Kiin2 4:13 - LAWA A BOO SONBORE

¹³ Yiliizee pɛ a dí-nyali lɛ nɛ kɛnɛn: «A pɛ lɔ lɛ nɛ, mà á wɔsɛn guguru kɔ ka yɔrɔ din tumaa nɛ. Mà wɔsɛn nə wàa zɛnaa nɛ? Wɔ wo a bǐɛ̃ kɔ ǹ boo da kii-n hinlaa wɔ wo da sɔraasin mìilandɛnaa nɛ?» Yǎa lɔ lɛ tɔ́n nə n toa: «Ma tá ka tɔrɔn bii kiĩni.»

LAWA A BOO SONBORE 2011

¹³ Yiliizee pɛ a dí-nyali lɛ nɛ kɛnɛn: «A pɛ lɔ lɛ nɛ, mà á wɔsɛn guguru kɔ ka yɔrɔ din tumaa nɛ. Mà wɔsɛn nə wàa zɛnaa nɛ? Wɔ wo a bǐɛ̃ kɔ ǹ boo da kii-n hinlaa wɔ wo da sɔraasin mìilandɛnaa nɛ?» Yǎa lɔ lɛ tɔ́n nə n toa: «Ma tá ka tɔrɔn bii kiĩni.»

Kiin2 4:13 Iomraidhean Croise

Siin Giala 14:24

Màn kɔ́n ba masɛ bǎã-n wa, yǎa maa minin kɛn màn-bii dinsɔɔ̃. Sɛnɛ, min mɛnɛn nə ma da zii, Anɛɛrɛ laanka Eskɔli ni ka Manbre ne, bɛn dininmaan tá re ǹ wɔ gii sii.»

Samayeli2 19:13

Ka n masɛ dɔɔ̃nɔn lɛa, ma din wɔ taãnan man ka nɛ. Wàa na á baa ka dinin tá tɔn die wusii goɛ̃ kio ka masɛ a wusoo a da-piɛ kɛa sii yɔrɔ bɔ nɛ?»

Kiin1 2:32

Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.

Kiin2 4:12

Yiliizee pɛ a dí-nyali Geazi ni: «Lɛ dia Sunɛmu lɔ lɛ la.» Geazi lɛ dia la, á daa golee a yɔrɔ-a.

Kiin2 4:14

Yiliizee tɔ́n pɛ doo: «Wɔsɛn man boe la wɔ wàa zɛnaa lɔ lɛ-n kəni?» Geazi Yiliizee lɛ si: «Nɛ ba lɔ lɛ lon wa le! Ǹ zuũ dɔ́ zizi kɔ.»

Kiin2 8:1

Yiliizee goã á Sunɛmu lɔ mɛn lɛ a nɛ yii kaa, bɛ kio, Yiliizee boo da ka bɛ nɛ á pɛ nɛ: «Yoo, n bɛ̀ re boe bǎã mɛn a gùli kɔ la, n wo walan, n din laanka n kion minin ni. A giala, Dɛnaa Lawa bòo da bɔ ganaa. Bɛa bòo lɛ á die boe Izirayeli gána lɛ nɛ, a dɔ lɛ̀ sɔbaa dinin.»

Kiin2 9:5

A bɛ́ á dɔ, bɛ̀ sɔraasi goledɛnan nə́ ke giã-n tán kun. Yǎa a tɔn nə n toa: «Kiã, boo goon tá masɛ li, man die pii n ni!» Zewu nə́ n toa: «Wɔsɛn mɛn nɛ?» Lawa a boo gii-dali ten lɛ ná a lɛ si: «N dinmaa lɛ nɛ!»

Loen 37:3

N foo doa Dɛnaa Lawa ganaa, n sii bǐɛ̃ zɛnaa, ń giɛ n tá goɛ̃ gána lɛ nɛ ka là nyantoro ne.

Rɔmu minin 16:2

Ka kũ doɛ̃ sɔnbɔraanɛ Dɛnaa tɔ lɛ a lɛa, a kɔnpɛ ka Lawa-nyankɔlen sii zɛnaa ǹ gɔn nɛ. A laadoo bɛ́ re doe ka ganaa ka sii woo sii ni, ka bɛ zɛnaa nɛ. A giala, a dɔ nə́ n dɔ min gigiã lɛ, haalɛ masɛ dinmaa.

Rɔmu minin 16:6

Ma á fòo diɛ Mariya nɛ, asɛ mɛn bɛ́ á dí gigiã nyaa ka nɛ.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.