Kiin2 5:10 - LAWA A BOO SONBORE

¹⁰ Yiliizee tɔ́n min dia woe pii ni: «Wo n yii sã Zurdɛ̃ tà mu li, gunyin sɔbaa, n busu lɛ á die nyɛɛ lenlen, n *yoreen kɔ.»

LAWA A BOO SONBORE 2011

¹⁰ Yiliizee tɔ́n min dia woe pii ni: «Wo n yii sã Zurdɛ̃ tà mu li, gunyin sɔbaa, n busu lɛ á die nyɛɛ lenlen, n *yoreen kɔ.»

Kiin2 5:10 Iomraidhean Croise

Kiin2 2:21

Mu lɛ bɛ́ soe tán bǎã mɛn nɛ, Yiliizee soo á woo walan, á yìsi kaa bɛa bǎã lɛ nɛ, á pɛ: «Dɛnaa Lawa pɛ mà asɛ n mu kɛ lɛ yoreen koe, a ba re gɛ̀ dii doo wa, a ba re màn kurii búu baa ganaa doo wa.»

Kiin2 3:16

Yiliizee nə́ n toa: «Dɛnaa Lawa mà ka nyankɔrɔ didi fɔ̃ tán nyankɔrɔ lɛ kɛ nɛ.

Kiin2 4:35

Yiliizee yoo lon á goã n gòãn boe kɔn kion lɛ nɛ, bɛ kio, á wusoo á woo n lɛ bɔ tán nɛnyaan lɛ la. Nɛginin lɛ tɔ́n haatisəə da gunyin sɔbaa, á n yii bũ.

Kiin2 4:41

Lawa a min lɛ pɛ: «Ka da ka wùsu ni.» Á wùsu lɛ pɛsɛ̃ dɔn lɛ gɔ́ɔ̃ nɛ, á pɛ: «Ka kɔ minin lɛn la, ǹ bii.» Màn baraa kɔn goã dɔn lɛ gɔ́ɔ̃-n doo wa.

Kiin2 5:11

Naaman foo yoo, á kiɛ̃ ka a din ni, bɛ̀ á n pii: «Man má goã taasɛ, nɔ̀n diɛ ba a-n wa, máa Yiliizee lɛ n die soe a n bɔ a kion, a da golee bii-a a na a Lawa, Dɛnaa Lawa lɛ nyankɔ, a n gɔn dɔ talaa busu bǎã lɛ ganaa, a sii saa a bɔ gɔ̀nɔn ki busu babaraadɛnaa la.

Kiin2 5:14

Naaman tɔ́n kiɛ̃ á woo Zurdɛ̃ tà lɛ lɛ-a, á n yii sã Zurdɛ̃ tà mu lɛ li gunyin sɔbaa, ka Lawa a min lɛ goã á da lɔn. Naaman yoreen kɔ, a gɔ̀nɔn nə́ n baa ka nɛnyaan boɛɛn gɔ̀nɔn nɛ.

Kiin2 5:9

Bɛ kio, Naaman daa ka a sùin ni, ka a wotoro ne, á golee Yiliizee a kiɛnlɛ-a.

Bɔ bɛ̀rɛbaa nɛ 4:18

Muizu wusoo, á woo ǹ daãgiĩ Zetro li, á pɛ-n kɛnɛn: «Ma á siĩni ma wusoo, ma wo ma din tɔrɔ minin kɛn li Ezipti gána nɛ, ma ga bɛ̀ ǹ yii á tɔn koo.»

Lawa a wúlu-bɔlen 13:58

Bɛ̀ mɔnaa lɛ nɛ, ta mɔnaa wùsu hinlaa dɔnkɛ nɛ, hinlaa ta ki màn mɛn nɛ, bɛ̀ á pii, sulii lɛ nə́ n bɔ a ganaa, a wusoo a pii doo, a tɔn yoreen kɔ.

Lawa a wúlu-bɔlen 14:16

À n gusin a gòon mìi gole a koamala sã bɛa nyɔɔ lɛ li walan, gunyin sɔbaa, a pɛsɛ̃ kɔn yɛ ka Lawa nɛ ǹ kion kɛ yɔrɔ-a.

