Kiin2 20:13 - LAWA A BOO SONBORE

¹³ Ezekiasi nə́ n nyɛnyaa ka dia dia-a wolen lɛn daa nɛ. Á tɔ́n nə n gɔn mànan koa ǹ bǎãn tumaa nyaa ǹ nɛ, wɔrɔ nɛ, sana nɛ, da yon gìĩ kɔɔ̃n nɛ, nyɔɔ gìĩ kɔɔ̃n nɛ, ziabaa ǹ mànan nɛ, ka a gɔn mànan tumaa nɛ. Màn kɔn din goã Ezekiasi a kion laanka a bǎãn nɛ, bɛ̀ a ná a nyaa wa.

LAWA A BOO SONBORE 2011

¹³ Ezekiasi nə́ n nyɛnyaa ka dia dia-a wolen lɛn daa nɛ. Á tɔ́n nə n gɔn mànan koa ǹ bǎãn tumaa nyaa ǹ nɛ, wɔrɔ nɛ, sana nɛ, da yon gìĩ kɔɔ̃n nɛ, nyɔɔ gìĩ kɔɔ̃n nɛ, ziabaa ǹ mànan nɛ, ka a gɔn mànan tumaa nɛ. Màn kɔn din goã Ezekiasi a kion laanka a bǎãn nɛ, bɛ̀ a ná a nyaa wa.

Kiin2 20:13 Iomraidhean Croise

Kiin1 10:10

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Saabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, a bin bɛ miã yɛ duduu doo wa.

Kiin1 10:15

Sana lɛ mɛn bɛ́ boe zii tɔ wolen li, pii-kɔlen ne, lɛ̀nyɛɛn gánan kiin tumaa nɛ, gána lɛ a sii yɔrɔ-bɔlen ne, nyín giɔ̀mɔ lɛa, bɛn ba a-n wa.

Kiin1 10:2

A na á daa Zeruzalɛmu ka zaman gole ne a kio. Nyɔɔmaan nə́ goã kun ni, nyɔɔ gìĩ kɔɔ̃n nə́ ǹ dɔ̀ɔ̃ nɛ, ka sana didi laanka kɔlɔ giɔ̀mɔ kaka-a nɛ. A bɛ́ á dɔ Salomɔn li, màn mɛn din tumaa goã a gɔ́ɔ̃ nɛ, á bɛ yii pɛ nɛ.

Kiin1 10:25

Didie na á goã woe ka a bǐɛ̃baa ǹ màn nɛ: Wɔrɔ mànan laanka sana mànan manɛ, mɔnaan manɛ, ziabaa ǹ mànan manɛ, nyɔɔ gìĩ kɔɔ̃nɔn manɛ, sùin laanka dundun sùin manɛ, bɛ na á goã n zɛnɛɛ miɛ̃ lɛ̀ woo lɛ̀.

Kiin2 20:14

Lawa a boo gii-dali Izayii tɔn daa kii Ezekiasi yaa á pɛ nɛ: «Minin kɛn man nə́ wàa boo da n nɛ? Maǹ boe maa?» Ezekiasi ná a lɛ si mà maǹ boe gána sɔsɔɔ goon ne: «Baabilonii.»

Kiin2 20:15

Izayii tɔ́n pɛ: «Ǹ yii na á wàa mɛn yɛ n kion?» Ezekiasi ná a lɛ si: «Màn mɛn din tumaa bɛ́ maa kion, ǹ yii yɛ. Ma gɔn màn kɔn din goã bɛ̀ man ma nyaa ǹ nɛ wa.»

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Suusun 23:5

Bɛ̀ ń nə n yii saa ń ga-a lɔn gɔrɔ a woo á ke. A nə n nyàan dii doɛ̃ ka sia bɛ́ lɔn yui woe.

Boo-laakalaali 7:20

Taãn nɛ, min pepere goon ba kanaa kɛ gɔ́ɔ̃ nɛ, sii bǐɛ̃ zɛnɛɛ, a ná a ba sii baraa dɔ zɛnɛɛ wa.

Izayii 39:2

Ezekiasi nə́ n nyanyaa ka ǹ daa nɛ. A gɔn màn sonboren kɛn, a bɛ́ bɛn koɛ maa, sana nɛ, wɔrɔ nɛ, dù kɔɔ̃n kɔ ǹ mànan nɛ, nyɔɔ gìĩ kɔɔ̃nɔn kɛn nɛ, á ǹ kũ, á woo bɛ nyaa ǹ nɛ. A ziabaa ǹ mànan bɛ́ koa-n kionən mɛnɛn nɛ, á bɛn nyaa ǹ nɛ, ka a naforon tumaa nɛ. A màn kɔn duru ǹ la wa: A din a kion ne ka a gána gɔ́ɔ̃ tumaa nɛ.

Zeremii 9:22

Dɛnaa Lawa bɛ́ boo mɛn diɛ, á ke: Sii-dɔ̃li doamaa bie a n din kalaa wa. Min kaka doamaa bie a na a din a kakabaa kalaa wa. Pàãmaa doamaa bie a na a din a pàãmabaa kalaa wa.