Kiin2 23:12 - LAWA A BOO SONBORE

¹² Wúlu bɔ ǹ bǎãn mɛnɛn bɛ́, Zudaa gána a kiin nə́ goã, ǹ nə́ ǹ zɛnaa Ahaazi a sanabolo kion kɛ lalan, kii lɛ bɛn ziziɛ̃. Manaasee goã á wúlu bɔ ǹ bǎãn mɛnɛn dɔ Lawa a kion sumu gɔ́ɔ̃ màn paa lɛ nɛ, kii lɛ bɛn dɔn ziziɛ̃, á ǹ goa á ǹ bɔ walan, á ǹ ton kaa Sedrɔn nyankɔrɔ basa kɛ nɛ.

LAWA A BOO SONBORE 2011

¹² Wúlu bɔ ǹ bǎãn mɛnɛn bɛ́, Zudaa gána a kiin nə́ goã, ǹ nə́ ǹ zɛnaa Ahaazi a sanabolo kion kɛ lalan, kii lɛ bɛn ziziɛ̃. Manaasee goã á wúlu bɔ ǹ bǎãn mɛnɛn dɔ Lawa a kion sumu gɔ́ɔ̃ màn paa lɛ nɛ, kii lɛ bɛn dɔn ziziɛ̃, á ǹ goa á ǹ bɔ walan, á ǹ ton kaa Sedrɔn nyankɔrɔ basa kɛ nɛ.

Kiin2 23:12 Iomraidhean Croise

Kiin1 15:13

Á ǹ dan gole Maakaa a kii a lɔbaa din si la, a giala a na á goã á dì kooro Aseeraa kɛ nyín zɛnaa. Azaa na á dì lɛ ziziɛ̃ á tɛ da a ganaa Sedrɔn nyankɔrɔ lɛ kɛ nɛ.

Kiin2 10:26

Tíĩn mɛnɛn bɛ́ Baali guguru kɔ ǹ kion lɛ nɛ, ǹ nə́ soo ka bɛn nɛ, ǹ nə́ tɛ da ǹ ganaa.

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Kiin2 21:5

Manaasee wúlu bɔ ǹ bǎã kɔsɔn dɔ Dɛnaa Lawa a kion a sumu gɔ́ɔ̃ paa kɛ nɛ, lon gɔ̀nɔn ganaa ǹ mànan tumaa wɔ lɛa.

Kiin2 23:4

Bɛ kio, kii lɛ tɔ́n pɛ Lawa a wúlu-bɔlen kiã Ilkia nɛ, ka Lawa a wúlu-bɔlen kɛn nɛ koɛ la, ka kiɛnlɛ-lɛduə̃lin ni mà mànan kɛn ǹ nə́ ǹ zɛnaa dì baali wɔ lɛa, ka dì Aseeraa laanka lon gɔ̀nɔn ganaa ǹ mànan kɛn tumaa wɔ lɛa, mà ǹ bɛn tumaa goa, ǹ nə ǹ bɔ Lawa a kion lɛ nɛ. Kii lɛ bɛa mànan kɛn lɛn tã, Zeruzalɛmu kiwi kio, Sedrɔn wurun kɛn gɔ́ɔ̃ nɛ. Á ǹ ton goa, á daa-n Betɛli.

Kiin2 23:6

Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

KZS2 15:16

Kii Azaa kiilɔbaa si ǹ dan Maakaa la, a giala mà a na á dì Aseeraa nyín zɛnaa. Azaa nə́ ǹ da dì nyin lɛ a yɔyɔrɛɛ ganaa, ǹ nə́ tɛ da a ganaa Sedrɔn nyankɔrɔ lɛ kɛ nɛ.

KZS2 33:15

Á ǹ kaa lawa tiin kɛn goa ganaa, ka dì nyín kɛ nɛ á sɛlɛ á da Lawa a kion kɛ nɛ. A *wúlu bɔ ǹ bǎã mɛnɛn dɔ Dɛnaa Lawa a kion a kele kɛ la ka Zeruzalɛmu gɔ́ɔ̃ nɛ, á n tumaa ziziɛ̃. A ná a lɛkaran zũ, á ǹ bɔ kiwi lɛ nɛ.

KZS2 33:5

Á wúlu bɔ ǹ bǎãn kɔsɔn dɔ lon màn zɛnaan lɛn wɔn lɛa Lawa guguru kɔ ǹ kion a sumu màn paa kɛ nɛ.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 31:40

Geren nyankɔrɔ basa kɛ nɛ, tonən wɔ nɛ, ka bǎã mɛn tumaa bɛ́ siɛ Sedrɔn ganaa a wo gùrù kɛ ganaa sùin kiɛnlɛ-a lɛ̀giala gɔn la, bɛn tumaa á re maa wɔ biɛ. Màn kɔn ba re n woɛ̃ walan, a ziziɛ̃ bɛa bǎã lɛ-n doo wa.

Sofonii 1:4

Dɛnaa Lawa a da ǹ boo á ke: Ma á re n gɔn siɛ Zudaa laanka Zeruzalɛmu kiwi minin kɛn li. Ma á re ǹ dì *Baali gialakun kɛ tumaa bɔ̀n biɛ, ma á re a wúlu-bɔlen dinin tɔ papaɛ̃.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Timəə dí-pɛn 22:8

Bɛ̀ ká kion dii dɔ, ka a lɛ kìri dɔ á woo lon, màn mɛn bɛ́ toɛ, min baran bɔ a kala la a mɛnaa, a sii saa a kɔ ka la wa.