Kiin2 5:11 - LAWA A BOO SONBORE

¹¹ Naaman foo yoo, á kiɛ̃ ka a din ni, bɛ̀ á n pii: «Man má goã taasɛ, nɔ̀n diɛ ba a-n wa, máa Yiliizee lɛ n die soe a n bɔ a kion, a da golee bii-a a na a Lawa, Dɛnaa Lawa lɛ nyankɔ, a n gɔn dɔ talaa busu bǎã lɛ ganaa, a sii saa a bɔ gɔ̀nɔn ki busu babaraadɛnaa la.

LAWA A BOO SONBORE 2011

¹¹ Naaman foo yoo, á kiɛ̃ ka a din ni, bɛ̀ á n pii: «Man má goã taasɛ, nɔ̀n diɛ ba a-n wa, máa Yiliizee lɛ n die soe a n bɔ a kion, a da golee bii-a a na a Lawa, Dɛnaa Lawa lɛ nyankɔ, a n gɔn dɔ talaa busu bǎã lɛ ganaa, a sii saa a bɔ gɔ̀nɔn ki busu babaraadɛnaa la.

Kiin2 5:11 Iomraidhean Croise

Siin Giala 20:7

Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

Kiin2 4:5

Lɔ lɛ kiɛ̃ á n bɔ Yiliizee li, á woo n dɔ kion, á kiɛnlɛ kũ á tã a din laanka a nɛnyaanan lɛ. Nɛnyaanan lɛn man nə́ goã dɔnɔn lɛn diɛ la, a dɔ n nyɔɔ lɛ kiɛ ǹ nɛ miɛ̃.

Kiin2 5:10

Yiliizee tɔ́n min dia woe pii ni: «Wo n yii sã Zurdɛ̃ tà mu li, gunyin sɔbaa, n busu lɛ á die nyɛɛ lenlen, n *yoreen kɔ.»

Kiin2 5:12

Damaasi kiwi a tàn kɛn, Abanaa laanka Parpari, bɛn ba soɛ Izirayeli gána a tàn tumaa-n wa? Man maa boe la man zoo walan doɛ̃ ma kaka kɔ wa?» Bɛ kio, á n bɔyaa á woo a foo n yoo ne.

Suusun 1:32

Piã ka sii-doɛ̃ nɛ n bɔ̀n diɛ baãnaan ganaa. Foo doa din ganaa dɔ n gəngəə̃n wɔ ziziɛ̃.

Suusun 13:10

Din gole kɔlen man zia yiɛ. Sɛnɛ, min mɛnɛn bɛ́ lɛ koe doroo ganaa, sii-doɛ̃ n bɛn wɔ lɛa.

Suusun 3:7

N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

Matiə 15:27

Lɔ lɛ tɔ́n pɛ: «Mìinaa, sonbore ne, sɛnɛ, màn-bii bisin mɛn bɛ́ kiɛ tán-a, gindɛnaa a gin tienən tá bɛ goɛ ǹ bii sɛn.»

Matiə 19:22

Giĩ lɛ bɛ́ á bɛa boo lɛ ma lɔn, a yɔrɔ kɔsiɛmaa na á woo, a giala gɔn màn gigiã tá a lon.

Matiə 8:8

Sɛnɛ, sɔraasin goledɛnaa lɛ pɛ Yezu ni: «Mìinaa ganaa, masɛ doamaa bie ka n wɔ maa kion ne wa. Boo goon dinsɔɔ̃ pɛ, maa dí-nyali lɛ a busu á die nyɛɛ.

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Zaã a sɛ́wɔ 13:20

Man taãn pii ka nɛ, bɛ̀ min mɛn maa dia dí-a wole kũ doɛ̃, bɛa dɛnaa na á ma dinmaa lɛ kũ doɛ̃. Bɛ̀ min mɛn ma kũ doɛ̃, bɛa dɛnaa na á maa dia wole kũ doɛ̃.»

Zaã a sɛ́wɔ 4:48

Yezu tɔ́n pɛ nɛ: «Bɛ̀ ka bie ka kaãbaa ǹ sii dadaran yɛ wa, ka bɛ́ ka a re golee masɛ li duduu wa!»

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,