Kiin2 23:10 - LAWA A BOO SONBORE

¹⁰ *Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

LAWA A BOO SONBORE 2011

¹⁰ *Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

Kiin2 23:10 Iomraidhean Croise

Kiin1 11:7

Bɛ lɛ n ke, kele mɛn bɛ́ Zeruzalɛmu yɔrɔ-a, Salomɔn guguru kɔ ǹ bǎã dɔ walan, Moabu tɔrɔn dì bɔbɔnɛɛ Kemɔɔsi wɔ lɛa. Á kɔsɔ dɔ dɔ, Amɔn tɔrɔn dì bɔbɔnɛɛ Molɛki wɔ lɛa.

Kiin2 16:3

Sɛnɛ a na á Izirayeli kiin tɔ wɔ ǹ gɔn saa. Á wúlu din bɔ ka a nɛgiĩ ni. Dɛnaa Lawa goã á gánan mɛnɛn minin loo á ǹ bɔ ǹ bǎãn nɛ Izirayeli nɛnyaanan lɛn nyɛɛnɛ, bɛn bɛ́ sii bɔbɔnɛɛn mɛnɛn zɛnɛɛ Ahaazi dɔ n koe bɛn lɛn lɛ.

Kiin2 17:17

Ǹ nə́ ǹ nɛgiĩn laanka ǹ nɛlɔn tã wúlu mànan lɛa, ǹ nə́ wɔ kũ, ǹ nə́ boobaa ǹ dí nya. Ǹ nə́ ǹ dinin kɔ dí baraa nya la, Dɛnaa Lawa yɔrɔ-a, yǎa ǹ nə́ Dɛnaa Lawa foo yoo.

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

KZS2 28:3

A n màn gìĩ kɔɔ̃n koe Inɔn a nyankɔrɔ basa kɛ nɛ, a na a nɛnyaanan tiɛ̃ *wúlu màn lɛa ka tɔrɔn kɛn wɔ bɛ́ lɔn, sii bɔbɔnɛɛn zɛnɛɛ, Dɛnaa Lawa nə́ ǹ loo á ǹ bǎã kɔ Izirayeli minin la.

KZS2 33:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔnbaa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Nehemii 11:30

Zanoa nɛ, Adulaamu ni, ka ǹ kiwi bisinin ni, Lakisi kiwi laanka a don ne, Azeka laanka a lɛkoro lɛ-a bǎãn nɛ. A saa Bɛɛr-Sebaa ganaa, ǹ nə́ giã miɛ̃ yǎa Hinɔmu a nyankɔrɔ lɛ kɛ nɛ.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 57:5

Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Zeremii 19:2

Bɔ kiɛnlɛ kɛ nɛ ǹ nə́ bíi "dɔnɔn kiɛnlɛ", n wo Inɔn nyankɔrɔ lɛ kɛ nɛ. Ma bɛ́ re boon mɛnɛn pii n ni, n lɛ dɛ ǹ nɛ walan.

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 19:6

Bɛ lɛ nɛ, ǹ kɔn pinaa, ǹ ba re bǎã kɛ bíi doo "Tofɛti hinlaa Inɔn" wa. Sɛnɛ maǹ die bíi "dɔlɔ bɔ ǹ nyankɔrɔ basa". Dɛnaa Lawa a da ǹ boo ne.

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Ezekieli 16:21

N maa nɛnyaanan dɛ n dìn ganaa, n nə́ ǹ tã.

Ezekieli 20:26

Má toa ǹ nə́ gɔ̀ da ǹ dinin ganaa ka ǹ wúlu mànan kɛn nɛ, ǹ nə́ wúlu bɔ ka ǹ nɛgiĩ bibinaa tumaa nɛ. Man má toa ǹ nə́ bɛa sii bɔbɔnɛɛ kɛ lɛ zɛnaa ǹ dinin manɛ, màn mɛn bɛ́ toɛ ǹ dɔ̃, mà ma din nə Dɛnaa Lawa lɛa.»

Ezekieli 20:31

A da kaa pelo lɛ, ka n ká gɔ̀ da ka dinin ganaa ka kaa dìn kɛn lɛn tumaa nɛ. Ka nə ǹ goe ka mànan nɛ, ka n kaa nɛnyaanan tiɛ̃ *wúlu màn lɛa. Izirayeli tɔrɔn lɛn, man ka toɛ bɛ lɛ zɛnɛɛ kəni, ma wusoo ma lɛ kɔ ka nɔ̀n da ma la ka sii ni? Bɛ̀ ma toa ka nɔ̀n da ma la ka sii ni, ma din Lawa yiikoonaa kɛ bie wa. Ma din Dɛnaa Lawa a da ǹ boo ne.

Lawa a wúlu-bɔlen 18:21

Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.

Zozoe 15:8

Gèlè lɛ n wusii a kɔ Bɛn-Inɔn a nyankɔrɔ basa kɛ wàã lɛ doo, dia-n woe Zebuzu kiwi kɛa gusin a lɛ̀gɔn la. Zebuzu lɛ nɛ ǹ tá bii Zeruzalɛmu. A n woe yǎa kele kɛ mìi ni Inɔn a nyankɔrɔ basa lɛ a lɛ̀nyɛɛnɛ, a Refayimu minin nyankɔrɔ basa kɛ da a nɛ, gɔsɛ a lɛ̀gɔn la.

Zozoe 18:16

Gèlè lɛ nə n toɛ walan, a gisĩ a da kele kɛ gòã lasa ganaa, Hinɔn tɔrɔn nyankɔrɔ basa kɛ yɔrɔ-a, Refayimu tɔrɔn diə fúlu kɛ nɛ, gɔsɛ a lɛ̀gɔn la. A nə n toɛ Hinɔn a nyankɔrɔ basa lɛ nɛ, Zebuzu tɔrɔn kele kɛa gusin a lɛ̀gɔn la, a gisĩ a da Ɛn-Rogeli tà lɛ-a.