Kiin2 21:7 - LAWA A BOO SONBORE

⁷ A goã á Aseeraa nyín mɛn zɛnaa, á bɛ da kion kɛ nɛ, Dɛnaa Lawa goã á ná a boo da Davida laanka a nɛgiĩ Salomɔn nɛ mà asɛ n die n din tɔ toɛ kion kɛ nɛ duduu Zeruzalɛmu kiwi, asɛ kiwi mɛn lɛ yii gɔgɔɔ̃ Izirayeli tɔrɔn bǎãn tumaa bii.

LAWA A BOO SONBORE 2011

⁷ A goã á Aseeraa nyín mɛn zɛnaa, á bɛ da kion kɛ nɛ, Dɛnaa Lawa goã á ná a boo da Davida laanka a nɛgiĩ Salomɔn nɛ mà asɛ n die n din tɔ toɛ kion kɛ nɛ duduu Zeruzalɛmu kiwi, asɛ kiwi mɛn lɛ yii gɔgɔɔ̃ Izirayeli tɔrɔn bǎãn tumaa bii.

Kiin2 21:7 Iomraidhean Croise

Samayeli2 7:13

Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin1 8:44

Ta man nə́ n zaman lɛ yɔrɔ dia zii mɛn li, ǹ nə́ woo zia da ǹ zɔ́ɔn ganaa, bɛ̀ ǹ nə́ Dɛnaa Lawa nyankɔ, ǹ nə́ n yɔrɔ dia n kiwi yii gɔgoɛ̃ wole kɛ la, ka kion kɛ nɛ ma dɔ n tɔ la,

Kiin1 9:3

Dɛnaa Lawa pɛ nɛ: – N ma nyankɔ, ń gòã-kũ da ma ganaa màn mɛn a lɛa, má ma. Kion ke ń dɔ ma tɔ la, man die n din nyɛɛ bɛ lɛ-n miɛ̃ duduu. Má á re giɛ a walan parsiini.

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Kiin2 16:11

Bɛ kio, Uria wúlu bɔ ǹ bǎã dɔ. Kii Ahaazi goã á n toa Damaasi kiwi, á wúlu bɔ ǹ bǎã lɛ a dɔ ǹ gɔn a kɔnboe mɛn dia Uria la, Uria dɔ na á wúlu bɔ ǹ bǎã lɛ dɔ bɛ li ka te. Lawa a wúlu-bɔle Uria lɛ bɛa dí lɛ nya, bɛ̀ kii Ahaazi lɛ tɔn nə n bɔyaa Damaasi á daa dinin bɔrɔ wa.

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Kiin2 23:27

Dɛnaa Lawa pɛ: «Man die Zudaa tɔrɔn dɔn dinin zoɛ̃ ma ǹ bɔ ma yɔrɔ-a ka sɔsɔɔ, ka ma goã má Izirayeli minin na lɔn. Zeruzalɛmu kiwi ke, má a yii gɔgɔɔ̃, man die bɛ dɔ toɛ walan. Ma goã má pɛ kion mɛn wɔ paǹ li, máa ma tɔ n die goɛ̃ kànaa, man die bɛ dɔ toɛ walan.»

Kiin2 23:4

Bɛ kio, kii lɛ tɔ́n pɛ Lawa a wúlu-bɔlen kiã Ilkia nɛ, ka Lawa a wúlu-bɔlen kɛn nɛ koɛ la, ka kiɛnlɛ-lɛduə̃lin ni mà mànan kɛn ǹ nə́ ǹ zɛnaa dì baali wɔ lɛa, ka dì Aseeraa laanka lon gɔ̀nɔn ganaa ǹ mànan kɛn tumaa wɔ lɛa, mà ǹ bɛn tumaa goa, ǹ nə ǹ bɔ Lawa a kion lɛ nɛ. Kii lɛ bɛa mànan kɛn lɛn tã, Zeruzalɛmu kiwi kio, Sedrɔn wurun kɛn gɔ́ɔ̃ nɛ. Á ǹ ton goa, á daa-n Betɛli.

