Kiin2 3:13 - LAWA A BOO SONBORE

¹³ Yiliizee pɛ Izirayeli gána a kii lɛ nɛ: «Wàa dɔ n wɔsɛn bii ni? N di laanka ǹ dan goã woe Lawa a boo gii-dalin soɛ-bɔlin mɛnɛn lɛn li, wo bɛn lɛn li.» Izirayeli gána a kii lɛ ná a lɛ si: «Haayii! A giala Dɛnaa Lawa na á lɛ dia kii sɔɔ kɛ la, á n die ǹ we Moabu gána a kii gɔn.»

LAWA A BOO SONBORE 2011

¹³ Yiliizee pɛ Izirayeli gána a kii lɛ nɛ: «Wàa dɔ n wɔsɛn bii ni? N di laanka ǹ dan goã woe Lawa a boo gii-dalin soɛ-bɔlin mɛnɛn lɛn li, wo bɛn lɛn li.» Izirayeli gána a kii lɛ ná a lɛ si: «Haayii! A giala Dɛnaa Lawa na á lɛ dia kii sɔɔ kɛ la, á n die ǹ we Moabu gána a kii gɔn.»

Kiin2 3:13 Iomraidhean Croise

Kiin1 17:18

Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

Kiin1 18:19

Kanna, Izirayeli minin tumaa lɛ sɔkɔn ma li, Karmɛli kele la, kɔnlɛ ka Baali a wúlu-bɔle biɛsii ka posooro (450) kɛ nɛ, ka dì Aseeraa a wúlu bole biɛsii kɛ nɛ, Zezabɛli nə́ ǹ bii boe.»

Kiin1 22:6

Izirayeli gána a kii lɛ tɔ́n Lawa a boo gii-dali, biɛsii (400) kɛ miã lɛ sɔkɔn, á pɛ ǹ nɛ: «Ma á boe la ma wo zia baa Ramɔti kiwi Galaati gána nɛ, hinlaa ma a lɛ da?» Lawa a boo gii-dalin lɛn ná a lɛ si ǹ nə́ pɛ: Woo! Dɛnaa Lawa tá re we n gɔn.

Kiin2 3:10

Izirayeli gána a kii tɔ́n nə n toa: «Bɔ̀n! Dɛnaa Lawa na á lɛ dia kii sɔɔ kɛ la, á n die ǹ we Moabu gána minin gɔn.»

Kiin2 3:12

Zozafati nə́ n toa: «Dɛnaa Lawa a boo gii-dali taãn nɛ.» Izirayeli gána a kii ni, ka Zudaa gána a kii laanka Edɔmu gána a kiin lɛn nə́ tɔ́n kiɛ̃, ǹ nə́ woo Yiliizee li.

Suusun 1:28

Ka á re ma bíi, sɛnɛ, ma a re ka lɛ sii wa. Ka á re giɛ ma li, sɛnɛ ka a re ma yii wa.

Zeremii 37:19

Kaa Lawa a boo gii-dalin mɛnɛn nə pɛ mà Baabiloniin kii ba re yui ka gialaa ka zia-n wa, mà a re yui kaa gána dɔ gialaa wa, bɛn maǹ maa pelo?»

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Matiə 8:29

Ǹ nə́ yoo ǹ nə́ n lɛ dɛ: «Lawa a Nɛgiĩ ganaa, n wàa mɛn sii n wɔsɛn sii ni? Ma nə́ n daa dɔlɔ bɔ wɔsɛn ganaa kànaa bɛ̀ a biikoo ná a tɔn dɔ wa?»

Zaã a sɛ́wɔ 2:4

Sɛnɛ Yezu ná a lɛ si á pɛ nɛ: «Náa, n tá masɛ a nya ǹ dí pii ma nɛ? Maa biikoo tɔn dɔ wa.»

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Korɛnti2 6:15

*Krita n siɛ lɔn, a kɔn wɔ ma ka *Sɛtaan nɛ? Hinlaa goleemali wole a wàa n boe la, a goã kun ka goleemali baãnaa wɔ nɛ?

Sii yɔrɔ-bɔlen 10:14

Ka lawan mɛnɛn bɔ ke lɛn, ka woo ka n lɛ dɛ bɛn lɛn ganaa. Bɛn lɛn doamaa nɛ, ǹ ka waa, ǹ ka bɔ kaa nɔmaa lɛ gɔ́ɔ̃ nɛ.»

Uruti 1:15

Naomii tɔ́n pɛ Uruti ni: «N miã lɛ bɛ́ ke á wusoo á woo a tɔrɔ minin li, á woo a dìn kio, n dɔ wusoo n na a kio saa.»