Kiin2 4:1 - LAWA A BOO SONBORE

¹ Lawa a boo gii-dalin mɛnɛn bɛ́ giã-n kun zaman lɛa, bɛn goon a lɔ Yiliizee nyankɔ á pɛ nɛ: «Ma zuũ lɛ, n dí-nyali lɛa, á gã. N ta doɛ̃, mà n dí-nyali lɛ goã nyɛ́ɛ biɛ Dɛnaa Lawa yii ni. Sɛnɛ, a giɔ̀mɔdɛnaa na á daa, a gɔ́ɔ̃ na a ganaa, a maa nɛgiĩ min paa kũ a baa a bɛ̀rɛn lɛa, a giɔ̀mɔ lɛ bǎã nɛ.»

LAWA A BOO SONBORE 2011

¹ Lawa a boo gii-dalin mɛnɛn bɛ́ giã-n kun zaman lɛa, bɛn goon a lɔ Yiliizee nyankɔ á pɛ nɛ: «Ma zuũ lɛ, n dí-nyali lɛa, á gã. N ta doɛ̃, mà n dí-nyali lɛ goã nyɛ́ɛ biɛ Dɛnaa Lawa yii ni. Sɛnɛ, a giɔ̀mɔdɛnaa na á daa, a gɔ́ɔ̃ na a ganaa, a maa nɛgiĩ min paa kũ a baa a bɛ̀rɛn lɛa, a giɔ̀mɔ lɛ bǎã nɛ.»

Kiin2 4:1 Iomraidhean Croise

Siin Giala 22:12

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Kiin1 18:3

Akaabu tɔ́n lɛ dia kii a kion mìilandɛnaa Obadia la. Obadia lɛ goã nyɛ́ɛ biɛ Dɛnaa Lawa yii ni parsiini.

Kiin1 20:35

Bɛ kio, Lawa a boo gii-dalin lɛn, zaman lɛa kun, Dɛnaa Lawa bɛa goon da a pɛ ganaa ǹ miã n kɛnɛn: «Bǐɛ̃ kɔ n masɛ dɛ.» Sɛnɛ a pɛ giĩ mɛn lɛ nɛ, bɛ nə́ n piã a dɛ wa.

Kiin2 2:15

Lawa a boo gii-dalin mɛnɛn bɛ́ giã-n Zerikoo kiwi, bɛn nə́ goã ǹ nə́ Yiliizee yɛ ǹ yɔrɔ-a, ǹ nə́ tɔ́n pɛ: «Yiri mɛn goã Yilii la bɛ lɛ n Yiliizee la.» Ǹ nə́ daa n da lɛ, ǹ nə́ kaa tán a giulun,

Kiin2 2:3

Lawa a boo gii-dalin mɛnɛn bɛ́ giã-n Betɛli, bɛn nə́ soo ǹ nə́ n da Yiliizee lɛ, ǹ nə́ nɔ̀n da la: «Ń tá doɛ̃ mà Dɛnaa Lawa n die n dɛnaagiĩ Yilii lɛ siɛ pelo, a n lɛ kɔ-n lon n mìi lalan?» Yiliizee nə́ ǹ lɛ si: «Ma dɔ á doɛ̃, ka n lɛ tã.»

Kiin2 2:5

Lawa a boo gii-dalin mɛnɛn bɛ́ giã-n Zerikoo, bɛn nə́ ǹ zɔ̃ ǹ nə́ dɔ Yiliizee li ǹ nə́ pɛ nɛ: «N tá doɛ̃ mà n Dɛnaa Lawa n die n dɛnaagiĩ Yilii lɛ siɛ pelo, a n lɛ kɔ-n lon n mìi lalan?» Yiliizee nə́ ǹ lɛ si: «Ma á doɛ̃, ka n n lɛ tã.»

Kiin2 2:7

Lawa a boo-gii dali zaman lɛ a min posooro woo giã Zurdɛ̃ tà lɛ yɔrɔ-a tìã lɛa, Yilii laanka Yiliizee sɛ golee kunu tà lɛ li.

Kiin2 4:38

Yiliizee wusoo á daa Gilgaali. Bɛa biikoo li, bɛ̀ bòo n gána lɛ nɛ. Ǹ kɔn pinaa, a Lawa a boo gii-dali zaman lɛ toa giã-n tán Yiliizee nyɛɛnɛ, Yiliizee pɛ a dí-nyali ni: «Dɔn gole da tɛ lan, n kiri mu bɔ màn kɔn-a, Lawa a boo gii-dali zaman lɛ wɔ lɛa.»

Kiin2 6:9

Sɛnɛ Lawa a min lɛ na á goã minin diɛ woe pii Izirayeli gána a kii ni mà a yiri bɔ a din li a baran bɔ bǎã kɛ-n wa, a giala, mà Siirii minin nə́ woo walan.

