Kiin2 23:7 - LAWA A BOO SONBORE

⁷ Kionən mɛnɛn bɛ́ Lawa a kion lɛa sumu gɔ́ɔ̃ nɛ, ǹ nə́ goã n dinin koe dìn kɔrɔbaa la ǹ gɔ́ɔ̃ nɛ, lɔn dɔn nə́ dɔnkɛ sɔsɔrɔn tiɛ̃ ǹ nɛ dì Aseeraa wɔn lɛa, kii lɛ bɛn wuru.

LAWA A BOO SONBORE 2011

⁷ Kionən mɛnɛn bɛ́ Lawa a kion lɛa sumu gɔ́ɔ̃ nɛ, ǹ nə́ goã n dinin koe dìn kɔrɔbaa la ǹ gɔ́ɔ̃ nɛ, lɔn dɔn nə́ dɔnkɛ sɔsɔrɔn tiɛ̃ ǹ nɛ dì Aseeraa wɔn lɛa, kii lɛ bɛn wuru.

Kiin2 23:7 Iomraidhean Croise

Kiin1 14:24

Wo dìn la ǹ kɔrɔbaa-zɛnaalin dinin nə́ goã gána lɛ nɛ. Dɛnaa Lawa goã á tɔrɔn mɛnɛn loo á Izirayeli minin kaa ǹ bǎã nɛ, bɛn nə goã sii bɔbɔnɛɛ mɛn tumaa zɛnɛɛ, Zudaa minin lɛn dɔn nə́ goã bɛn zɛnɛɛ.

Kiin1 15:12

Azaa wo dìn la ǹ kɔrɔbaa-zɛnaalin loo á ǹ bɔ gána lɛ nɛ. Dìn mɛnɛn tumaa bɛ́ Azaa lɛ digolon nə́ ǹ zɛnaa, á bɛn yii papaã.

Kiin1 22:46

Zozafati sii gialakunun mɛnɛn zɛnaa, a tɔ bɔ ǹ siin mɛnɛn zɛnaa, a zian mɛnɛn baa, bɛn tá kiɛ̃ nɛ sɛ́wɔ kɛ nɛ, boo diɛ Zudaa kiin wɔ paǹ li.

KZS2 34:33

Sii babaraa mɛn yii goã n zɛnɛɛ Izirayeli gána nɛ, Zoziasi bɛ tumaa sàabaa. Á kiwin tumaa a minin kaa Dɛnaa Lawa, ǹ Lawa guguru kɔ ganaa. Bɛ lɛ nɛ, a yiikoonaabaa gɔ́ɔ̃ nɛ, Izirayeli minin nə kanaa ǹ nə́ n bɔ Dɛnaa Lawa, ǹ digolon Lawa li wa.

Ezekieli 16:16

N nə́ n mɔnaan tɛnɛn goa ń nyaǹ kaa wúlu bɔ ǹ bǎãn ganaa ka bɛn nɛ, ń naarɛbaa zɛnaa ǹ là. Bɛa sii lɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Ezekieli 8:14

Dɛnaa Lawa a kion kɛ a wɔ ǹ kiɛnlɛ mɛn bɛ́ gɔsɛ a lɛ̀gɔn la, á ma kũ á woo ma-n walan. Má bɛ giɛ bɛ lɔn nə́ ke giã-n tán walan, ǹ nə́ Tamuuzu a gɛ̀ wuu pii.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 4:13

Maǹ nɛn bɛ̀ ǹ wúlun bɔbɔ kelen mìi ni, maǹ nɛn bɛ̀ ǹ nyɔɔ gìĩ kɔɔ̃n tã tentenen la, ka da luu kɛkɛn kɛn giulun ni, a giala ǹ wúlu n kɔɔ̃nɛ. Bɛ lɛ na á toa, kaa nɛlɔn tá kɔrɔbaa zɛnɛɛ, ka manaan tá naarɛbaa zɛnɛɛ.

Ozee 4:14

Sɛnɛ, ma bie re dɔlɔ boe kaa nɛlɔn lɛn ganaa ǹ kɔrɔbaa kɛ taman yii wa, ma bie re dɔlɔ boe ka manaan lɛn ganaa ǹ naarɛbaa kɛ taman yii wa. Maǹ lɔ kɔrɔn kuĩ bɛ̀ ǹ wo ǹ ne tìãlɛa, lɔn mɛnɛn nə n dinin kɔ dìn kɔrɔbaa kɛ la, maǹ wúlu bɔ ǹ mànan bibii kun ka bɛn nɛ. «Minin man bɔ̀n biɛ doɛ̃baã taman yii.»

Minin nimi 25:1

Izirayeli minin lɛn nə́ giã Sitimu. Ǹ ná a giala kɔ walan ǹ nə́ narɛbaa zɛnɛɛ kun ka Moabu gána lɔn nɛ.

Timəə dí-pɛn 23:17

Kaa gána lɛ a kiwi mɛn a giãman bɛ́ re kɔɔ̃n koe a ganaa, a dɔ́ n die yii-nyɛɛ yii a nɛ, á boe la a bɛ bɔ, a giã a nɛ. Sɛnɛ, ka nyan toa ka bɔ a yii-n wa.