la ka bɛa yɔrɔ lɛ nɛ.

Kiin1 20:23

Siirii gána a kii a dí-nyalin nə́ pɛ nɛ: «Izirayeli nɛnyaanan lawa lɛ n kele bǎã wɔ lɛa, bɛ lɛ na á toa ǹ nə́ boo wɔ la. Sɛnɛ, bɛ̀ wɔ́ zia da ǹ ganaa nyankɔrɔ lɛ nɛ, wɔ n boe ǹ la a giala yii li.

Kiin1 20:31

Bɛn-Adaadi a dí-nyalin nə́ pɛ nɛ mà ǹsɛn nə́ ma minin lɛ-n, mà Izirayeli gána a kiin lɛn tá min makara doɛ̃. Mà ǹsɛn man die gɛ̀ koa ǹ mɔnaa yii ǹ bɔsɔ-n, ǹsɛn nə biɛn da ǹ mìi ni, ǹsɛn nə soo, ǹ wo Izirayeli a kii lɛ yaa. Mà kɔntan, mà á die n yii toɛ koo.

Kiin2 13:14

Busu Yiliizee kũ, bɛ lɛ dɔ n die n biɛ a gɛ̀ busu lɛa. Izirayeli gána a kii Zoasi woo a li, á wuu pɛ a mìi la, á pɛ: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.»

Kiin2 2:12

Yiliizee yii bɛ́ á sii lɛ yɛ, á n lɛ dɛ Yilii ganaa: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.» Bɛ kio, Yiliizee yii Yilii yɛ doo wa. Yiliizee ná a mɔnaa kũ á toɛ̃ kɔn paa.

Kiin2 5:10

Yiliizee tɔ́n min dia woe pii ni: «Wo n yii sã Zurdɛ̃ tà mu li, gunyin sɔbaa, n busu lɛ á die nyɛɛ lenlen, n *yoreen kɔ.»

Kiin2 5:3

Ǹ kɔn pinaa, nɛlɔ lɛ pɛ a dɛnaalɔ lɛ-n kɛnɛn: «Á ke, bɛ̀ maa dɛnaagiĩ lɛ n boe la ke a wo Lawa a boo gii-dali kɛ li Samarii kiwi, a na a gɔ̀nɔn ki busu babaraa kɛ nyɛɛ a bɔ a ganaa.»

Kiin2 6:21

Izirayeli gána a kii lɛ bɛ́ á ǹ yɛ, á pɛ Yiliizee ne: «Maa díi! Ma doamaa nɛ ma ǹ dɛ?»

Kiin2 8:9

Azayeli dɔ woo bɔ Yiliizee li. A bɛ́ woe, màn mɛn yii á ke a siĩnbaa miã ná a banban Damaasi kiwi wa, a na á woo ka bɛ nɛ a gɔn, bǐɛ̃baa ǹ màn lɛa. Bɛa mànan lɛn man kɔnpii ka nyɔɔmaa pusi a guĩ ni. Azayeli bɛ́ á dɔ, á golee Yiliizee yɔrɔ-a á pɛ: – N nɛgiĩ Bɛn-Adaadi lɛ, Siirii gána a kii lɛa, bɛ na á masɛ dia die pii n ni: «Mà asɛ á die n boe busu kɛ nɛ asɛ la?»

Loen 51:2

Davida naarɛbaa mɛn zɛnaa kun ka Basebaa nɛ, Lawa a boo gii-dali Natan woo a piɛ a sii-a, loe lɛ n woe kun ka bɛ nɛ.

Loen 51:7

Dinin, ma dan bɛ́ maa nɔ̀ nɛ, bɛ̀ man sii baraa-zɛnaali lɛa gɔrɔ, man má yɛ ka sii baraa nɛ.

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Matiə 23:9

Ka nyan toa ka min baa gole tán kɛ la, ka bíi "Díi" wa. A giala Díi goon toto dinsɔɔ̃ n ka lon, bɛ n ka Lon a Lawa nɛ.

Zaã a sɛ́wɔ 13:8

Piɛrɛ tɔ́n pɛ nɛ: «Boɛɛ wa! N ba masɛ gòãn pii wa!» Yezu mà Piɛrɛ ganaa: «Bɛ̀ man gòãn pii wa, n màn kɔ́n gii ba kun ka masɛ-n doo wa.»

Zaã a sɛ́wɔ 9:7

á pɛ nɛ: «Mu nyankɔrɔ mɛn bɛ́ ǹ tá bíi Silowee (bɛ giala mà dia dí-a wole), wo n yii pii bɛ nɛ.» Yii tere-a lɛ woo walan, á n yii pii, a bɛ́ n bɔyɛɛ die bɛ̀ a yii n wɔlɔ yii.

Nya ǹ dín 22:16

Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 1:27

Sɛnɛ, min mɛnɛn bɛ́ gàãnaan lɛa kanaa minin yɔrɔ-a, Lawa na á bɛn lɛn bɔ, á sìi diɛ kanaa a sii-dɔ̃lin ganaa nɛ; min mɛnɛn bɛ́ pàãwɛɛnaan lɛa, Lawa na á bɛn lɛn bɔ, á sìi diɛ kanaa a pàãdɛnan ganaa nɛ.

Korɛnti1 4:15

Sonbore ka á doɛ̃, ta min duu fù na á ka daraa Krita a siin ganaa, ka dí n goon toto. Masɛ din nə má Boo Tii Kɔɔ̃n kɛ pɛ ka nɛ, má kaa díi baa, má daa ka nɛ Yezu Krita ganaa.

Tiitii 3:5

a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.

Samayeli1 24:11

N yii yɛ pelo dinin, Dɛnaa Lawa nə n wɔ ma gɔn, yala lɛ nɛ. Ǹ nə́ pɛ mà man dɛ, sɛnɛ, n makara na á ma kũ, ma tɔ́n nə n toa: «Ma ba re n gɔn diɛ maa dɛnaagiĩ ganaa wa, a giala, Dɛnaa Lawa na á n bɔ, á n koa.»

Samayeli1 28:23

Sayulu nə́ n piã á pɛ mà asɛ a die màn bii wa. Sɛnɛ, a dí-nyalin lɛn laanka lɔ lɛ nə́ n laa a ganaa, á tɔ́n nə ǹ bɔlɔ si. Á yoo á n bɔ tán, á giã piì la.

Samayeli1 9:10

Sayulu pɛ a dí-nyali lɛ nɛ: «N boo kɔɔ̃n kɔ. Daa kəni wɔ wo a li.» Lawa a boo gii-dali lɛ bɛ́ kiwi mɛn-a, ǹ nə́ tɔ́n kiɛ̃ ǹ nə́ woo walan.