Nehemii 10:31

Bɛ lɛ tɔ ganaa, wɔ ba re wɔa nɛlɔn koe gána lɛ a minin la wa, wɔ ba re ǹ nɛlɔn goɛ wɔ ǹ kɔ wɔa nɛgiĩn la wa.

Nehemii 7:2

Má pɛ máa ǹ ma dɔɔ̃ngiĩ Hananii da Zeruzalɛmu kiwi mìi la, ka bǎã-lɛduə̃lin goledɛnaa Hanania kɛ nɛ, a giala, Hanania lɛ goã bɔlɔgoondɛnaa lɛa, á n nyɛ́ɛ biɛ Lawa nɛ, á la min gigiã nɛ.

Loen 103:11

Min mɛnɛn bɛ́ nyɛ́ɛ biɛ nɛ, a kɔn-narɛɛ gole mɛn nyaa bɛn nɛ, lɛ-doa ba la wa, a n ka lon laanka tán bii bɛ́ lɔn.

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 115:13

á re barka diɛ a nyɛ́ɛbaama-n wolen ganaa, a bɔnboɛɛnɛn nɛ, ka a dadaran nɛ.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Suusun 22:7

Pàãma pàã la doobaa wɔ nɛ. Giɔ̀mɔdɛnaa n giɔ̀mɔ-dali lɛ a kòso nɛ lɛa.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Boo-laakalaali 8:12

Min baraa á boe la, a sii baraa zɛnaa gunyin damata, a yii dɔ n tɔn koo kiɛ̃. Sɛnɛ, ma á doɛ̃, máa nyɛ́ɛ baa Lawa yii-n wolen wɔ á die bǐɛ̃ koe. A giala mà ǹ tá nyɛ́ɛ biɛ Lawa yii ni.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 34:14

Man má pɛ ǹ nɛ: Kànaa ka lɛ̀ sɔbaa, didie doamaa nɛ a ǹ dɔɔ̃n Ebrəə min toa walan, ǹ mɛn lɛ nə n din sã ka la. Lɛ̀ sɔrɔ gɔ́ɔ̃ nɛ, a n die goɛ̃ kaa bɛ̀rɛ lɛa, sɛnɛ, a lɛ̀ sɔbaabaa ǹ wɔ li ka ǹ dɛnaa toa walan.» Sɛnɛ, ka digolon nə n too kɔ ma lon wa, ǹ nə n yiri kɔ maa boon li wa.

Lawa a wúlu-bɔlen 25:48

zii tan, haalɛ a din sã lɛ kio, min na a mìi si: ǹ dɔɔ̃n kɔn tá boe la, a na a mìi si.

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Matiə 18:25

Wɔrɔ bɛ́ a ba a gɔn a tá bɛa giɔ̀mɔ lɛ sarɛɛ-n wa, a mìinaa tɔ́n pɛ mà ǹ kũ ǹ sã ka bɛ̀rɛ bɛ́ lɔn, ǹ na a lɔ dɔ laanka a nɛnyaanan sã, ka a gɔn màn tumaa nɛ, giɔ̀mɔ lɛ nə n saraa nɛ.

Matiə 18:30

Sɛnɛ, á n piã. Bɛ din tumaa kio, á kũ á woo da kòso-n, mà yǎa a na a giɔ̀mɔ lɛ sarɛɛ.

Matiə 18:35

Yezu tɔ́n pɛ ǹ nɛ: «Bɛ̀ min mɛn ba ǹ miã zɛ̀rɛ toɛ nɛ ka a foo din tumaa-n wa, maa Díi Lawa n die bɛa dɛnaa biɛ miɛ̃.»

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 19:5

Lɛn goon bɔ kii dankan paǹ li a n pii: «Min mɛn tumaa bɛ́ Lawa a dí-nyalin lɛa, ǹ nə nyɛ́ɛ biɛ Lawa nɛ, a bɔnboɛɛnɛn nɛ ka a dadaran nɛ, ǹ tumaa Lawa tɔ bɔ!»

Uruti 1:3

Naomii ǹ zuũ Elimelɛki daa á gã. A dinsɔɔ̃ nɔmaa á goã kun ka a nɛgiĩ min paa lɛ nɛ.

Samayeli1 22:2

Min mɛnɛn tumaa goã foo ziziɛ̃ gɔ́ɔ̃ nɛ, giɔ̀mɔ goã min mɛnɛn tumaa ganaa, min mɛnɛn tumaa yɔrɔ goã kɔsiɛ nɛ, ǹ nə́ woo kaa kun ka Davida nɛ, á n baa ǹ goledɛnaa lɛa. Ǹ nə́ dɔ min biɛsii (400) kɛ miã kun ni.