Kiin2 21:3 - LAWA A BOO SONBORE

³ Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

LAWA A BOO SONBORE 2011

³ Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Kiin2 21:3 Iomraidhean Croise

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Kiin1 18:26

Ǹ dii gɔ̀lɔ̀ mɛn lɛ kɔ ǹ la, ǹ nə́ dɛ ǹ nə́ zɛnaa. A saa baayɛlɛ ganaa a wo penleen yaa, ǹ nə́ Baali nyankɔ bɛ̀ ǹ tá pii: «Baali, wɔ lɛ si!» Sɛnɛ boo bɔ wa, lɛ sii yɛ wa. Ǹ goã ǹ nə́ *wúlu bɔ ǹ bǎã mɛn lɛ dɔ, maǹ nə́ goã bɛ̀ biɛ bɛ genli.

Kiin2 13:6

Sɛnɛ, Zeroboamu a kion minin nə goã ǹ nə́ Izirayeli minin kaa sii baraan mɛnɛn zɛnaa ganaa, Izirayeli minin lɛn nə n bɔ bɛn wɔlɔ li wa, ǹ gɔn na á goã tɔn paraa nɛ ǹ zɛnaa ganaa. Haalɛ dì Aseeraa ke, bɛ nyín na á goã bii-a lon Samarii kiwi.

Kiin2 17:16

Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

Kiin2 18:22

Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 8:18

Akaabu a nɛlɔ na á goã a lɔ lɛa, bɛ lɛ nɛ, a dɔ Izirayeli gána a kiin lɛn tɔ wɔ ǹ gɔn saa ka Akaabu a kion minin wɔ bɛ́ lɔn. Sii mɛn bɛ́ baraa Dɛnaa Lawa yii li, a na á bɛ zɛnaa.

Kiin2 8:27

Ahaazia na á Akaabu a kion minin tɔ wɔ ǹ gɔn saa. Sii mɛn bɛ́ baraa Dɛnaa Lawa yii li, Ahaazia na á bɛ zɛnaa, ka Akaabu a kion minin wɔ bɛ́ lɔn, a giala a na á goã Akaabu n daãgiĩ lɛa.

KZS2 32:12

Taãnɛ, a din kii Ezekiasi lɛ na á dìn laanka ǹ *wúlu bɔ ǹ bǎã papaã. A din na á boo kɛ da Zeruzalɛmu minin manɛ: Ka n die Dɛnaa Lawa guguru koe wúlu bɔ ǹ bǎã goon toto yɔrɔ-a, ka n die *wúlu màn gìĩ koe bɛa bǎã goon kɛ lɛ dinsɔɔ̃ nɛ.

KZS2 34:3

Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.

Zɔbu 31:26

Ta má wasa yɛ á bɔ, ta mui na á yoo á folon kiɛ,

Izayii 65:11

Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Zeremii 7:30

«Sii mɛn bɛ́ baraa ma yii li, Zudaa minin man nə bɛ zɛnaa. Kion mɛn bɛ́ ma tɔ n la, ǹ nə́ nyín bɔbɔnɛɛ kaa a nɛ, ǹ nə́ *gɔ̀ da a ganaa. Dɛnaa Lawa a da ǹ boo ne.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.

Timəə dí-pɛn 16:21

Ka bɛ́ re *wúlu bɔ ǹ bǎã mɛn doe kaa Lawa, Dɛnaa Lawa wɔ lɛa, ka nyan toa ka dì gɔn kɔn zumu bɛ li wa.

Timəə dí-pɛn 17:2

Kaa Lawa, Dɛnaa Lawa bɛ́ re kiwin mɛnɛn lɛn koe ka la, kɔntan, min tá re yii ka bii bɛa kiwin lɛn goon ne ǹ kɔn pinaa, giĩ lɛa hinlaa lɔ lɛa, a na a lɛ kɔ kɔn la ǹ boo kɛ la kuru, a sii zɛnaa, sii mɛn nə́ ke baraa Dɛnaa Lawa yii li.

Timəə dí-pɛn 17:3

Ǹ dɛnaa á die woe lawa kɔsɔn guguru koe a kaa tán bɛn giulun, á re kiɛ tán wasa din giulun, mui ni ka lon gɔ́ɔ̃ nɛ ǹ mànan tumaa nɛ. A da yaa, ma bɛ pɛ ka-n wa.

Timəə dí-pɛn 20:18

Ka zɛnaa miɛ̃, màn mɛn bɛ́ toɛ, ǹ bɛ́ sii bɔbɔnɛɛn mɛnɛn zɛnɛɛ ǹ dìn wɔ lɛa, ǹ nyan toa ǹ ka daraa bɛn lɛn zoɛ̃ ganaa wa. Bɛ bie wa, ka n die sii liɛ kaa Lawa, Dɛnaa Lawa lɛ la.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.