Kiin2 23:6 - LAWA A BOO SONBORE

⁶ Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

LAWA A BOO SONBORE 2011

⁶ Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

Kiin2 23:6 Iomraidhean Croise

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Kiin1 15:13

Á ǹ dan gole Maakaa a kii a lɔbaa din si la, a giala a na á goã á dì kooro Aseeraa kɛ nyín zɛnaa. Azaa na á dì lɛ ziziɛ̃ á tɛ da a ganaa Sedrɔn nyankɔrɔ lɛ kɛ nɛ.

Kiin1 16:33

Akaabu bìbĩ dɔ zɛnaa dì Aseeraa nyín lɛa. Izirayeli gána a kiin mɛnɛn tumaa kiɛ̃ Akaabu nyɛɛnɛ, Akaabu goã we Izirayeli a Lawa, Dɛnaa Lawa lɛ gasɛ nɛ, ka sii kɔsɔn nɛ, á la bɛn tumaa nɛ.

Kiin1 2:37

Bɛ̀ ń soo n nə n bɔ walan ǹ mɛn pinaa, ń Sedrɔn a nyankɔrɔ basa kɛ da n kio, a dɔ̃ foaãnɛ, mà ma n giɛ̃, sàabaa ba la wa. N din sii n die goɛ̃ ka bɛ nɛ.»

Kiin2 10:26

Tíĩn mɛnɛn bɛ́ Baali guguru kɔ ǹ kion lɛ nɛ, ǹ nə́ soo ka bɛn nɛ, ǹ nə́ tɛ da ǹ ganaa.

Kiin2 10:27

Ǹ bɛ́ ǹ nə́ Baali a tíĩn lɛn ziziɛ̃ ǹ nə́ nya, ǹ nə́ Baali guguru kɔ ǹ kion lɛ dɔ wuru, bɛa bǎã lɛ lalaa kɔ ǹ bǎã baa. Bɛa lalaa kɔ ǹ bǎã lɛ goã yǎa á daa dɔ pelo ganaa.

Kiin2 21:7

A goã á Aseeraa nyín mɛn zɛnaa, á bɛ da kion kɛ nɛ, Dɛnaa Lawa goã á ná a boo da Davida laanka a nɛgiĩ Salomɔn nɛ mà asɛ n die n din tɔ toɛ kion kɛ nɛ duduu Zeruzalɛmu kiwi, asɛ kiwi mɛn lɛ yii gɔgɔɔ̃ Izirayeli tɔrɔn bǎãn tumaa bii.

Kiin2 23:12

Wúlu bɔ ǹ bǎãn mɛnɛn bɛ́, Zudaa gána a kiin nə́ goã, ǹ nə́ ǹ zɛnaa Ahaazi a sanabolo kion kɛ lalan, kii lɛ bɛn ziziɛ̃. Manaasee goã á wúlu bɔ ǹ bǎãn mɛnɛn dɔ Lawa a kion sumu gɔ́ɔ̃ màn paa lɛ nɛ, kii lɛ bɛn dɔn ziziɛ̃, á ǹ goa á ǹ bɔ walan, á ǹ ton kaa Sedrɔn nyankɔrɔ basa kɛ nɛ.

Kiin2 23:15

Wúlu bɔ ǹ bǎã mɛn goã Betɛli, Zoziasi bɛ dɔ wuru. Nebaati a nɛgiĩ Zeroboamu mɛn goã á Izirayeli minin kaa sii baraa zɛnaa ganaa, bɛ na á goã á bɛa wúlu bɔ ǹ bǎã lɛ dɔ. Zoziasi bɛa wúlu bɔ ǹ bǎã kɛ lɛ laanka bɛa guguru kɔ ǹ bǎã kɛ lɛ ziziɛ̃, á tɛ da wúlu bɔ ǹ bǎã lɛ ganaa, á ton baa. Á Aseeraa nyin kɛ dɔ tã.