Lawa a wúlu-bɔlen 14:51

Bɛ kio, a sɛdrə da lɛ laanka izopi da lɛ a gɔn saa, sère ka tã zenzen lɛ nɛ, ka bàan yiikoonaa lɛ nɛ. Ǹ bàan mɛn bɔlɔ kuru mu yoreen lɛ lalan, a bɛa mànan lɛn sã bɛ mà li, a pɛsɛ̃ kion lɛ ganaa gunyin sɔbaa.

Lawa a wúlu-bɔlen 14:7

Min mɛn lɛ á ke gɔ̀nɔn ki busu babaraa lɛ a gɔ̀ boe a din ganaa, a bàan mà lɛ pɛsɛ̃ bɛa dɛnaa ganaa gunyin sɔbaa, a tɔn pɛ mà á yoreene. Bɛ kio, a n gɔn bɔ bàan yiikoonaa lɛ sɛ ganaa, bɛ piɛ̃ a wo don.

Lawa a wúlu-bɔlen 16:14

Aarɔn nə n gòon goon sã dii gɔ̀lɔ̀ lɛ a mà li, á pɛsɛ̃ lɛ kɔ kɔn la ǹ goo lɛ a lɛpii ganaa, a lɛ̀giala gɔn la. Bɛ kio, á n gòon sã li, bɛ̀ a pɛsɛ̃ lɛ kɔ kɔn la ǹ goo lɛ yɔrɔ-a, yǎa gunyin sɔbaa.

Lawa a wúlu-bɔlen 16:19

Bɛ kio, a n gòon sã mà lɛ li, a pɛsɛ̃ wúlu bɔ ǹ bǎã lɛ ganaa gunyin sɔbaa. Bɛ̀ á zɛnaa miɛ̃, á die Izirayeli minin gɔ̀dɛnaabaa ǹ siin kɛn pii a ǹ bɔ ǹ ganaa, a ǹ *yoreen kɔ.

Minin nimi 19:19

Min mɛn lɛ á ke yoreene, bɛ lɛ die a mu lɛ pɛsɛ̃ gɔ̀dɛnaa lɛ-a, sii lɛ a zɛnaa a lɛawaa sɔɔbaa ǹ wɔ pinaa, ka a lɛawaa sɔbaabaa ǹ wɔ pinaa nɛ. Min yoreen lɛ die a gɔ̀ bɔ gɔ̀dɛnaa lɛ-a, a lɛawaa sɔbaabaa ǹ wɔ pinaa, bɛ kio, gɔ̀dɛnaa lɛ na a mɔnaan pii, a n zoo mu li, á die yoreen koe wasamiɛ̃nɛ.

Minin nimi 19:4

Eleyazaara lɛ die a n gòon sã dii dan lɛ mà kɔn nɛ a pɛsɛ̃ gunyin sɔbaa, dia-n woe kɔn yɛ ka Lawa nɛ ǹ mɔnaa zìã kɛ yɔrɔ-a.

Zaã a sɛ́wɔ 5:4

A giala, Dɛnaa a dia dí-a wole goon nə gisĩ mu yala lɛ nɛ, bɛ̀ a bìn da mu lɛ ganaa. Bɛ̀ á bìn da mu lɛ ganaa, min mɛn bɛ́ re n doe li bibinaanɛ, bɛa dɛnaa a busu n nyɛɛ, haalɛ ta a n lɔn.]

Zaã a sɛ́wɔ 9:7

á pɛ nɛ: «Mu nyankɔrɔ mɛn bɛ́ ǹ tá bíi Silowee (bɛ giala mà dia dí-a wole), wo n yii pii bɛ nɛ.» Yii tere-a lɛ woo walan, á n yii pii, a bɛ́ n bɔyɛɛ die bɛ̀ a yii n wɔlɔ yii.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Zozoe 6:4

Lawa a wúlu-bɔle sɔbaa die a mɛ goo lɛ nyɛɛnɛ, ka bɛn sɔbaa kɛ nɛ. A lɛawaa sɔbaabaa ǹ wɔ pinaa, ka die ka kiwi lɛ lɛnpɛnɛ gunyin sɔbaa, bɛ̀ wúlu-bɔlen lɛn sɛn tá bɛa bɛnɛn lɛn pii.