Kiin2 21:13 - LAWA A BOO SONBORE

¹³ Man die Samarii kiwi tele ǹ biɛ kɛ laanka Akaabu a kion minin tele ǹ màn kɛ diɛ Zeruzalɛmu kiwi li. Man die Zeruzalɛmu tuturi ka ǹ bɛ́ tasa tuturi lɔn, ǹ saa ǹ na a lɛ kuməə tán.

LAWA A BOO SONBORE 2011

¹³ Man die Samarii kiwi tele ǹ biɛ kɛ laanka Akaabu a kion minin tele ǹ màn kɛ diɛ Zeruzalɛmu kiwi li. Man die Zeruzalɛmu tuturi ka ǹ bɛ́ tasa tuturi lɔn, ǹ saa ǹ na a lɛ kuməə tán.

Kiin2 21:13 Iomraidhean Croise

Kiin1 14:10

Bɛ lɛ n ke, masɛ n die koe diɛ Zeroboamu a sumu minin mìi ni. Man die giĩn dii ma ǹ bɔ Zeroboamu a sumu-n, bɛ̀rɛn nɛ ka min mɛnɛn bɛ́ ǹ ba bɛ̀rɛn lɛa wa Izirayeli gána nɛ. Man die n sumu papaɛ̃ lenlen, ka min bɛ́ yisi wɔrɛɛ lenlen lɔn ka mɛsɛ nɛ.

Kiin2 10:11

Bɛ kio, min mɛnɛn tumaa bɛ́ tɔn nə ǹ tan Zizereyɛli kiwi, Akaabu a kion minin lɛa, Zewu nə́ ǹ yii dɛ. Akaabu a min dadaran tumaa nɛ, a kɔn doɛ̃ wolen ne, a wúlu-bɔlen ne, Zewu bɛn kɔn yii toa koo wa.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Kiin2 21:14

Zaman gialakun ke maa wɔ lɛa man die n gɔn boe bɛn ganaa. Man die ǹ we ǹ zɔ́ɔn gɔn. Ǹ tá re ǹ zɔ́ɔn tumaa a dù biɛ, ǹ nə ǹ zia màn dɔ baa.

Kiin2 23:27

Dɛnaa Lawa pɛ: «Man die Zudaa tɔrɔn dɔn dinin zoɛ̃ ma ǹ bɔ ma yɔrɔ-a ka sɔsɔɔ, ka ma goã má Izirayeli minin na lɔn. Zeruzalɛmu kiwi ke, má a yii gɔgɔɔ̃, man die bɛ dɔ toɛ walan. Ma goã má pɛ kion mɛn wɔ paǹ li, máa ma tɔ n die goɛ̃ kànaa, man die bɛ dɔ toɛ walan.»

Kiin2 9:8

Akaabu a kion minin tumaa tá re bɔ̀n biɛ. Man die giĩn dii ma ǹ bɔ Akaabu a sumu n, bɛ̀rɛn nɛ ka min mɛnɛn bɛ ǹ ba bɛ̀rɛn lɛa wa Izirayeli gána nɛ.

Izayii 10:22

Sɛnɛ Izirayeli, ta n zaman nə mɔnaa-n lɔn, ta a n mɔnaa-n ka yìsi mu lɛ-a ǹ nyɔɔsɔ̃ bɛ́ lɔn, a gialakun boɛɛn dinsɔɔ̃ n die wusii ǹ nə n bɔyaa ǹ da Dɛnaa Lawa li. Bɔ̀n na á n yɔrɔ bɔ. Peperebaa n koe a zii lɛ.

Izayii 14:23

«Baabilonii á re kɔlɔn giã ǹ bǎã biɛ. Á re bɛrɛɛ bǎã biɛ. Man die ziziɛ̃ lenlen ka ǹ bɛ́ wɔlɔ wɔrɛɛ lɔn.» Dɛnaa Lawa a da ǹ boo ne.

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Izayii 34:11

Kɔlɔn laanka bàanan tá re giɛ̃ a nɛ. Á re kɔlɔ kuunun laanka zankoon giã ǹ bǎã biɛ. Dɛnaa Lawa á re gána lɛ bɔ̀n biɛ. A n die goɛ̃ ka wɔlɔ kooro á ke á goã lɔn, bɛ̀ tán ná a tɔn nə n zɛnaa wa.

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Busii pɛ 2:8

Dɛnaa Lawa golee li, mà a n die Siɔn a kungɔn wurii. Á biɛ nàn nyoã, a n die zɛnɛ kɔnlɛ. Á yuyu miɛ̃, yǎa a tumaa wuru. Kiwi lɛnpɛnɛ ǹ kungɔn bibinaa laanka a paabaa ǹ wɔ lɛ yu. Bɛ foo-ziziɛ̃ baa.

Ezekieli 7:5

Masɛ Dɛnaa Lawa n kɛ pii: Koe n ka kɛ nɛ die, koe gole! Min bin nə ǹ miã yɛ wa.

Zakarii 1:16

Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.