Kiin2 23:6

Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

KZS2 33:15

Á ǹ kaa lawa tiin kɛn goa ganaa, ka dì nyín kɛ nɛ á sɛlɛ á da Lawa a kion kɛ nɛ. A *wúlu bɔ ǹ bǎã mɛnɛn dɔ Dɛnaa Lawa a kion a kele kɛ la ka Zeruzalɛmu gɔ́ɔ̃ nɛ, á n tumaa ziziɛ̃. A ná a lɛkaran zũ, á ǹ bɔ kiwi lɛ nɛ.

KZS2 33:7

Á dì goon nyín sɛlɛ á da Lawa a kion. A da yǎa dɔn, Lawa goã á pɛ Davida laanka a nɛgiĩ Salomɔn nɛ: «Man die n tɔ toɛ kion kɛ lɛ gɔ́ɔ̃ nɛ Zeruzalɛmu, yǎa duduu. Man má kiwi kɛ lɛ bɔ Izirayeli tɔrɔ fulupaa a kiwin tumaa bii.

KZS2 6:6

Sɛnɛ man má Zeruzalɛmu bɔ máa ma tɔ goã la. Má Davida bɔ máa a maa zaman Izirayeli a nyɛɛnaandɛnaa baa.»

KZS2 7:12

Bɛ kio, Dɛnaa Lawa nə́ n din nyaa-n tèlòn, á pɛ nɛ: – Má n nyankɔ lɛ ma, ma din nə má bǎã kɛ bɔ wúlu bɔ ǹ kion lɛa.

KZS2 7:16

Ma din ni má bɔ má koa a gɔrɔn maa wɔ lɛa, máa ma á re goɛ̃ ma tan a nɛ bii biikoo tumaa li duduu. Ma á re giɛ a walan biikoo tumaa li ka kɔn-narɛɛ gole ne.

KZS2 7:20

bɛa biikoo li kəni, man die ka papaɛ̃ ma ka bɔ tán kɛ la, má kɔ ka la. Kion mɛn dɔ bɛ́ má ma din tɔ da la, ma á re n la boe bɛ dɔ ganaa a susuu da ǹ màn baa, a yaa da ǹ màn baa tɔrɔn tumaa gɔn.

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Loen 74:2

N yiri koa n din a zaman kɛ nɛ, n zaman mɛn pii, ń baa n din wɔ lɛa haalɛ lɛlɛ. N yiri koa ka *Siɔn kele kɛ nɛ, n din bɛ́ n nə́ n giã ǹ bǎã koa ǹ mɛn la ke lɛn.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Zeremii 32:34

Maǹ nə́ ǹ dì nyín bɔbɔnɛɛn kɛn kaa kion kɛ nɛ ma tɔ n la, ǹ nə́ *gɔ̀ da a ganaa.

Zeremii 7:30

«Sii mɛn bɛ́ baraa ma yii li, Zudaa minin man nə bɛ zɛnaa. Kion mɛn bɛ́ ma tɔ n la, ǹ nə́ nyín bɔbɔnɛɛ kaa a nɛ, ǹ nə́ *gɔ̀ da a ganaa. Dɛnaa Lawa a da ǹ boo ne.

Ezekieli 23:38

Ǹ nə́ kɛ dɔ din la ma la: A din pinaa lɛ nɛ, ǹ nə́ maa kion sonbore kɛ gɔgɔrɛ kɔ, ǹ nə́ maa susu ǹ piin kɛn ziziɛ̃.

Timəə dí-pɛn 16:21

Ka bɛ́ re *wúlu bɔ ǹ bǎã mɛn doe kaa Lawa, Dɛnaa Lawa wɔ lɛa, ka nyan toa ka dì gɔn kɔn zumu bɛ li wa.