Kiin2 4:31 - LAWA A BOO SONBORE

³¹ Geazi sɛ goã á woo ǹ nyɛɛnɛ, á bàlà lɛ da nɛnyaan lɛ yɔrɔ la, sɛnɛ, boo kɔn bɔ wa, yiikoonaabaa ǹ sii a kɔnboe kɔn yɛ wa. Geazi tɔ́n wusoo á daa n da Yiliizee lɛ, á bɔ boo lɛ nɛ á da nɛ mà nɛginin lɛ yii kaa wa.

LAWA A BOO SONBORE 2011

³¹ Geazi sɛ goã á woo ǹ nyɛɛnɛ, á bàlà lɛ da nɛnyaan lɛ yɔrɔ la, sɛnɛ, boo kɔn bɔ wa, yiikoonaabaa ǹ sii a kɔnboe kɔn yɛ wa. Geazi tɔ́n wusoo á daa n da Yiliizee lɛ, á bɔ boo lɛ nɛ á da nɛ mà nɛginin lɛ yii kaa wa.

Kiin2 4:31 Iomraidhean Croise

Kiin1 18:26

Ǹ dii gɔ̀lɔ̀ mɛn lɛ kɔ ǹ la, ǹ nə́ dɛ ǹ nə́ zɛnaa. A saa baayɛlɛ ganaa a wo penleen yaa, ǹ nə́ Baali nyankɔ bɛ̀ ǹ tá pii: «Baali, wɔ lɛ si!» Sɛnɛ boo bɔ wa, lɛ sii yɛ wa. Ǹ goã ǹ nə́ *wúlu bɔ ǹ bǎã mɛn lɛ dɔ, maǹ nə́ goã bɛ̀ biɛ bɛ genli.

Kiin1 18:29

Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin2 4:32

Yiliizee bɛ́ á dɔ kion lɛ nɛ, bɛ̀ nɛginin lɛ á ke á gã sonbore, a lɛ n boe-n tán Yiliizee a piì la.

Kiin2 5:20

Geazi lɛ, Lawa a min Yiliizee a dí-nyali lɛa, bɛ́ taasɛ kɛnɛn: «Maa dɛnaagiĩ bɛ́ á Siirii min Naaman kɛ lɛ toa walan nanaa, a giala, a da ka bǐɛ̃baa ǹ mànan mɛnɛn nɛ, maa dɛnaagiĩ nə́ n piã ǹ nɛ. Dɛnaa Lawa Yiikoonaa lɛ tɔ taman yii, masɛ n die koe a kio lɛ, ma wo màn si la.»

Kiin2 8:1

Yiliizee goã á Sunɛmu lɔ mɛn lɛ a nɛ yii kaa, bɛ kio, Yiliizee boo da ka bɛ nɛ á pɛ nɛ: «Yoo, n bɛ̀ re boe bǎã mɛn a gùli kɔ la, n wo walan, n din laanka n kion minin ni. A giala, Dɛnaa Lawa bòo da bɔ ganaa. Bɛa bòo lɛ á die boe Izirayeli gána lɛ nɛ, a dɔ lɛ̀ sɔbaa dinin.»

Zɔbu 14:12

A n miɛ̃, min ba giɛ̃ a wusoo a yoo wa. Bɛ̀ ń geren yaa yui, bɛ̀ ń nə ǹ yii yaa kiɛ n boe nyuù kɛ nɛ, yǎa tan bɛ̀ lon banban doo wa.

Ezekieli 14:3

– Nsɛ minbuiin a nɛ, minin kɛn lɛn dìn sii tá kaka ǹ ganaa. A din dìn lɛn manə ǹ kiɛ sii baraa zɛnaa ganaa. Ma á re toɛ bɛa minin lɛn nə nɔ̀n da ma la ka sii ni sonbore?

Marki 5:39

Yezu wɔ kion, á pɛ ǹ nɛ: «Wàa lɛ-dɛ gigiã n ka bɛ nɛ? Wàa na á baa ka á wuu pii? Nɛ lɛ bie á gã wa, a n nyuù we.»

Zaã a sɛ́wɔ 11:11

Bɛa boon lɛn diɛ kio á tɔ́n pɛ: «Wɔa giaáragiĩ Lazaarɛ lɛ na á nyuù wɔ, sɛnɛ, masɛ á die woe a yii kiɛ.»

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Samayeli1 14:37

Sayulu nɔ̀n da Lawa la: «Ma doamaa nɛ ma Filisiti minin lɛn kio loo? N tá re ǹ we Izirayeli minin gɔn?» Sɛnɛ, bɛa pinaa kɛ lɛ nɛ, Lawa na a lɛ si wa.

Samayeli1 28:6

Sayulu nɔ̀n da Dɛnaa Lawa la, sɛnɛ, Dɛnaa Lawa na a lɛ si wa. A na a lɛ si ka narɛ-n wa, a na a lɛ si ka buun diɛ-n wa, a boo kɔn dɔ da a boo gii-dalin manɛ mà ǹ pɛ-n wa.