Kiin2 4:38 - LAWA A BOO SONBORE

³⁸ Yiliizee wusoo á daa Gilgaali. Bɛa biikoo li, bɛ̀ bòo n gána lɛ nɛ. Ǹ kɔn pinaa, a Lawa a boo gii-dali zaman lɛ toa giã-n tán Yiliizee nyɛɛnɛ, Yiliizee pɛ a dí-nyali ni: «Dɔn gole da tɛ lan, n kiri mu bɔ màn kɔn-a, Lawa a boo gii-dali zaman lɛ wɔ lɛa.»

LAWA A BOO SONBORE 2011

³⁸ Yiliizee wusoo á daa Gilgaali. Bɛa biikoo li, bɛ̀ bòo n gána lɛ nɛ. Ǹ kɔn pinaa, a Lawa a boo gii-dali zaman lɛ toa giã-n tán Yiliizee nyɛɛnɛ, Yiliizee pɛ a dí-nyali ni: «Dɔn gole da tɛ lan, n kiri mu bɔ màn kɔn-a, Lawa a boo gii-dali zaman lɛ wɔ lɛa.»

Kiin2 4:38 Iomraidhean Croise

Siin Giala 25:29

Ǹ kɔn pinaa, Zakɔba zii tɔrɔ kɔ́n kɔrɛ. Ezawu bɔ donbaa ǹ bǎã nɛ á daa. Á goã nɔmaa-n parsiini.

Samayeli2 21:1

Davida a kiibaa biikoo li, bòo babaraa kɔn bɔ lɛ̀ sɔɔ kɔn kio. Bɛ gɔ́ɔ̃ nɛ, Davida nɔ̀n da Dɛnaa Lawa la, Dɛnaa Lawa tɔ́n pɛ nɛ: «Sayulu laanka a kion minin nə gɛ̀n mɛnɛn dɛ, bɛ na á daa ka kɛ nɛ. A giala, á Gabawɔ̃ minin dɛ ǹ nə́ gã.»

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin2 2:1

Dɛnaa Lawa bɛ́ Yilii siɛ kun ka kurunkurun ni, woe-n lon ne, bɛ̀ Yilii laanka Yiliizee nə n toɛ Gilgaali kiwi woe bǎã kɔsɔ nɛ.

Kiin2 2:3

Lawa a boo gii-dalin mɛnɛn bɛ́ giã-n Betɛli, bɛn nə́ soo ǹ nə́ n da Yiliizee lɛ, ǹ nə́ nɔ̀n da la: «Ń tá doɛ̃ mà Dɛnaa Lawa n die n dɛnaagiĩ Yilii lɛ siɛ pelo, a n lɛ kɔ-n lon n mìi lalan?» Yiliizee nə́ ǹ lɛ si: «Ma dɔ á doɛ̃, ka n lɛ tã.»

Kiin2 4:1

Lawa a boo gii-dalin mɛnɛn bɛ́ giã-n kun zaman lɛa, bɛn goon a lɔ Yiliizee nyankɔ á pɛ nɛ: «Ma zuũ lɛ, n dí-nyali lɛa, á gã. N ta doɛ̃, mà n dí-nyali lɛ goã nyɛ́ɛ biɛ Dɛnaa Lawa yii ni. Sɛnɛ, a giɔ̀mɔdɛnaa na á daa, a gɔ́ɔ̃ na a ganaa, a maa nɛgiĩ min paa kũ a baa a bɛ̀rɛn lɛa, a giɔ̀mɔ lɛ bǎã nɛ.»

Kiin2 4:39

Ǹ min goon soo á woo lalaa mà a n dù goɛ. Á n mìi na don *rezɛ̃ da ganaa, á màn tɔrɔ kɔn goa a tɔ n kolokɛnti, a ná a mɔnaa pã nɛ. A bɛ́ á n bɔyaa ǹ mɛn waáraa, á kukuru á kaa kiri mu dɔn lɛ nɛ. Min kɔn goã doɛ̃ dinin a bɛ́ màn mɛn lɛa wa.

Kiin2 8:1

Yiliizee goã á Sunɛmu lɔ mɛn lɛ a nɛ yii kaa, bɛ kio, Yiliizee boo da ka bɛ nɛ á pɛ nɛ: «Yoo, n bɛ̀ re boe bǎã mɛn a gùli kɔ la, n wo walan, n din laanka n kion minin ni. A giala, Dɛnaa Lawa bòo da bɔ ganaa. Bɛa bòo lɛ á die boe Izirayeli gána lɛ nɛ, a dɔ lɛ̀ sɔbaa dinin.»

Zɔbu 30:4

Maǹ nə́ goã buu boe daã gòã li, maǹ nə́ goã da gòonən boe bɛ̀ ǹ sɔ̃.

Suusun 8:34

Min mɛnɛn bɛ́ n too koe ma lon, bɛn wɔ á re bǐɛ̃ koe. Maǹ lɛ̀ wɛɛ maa kiɛnlɛ-a baraa nɛ. Maǹ maa kion a wɔ ǹ kiɛnlɛ lɛduĩ.

Ezekieli 11:3

Maǹ pii: «Kion-dɔ biikoo bie ke wa. Kiwi lɛ n fɔlɔ donkolon lɛa, wɔsɛn man siĩ lɛa a nɛ.»

Ezekieli 11:7

Bɛ lɛ na á toa masɛ Dɛnaa Lawa á pii: Kiwi lɛ n ka fɔlɔ donkolon bɛ́ lɔn sonbore. Ka min mɛnɛn lɛn dɛ ka ǹ kaa tán-a a nɛ, siĩ lɛ n ka bɛ nɛ. Sɛnɛ, ma á re kasɛn wɛɛ ma soo ka nɛ.

