Kiin2 21:16 - LAWA A BOO SONBORE

¹⁶ Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

LAWA A BOO SONBORE 2011

¹⁶ Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

Kiin2 21:16 Iomraidhean Croise

Kiin2 21:11

– Zudaa gána a kii Manaasee sii bɔbɔnɛɛn zɛnaa. Á sii baraa zɛnaa á la Amɔɔrɔ tɔrɔn sii baraan kɛn tumaa nɛ, ǹ nə́ zɛnaa a nyɛɛnɛ lɛlɛ. Á Zudaa minin dɔn kaa sii baraa zɛnaa ganaa ka ǹ dìn ni,

Kiin2 21:15

A giala sii mɛn bɛ́ baraa masɛ yii li, maǹ nə́ bɛ zɛnaa. Ka bɛ dɔ nɛ, a kũ ka digolon soo a bɔ Ezipti gána-n pinaa kɛ ganaa, a da dɔ pelo ganaa, ǹ wɔ ma lon lɛ da wa.»

Kiin2 21:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

Kiin2 21:7

A goã á Aseeraa nyín mɛn zɛnaa, á bɛ da kion kɛ nɛ, Dɛnaa Lawa goã á ná a boo da Davida laanka a nɛgiĩ Salomɔn nɛ mà asɛ n die n din tɔ toɛ kion kɛ nɛ duduu Zeruzalɛmu kiwi, asɛ kiwi mɛn lɛ yii gɔgɔɔ̃ Izirayeli tɔrɔn bǎãn tumaa bii.

Kiin2 3:3

Sɛnɛ Nebaati a nɛgiĩ Zeroboamu goã á Izirayeli minin da sii baraa mɛn a zɛnaa ganaa, Zoramu gɔn na á goã paraa-n bɛa zɛnaa ganaa, a n bɔ a zɛnaa wɔlɔ li wa.

KZS2 33:9

Sɛnɛ, Manaasee Zeruzalɛmu minin laanka Zudaa gána minin kaa sii baraa zɛnaa ganaa. Ǹ sii zɛnaa baraa kɔ á la tɔrɔn kɛn wɔn manɛ Dɛnaa Lawa nə ǹ loo á ǹ bǎã kɔ Izirayeli minin la.

Bɔ bɛ̀rɛbaa nɛ 32:21

Á tɔ́n nɔ̀n da Aarɔn la: «Zaman kɛ na á wàa zɛnaa n nɛ, ń lɛ kɔ ń sii baraa gole taãn-taãn da ǹ mìi ni?»

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Zeremii 15:4

Bɛa biikoo li, kanaa a tɔrɔn tumaa á re bìn diɛ nyɛ́ɛ gɔn. Zudaan kii Ezekiasi a nɛgiĩ Manaasee sii baraan mɛnɛn zɛnaa Zeruzalɛmu, bɛn lɛn lɛa nɛ.»

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 2:34

Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

Zeremii 32:31

Taãn nɛ, a kũ Zeruzalɛmu a giala kɔ ganaa a da kaa pelo lɛ, bɛa kiwi kɛ ma foo yoo. Bɛ lɛ nɛ, ma ba li ma yɛ ma yɔrɔ-a doo wa.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Ezekieli 22:2

– Minbuiin a nɛ, n too kɔ. Kiwi gɛ̀-dɛle kɛ lɛ, kiri wɔ a ganaa, a sii bɔbɔnɛɛn kɛn lɛn tumaa nyaa nɛ a dɔ̃.

Ezekieli 22:4

N mà mɛn kaa, ma nə́ n sii da n din mìi ni. N dìn mɛnɛn zɛnaa, ma n nə́ n din gɔgɔrɛ kɔ. Ma n nə́ n din a lɛawaa kunu kɔ, n gɛ̀ na á dɔ. Bɛ lɛ nɛ, ma á re toɛ tɔrɔ kɔsɔn nə sìi da n ganaa, gána kɔsɔn tumaa nə n da yaa lɛa.

Ezekieli 23:45

Sɛnɛ, giĩn mɛnɛn bɛ́ pepere, bɛn tá re kiri we ǹ ganaa. Lɔn mɛnɛn bɛ́ kɔrɔbaa zɛnɛɛ ǹ nə́ gɛ̀ dii, ǹ tá re bɛn dɔlɔ kɛ tɔrɔ diɛ ǹ mìi ni. A giala, lɔ naarɛn manɛ, gɛ̀-dɛlen dɔn manɛ.

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Minin nimi 35:33

Ka bɛ́ re goɛ̃ gána mɛn lɛ nɛ, ka doamaa bie ka bɛ gɔgɔrɛ kɔ wa. Sonbore, gɛ̀-dɛ n sii lɛa, sii mɛn nə́ ke gána gɔgɔrɛ koe. Bɛ̀ ǹ nə́ mà kaa gána lɛ nɛ, màn kɔn ba boe la a bɛ tuturu wa, yǎa mà-kaali lɛ mà.

Matiə 27:6

Wúlu-bɔlen goledɛnan nə́ wɔrɔ lɛ goa, ǹ nə́ pɛ: «A kɔnpɛ ka wɔsɛn landa nɛ, minin bɛ́ Lawa goe ka wɔrɔ mɛn nɛ, wɔrɔ kɛ doamaa bie a n kaa kun ka bɛ-n wa, a giala minbuiin nyin giɔ̀mɔ nɛ.»

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Ebrəə 11:37

Ǹ nə́ ǹ dɛ kɔlɔn nɛ, ǹ nə́ ǹ wɔsɔ ka kàka nɛ, ǹ nə́ ǹ yayawaa ka gɔya nɛ ǹ nə́ gã. Maǹ nə́ goã bibiə̃ la, sère ki hinlaa bòe ki dɔnkɛn man nə́ goã ǹ ganaa, doobaabaa goã ǹ mìi ni, ǹ nə́ goã fuu yii, ǹ nə́ nɔmiɛ.