Kiin2 23:3 - LAWA A BOO SONBORE

³ Kii lɛ golee lon banbaran la, á lɛ kɔ wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, asɛ na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ kiɛ̃ nɛ sɛ́wɔ lɛ nɛ. Zaman lɛ tumaa nə́ n gòɛ̃ wɔ bɛa lɛ kɔ lɛ nɛ.

LAWA A BOO SONBORE 2011

³ Kii lɛ golee lon banbaran la, á lɛ kɔ wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, asɛ na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ kiɛ̃ nɛ sɛ́wɔ lɛ nɛ. Zaman lɛ tumaa nə́ n gòɛ̃ wɔ bɛa lɛ kɔ lɛ nɛ.

Kiin2 23:3 Iomraidhean Croise

Kiin2 11:14

Á n yii saa á ga, bɛ̀ kii lɛ á ke golee-n lon banbaran la, ka a bɛ́ nɛn bɛ̀ a n zɛnaa lɛlɛ lɔn. Goledɛnan laanka bɛn-pɛlen nə́ goã kii lɛ genli, gána lɛ a zaman tumaa goã nyɛnyɛɛ la, ǹ nə́ bɛnɛn pipii. Ataalii ná a mɔnaan kũ á ǹ tɔtoɛ̃, á n lɛ dɛ á n pii: «Sii wɔ kɔn nə ke! Sii wɔ kɔn nə ke!»

Kiin2 11:17

Lawa a wúlu-bɔle Zozadaa lɛ zaman lɛ laanka kii kaa lɛ kɔ ganaa Dɛnaa Lawa la, mà ǹ tá re goɛ̃ Dɛnaa Lawa a zaman lɛa. Zozadaa lɛ lɛ-kɔ dɔ da zaman lɛ laanka kii lɛ bii ni.

KZS2 15:15

Zudaa min tumaa foo kɔɔ̃n kɔ ka bɛa lɛ-kɔ wɔ kɛ nɛ, a giala, maǹ nə́ zɛnaa ka ǹ foo tumaa nɛ, ǹ nə́ ga Dɛnaa Lawa li ka ǹ yiri tumaa nɛ. Dɛnaa Lawa toa ǹ nə́ yɛ, á là nyantoro kɔ ǹ la paǹ tumaa li.

KZS2 23:13

A sii mɛn yɛ á ke: Kii lɛ n golee-n lon banbaran la Lawa a kion lɛ a kiɛnlɛ-a. Sɔraasin nyɛɛnaandɛnan laanka bɛn-pɛlen nə́ mɔrɛɛ nɛ a ganaa. Zaman tumaa foo n kɔɔ̃nɛ, bɛ̀-dɛlen man bɛnən pii, loe-lɔlin màn sàn kɔ ǹ mànan dii, ǹ nə́ tɔ bɔ ǹ loe nyɛɛnaan boe. Ataalii ná a mɔnaan tɔtoɛ̃ a nə́ n lɛ dii: «Ǹ nə́ ma sã, ǹ nə́ ma sã.»

KZS2 23:16

Zozadaa tɔn lɛ-kɔ da zaman lɛ bii n ni, kii lɛ nɛ, ka a dinmaa nɛ. Bɛa lɛ-kɔ lɛ gɔ́ɔ̃ nɛ, ǹ tumaa n die Dɛnaa Lawa a zaman biɛ.

KZS2 29:10

Kanna kəni, man die lɛ kɔ kɔn la we ka Dɛnaa Lawa, Izirayeli a Lawa nɛ, màn mɛn bɛ́ toɛ a foo-yoo baraa kɛ nə n lɛ goa wɔ nɛ.

Ɛsidrasi 10:3

Ka da kanna, wɔ lɛ-kɔ wɔ wɔa Lawa lɛ nɛ, màn mɛn bɛ́ toɛ, lɔn mɛnɛn bɛ́ tɔrɔ kɔsɔ minin lɛa, wɔ bɛn loo kɔnlɛ ka ǹ nɛnyaanan nɛ, a kɔnpɛ ka maa dɛnaagiĩ Ɛsidrasi a doree ne, ka minin kɛn wɔ nɛ nyɛ́ɛbiɛ Lawa a gɔn waa ǹ boon manɛ. A die a n zɛnaa, a kɔnpɛ ka dí-pɛn sɛ́wɔ kɛ a boo ne.

Nehemii 10:1

Bɛ lɛ n ke wɔ́ lɛ kɔ kɔn la bɛbiɛ wɔ, wɔ́ kiɛ̃ sɛ́wɔ nɛ, wɔa nyɛɛnaandɛnan nə́ n gɔn bǎã da a nɛ, ka wɔa *Levii tɔrɔn laanka wɔa Lawa a wúlu-bɔlen ne.

Nehemii 5:13

Bɛ kio, má maa dɔnkɛ gole lɛkoro kũ, má zuzuu má pɛ: «Bɛ̀ min mɛn kɔ a da ǹ boo lɛ wa, Lawa n die bɛa dɛnaa lɛ kuĩ a zuzuu miɛ̃, a bɔ a kion a da kanaa, a wɔlɔ n sɔsɔɔ a gɔn mànan ganaa. Ǹ dɛnaa n die n zuzui miɛ̃, a n toa walan bii-a a gɔn kooro ne.» Zaman lɛ tumaa nə́ n toa mà a n miɛ̃. Ǹ nə́ Dɛnaa Lawa guguru kɔ. Boo mɛn lɛ nə n da, zaman lɛ bɛa sii zɛnaa.

Bɔ bɛ̀rɛbaa nɛ 24:3

Muizu daa bɛa boon kɛn lɛn tumaa pɛ zaman lɛ nɛ, ka bɛa sii zɛnaa ǹ gɔnɔn kɛn lɛn tumaa nɛ. Zaman lɛ tumaa ná a lɛ si ka lɛn goon ne: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ.»

Boo-laakalaali 8:2

Masɛ máa bɛ̀ kii boo mɛn da, n bɛ si lɛ-kɔ kɛ taman yii, ń wɔ Lawa yɔrɔ-a.

Zeremii 34:15

Sɛnɛ, kasɛn nə́ goã ka kaa giã ǹ gɔn bɔyaa. Sii mɛn bɛ́ pepere ma yii li, ká bɛ zɛnaa. Didie pɛ ǹ miã nɛ, mà a bɛ̀rɛbaa nya. Ká lɛ-kɔ din wɔ ka ma nɛ maa kion kɛ nɛ ma tɔ n la.

Zeremii 34:8

Dɛnaa Lawa wusoo á boo da Zeremii ni kii Sedekiasi a lɛ-kɔ kɛ kio Zeruzalɛmu a zaman tumaa nɛ, màn mɛn bɛ́ toɛ, a ǹ bɛ̀rɛn kaa.

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Zeremii 50:5

Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 11:13

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ,

Timəə dí-pɛn 13:4

ka nyan nə n too kɔ bɛa Lawa a boo gii-dali hinlaa bɛa narɛɛ-wɔle kɛ lɛ lon wa. A giala, kaa Lawa, Dɛnaa Lawa lɛ nə n diɛ ka gɔ́ɔ̃ li á n giɛ a ganaa, bɛ̀ ka tá asɛ narɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.

Timəə dí-pɛn 4:45

Sii zɛnaa ǹ gɔnɔn manɛ, landa boon laanka sii yɔrɔ bɔ ǹ boon ne, Muizu pɛ á nyaa Izirayeli minin lɛn manɛ, bɛ̀ ǹ bɛ́ ǹ nə́ soo Ezipti gána nɛ.

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Timəə dí-pɛn 8:19

Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,