Ezekieli 14:13

«Minbuiin a nɛ, bɛ̀ gána mɛn a minin nə́ sii baraa zɛnaa masɛ nɛ, ǹ nə́ ma bɔlɔ tii, ma á re yui ǹ gialaa ma ǹ màn-bii ziziɛ̃, ma bòo kaa ǹ ganaa, ma ǹ minbuiinin laanka ǹ tɔɔn dɛ.

Ezekieli 24:3

Boo giməə da piã-wɔlen kɛn manɛ, n pɛ ǹ nɛ, mà masɛ din Dɛnaa Lawa n kɛ pii ǹ ni: Fɔlɔ donkolon da tɛ la, a da la, n mu kaa a nɛ.

Lawa a wúlu-bɔlen 26:26

Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Amɔɔsi 7:14

Amɔɔsi tɔ́n Amasiya lɛ si á pɛ nɛ: «Ma bie ma goã Lawa a boo gii-dali lɛa wa, ma bie Lawa a boo gii-dali tɔrɔ dɔ din lɛa wa. Man má goã tɔɔn-lɛduə̃li lɛa, da nɛ-kɔlen nə́ goã ma lon.

Marki 6:37

Yezu pɛ ǹ nɛ: «Ka dinin nə màn-bii kɔ ǹ la ǹ bii.» Ǹ nə́ tɔ́n pɛ Yezu ni: «Ma n giɛ li wɔsɛn nə lɛawaa biɛpaa a dí nya ǹ giɔ̀mɔ saa wɔ wo buuru pii ni, wɔ tɔn da kɔ ǹ la ǹ sɔ̃?»

Luku 10:39

Bɛa lɔ lɛ diɛ̃lɔ na á goã, a tɔ n Mariya. Bɛ́ daa giã tán Dɛnaa yɔrɔ-a, a nə́ n too koe a boo ganaa.

Luku 2:46

A lɛawaa sɔɔbaa ǹ wɔ pinaa kəni, ǹ nə́ woo yaa Lawa a kion, á n giã-n tán landa sii-daraalin bii, a nə́ n too koe ǹ lon, bɛ̀ á n nɔ̀n diɛ ǹ la.

Luku 4:25

Man pii ka-n taãn-taãnɛ, Lawa a boo gii-dali Yilii a biikoo li, la bɛ́ n piɛ̃ lɛ̀ sɔɔ ka mui sɔrɔ a ná a kiɛ wa, bòo wɔ, lɔ giɔɔrɔ goã mɔnaa-n Izirayeli gána nɛ.

Luku 8:35

Minin nə́ soo ǹ nə́ daa ga bɛa sii kɛ lɛ ganaa. Ǹ nə́ dɔ Yezu li, ǹ nə́ yɛ nɔ̀ɔn baraan lɛn nə́ n bɔ giĩ lɛ ganaa. Ǹ nə́ giĩ lɛ yɛ giã-n tán-a Yezu li, mɔnaan ná a ganaa, á n minbuiin yii kɔɔ̃n-a dɔ lɛa tán. Nyɛ́ɛ minin lɛn kũ.

Luku 8:38

Giĩ mɛn bɛ́ nɔ̀ɔnɔn nə́ n bɔ-a lɛn, bɛ na á goã Yezu nyankoe mà a toa asɛ wo giã kun ni. Sɛnɛ, Yezu nə́ n piã, á zii kɔ la mà a woo, bɛ̀ á n pii ni

Luku 9:13

Sɛnɛ, Yezu pɛ ǹ nɛ kɛnɛn: «Ka dininmaan nə màn-bii kɔ ǹ la.» Dia dí-a wolen lɛn nə́ Yezu lɛ si: «Buuru sooro dinsɔɔ̃ n wɔsɛn lon ka zɔ̀ màn paa nɛ. Yǎa wɔ woe màn-bii pii kiwi gɔ́ɔ̃ nɛ bɛa min damata kɛ a lɛa goɛ̃ nɛ?»

Zaã a sɛ́wɔ 21:5

Á n toa ǹ ganaa: «E, maa minin lɛn, ka zɔ̀ kɔ́n kũ wa ya?» Ǹ ná a lɛ si mà haayii.

Zaã a sɛ́wɔ 21:9

Ǹ bɛ́ ǹ nə́ soo ǹ nə́ n bɔ mu lɛ li, ǹ nə́ tɛ nàn kɔ́n yɛ tán, zɔ̀ n la, ka buuru ni.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 15:36

Biikoo kɔ́n bɛ́ á kiɛ̃, Pooli pɛ Barnabaasi ni: «Wɔsɛn nə Dɛnaa a boo tii kɔɔ̃n lɛ pɛ kiwin mɛnɛn nɛ, daa, wɔ wusoo wɔ wo walan, wɔ n yii kɔ bɛa dɔɔ̃nɔn lɛn li, wɔ ǹ tɔ wɔ ǹ gɔn dɔ̃.»

Nya ǹ dín 22:3

Pooli pɛ: – Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke.

Samayeli1 19:20

Sayulu minin dia mà ǹ wo Davida kũ. Ǹ nə́ woo Lawa a boo gii-dalin yaa bɛ̀ ǹ nə́ kaa kɔn li, ǹ tá a gialaa Lawa a boo gii-dalibaa ǹ siin zɛnɛɛ, Samayeli nə́ ǹ mìi la. Lawa yiri gisĩ Sayulu a minin lɛn la, ǹ dɔn nə́ goã Lawa a boo gii-dali baa ǹ siin zɛnɛɛ.