KZS2 15:16

Kii Azaa kiilɔbaa si ǹ dan Maakaa la, a giala mà a na á dì Aseeraa nyín zɛnaa. Azaa nə́ ǹ da dì nyin lɛ a yɔyɔrɛɛ ganaa, ǹ nə́ tɛ da a ganaa Sedrɔn nyankɔrɔ lɛ kɛ nɛ.

KZS2 33:3

Ǹ di Ezekiasi dì bǎã mɛnɛn wuru, á wusoo á bɛn dɔ. Á wúlu bɔ ǹ bǎãn dɔ dì *Baali guguru kɔ ǹ wɔn lɛa. Á dì gɔnɔn zɛnaa, á kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

KZS2 34:4

Zoziasi nə́ ǹ kaa dì *Baali a wúlu bɔ ǹ bǎãn wurii ganaa kɔnlɛ ka da yon gìĩ kɔɔ̃n tã ǹ bǎãn nɛ ǹ lalan, a din yii ni. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ. Ǹ nə́ ǹ tumaa yɔyɔrɛ mɔnɔmɔnɔ. Min mɛnɛn nə wúlu bɔ dì nyínin ganaa, ǹ nə́ pɛsɛ̃ bɛn yalan la.

Bɔ bɛ̀rɛbaa nɛ 32:20

Ǹ diin nɛ nyán mɛn lɛ zɛnaa, á bɛ saa, á da tɛ-n, a ná a gialakun kɛ lɔ mɔmɔnɔ, á kaa mu li, á kɔ Izirayeli nɛnyaanan lɛn la ǹ nə́ mi.

Zeremii 17:2

Ǹ bɛ́ n taasɛ ǹ nɛnyaanan nɛ lɔn, maǹ nə n taasɛ ǹ wúlu bɔ ǹ bǎãn laanka ǹ dì bìbĩn kɛn nɛ miɛ̃, ka da luu tìtìn kɛn nɛ tentenen mìi ni,

Zeremii 22:18

Bɛ lɛ nɛ, Dɛnaa Lawa boo mɛn da Zudaan kii Zoziasi a nɛgiĩ Zozakimu á paǹ li, á ke: Bɛ̀ á gã, gɛ̀ loe ba re n loe wa. Min kɔn ba re pii: «Wàa koe n ka kɛ nɛ, dɔɔ̃ngiĩ! Wàa koe n ka kɛ nɛ, dɔɔ̃nlɔ!» Min kɔn ba re wuu pii a pɛ: «Wàa koe n ka kɛ nɛ, dɛnaagiĩ! Wàa koe n ka kɛ nɛ, kii!»

Zeremii 31:40

Geren nyankɔrɔ basa kɛ nɛ, tonən wɔ nɛ, ka bǎã mɛn tumaa bɛ́ siɛ Sedrɔn ganaa a wo gùrù kɛ ganaa sùin kiɛnlɛ-a lɛ̀giala gɔn la, bɛn tumaa á re maa wɔ biɛ. Màn kɔn ba re n woɛ̃ walan, a ziziɛ̃ bɛa bǎã lɛ-n doo wa.

Zaã a sɛ́wɔ 18:1

Bɛa boon lɛn diɛ kio, Yezu kiɛ̃ kun ka a kialandɛnan nɛ, ǹ nə́ Sedrɔn tà gòã kuru ǹ nə́ woo a kio. Dù gɔrɔ kɔ́n goã walan, á wɔ bɛ-n kun ka a kialandɛnan nɛ.

Timəə dí-pɛn 7:25

Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Timəə dí-pɛn 9:21

Bɛ kio, ka dí mɛn nya kaa sii baraa zɛnaa lɛ gɔ́ɔ̃ nɛ, diin nɛ nyín lɛ, má bɛ saa, má da tɛ-n. Má zũ má baa wùsu lɛa nɔnɔɔ, ka tii ni. Tà mɛn a mu á ke n toɛ kele lɛ la bɛ̀ a gisĩ, má a wùsu lɛ kaa bɛa mu li.

Sii yɔrɔ-bɔlen 3:7

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.