Kiin2 20:1 - LAWA A BOO SONBORE

¹ Bɛa biikoo lɛ li, busu kɔn Ezekiasi kũ, á woo dɔ gɛ̀ gɔn la. Amɔsi a nɛgiĩ Izayii lɛ Lawa a boo gii-dali lɛa, bɛ daa yaa, á pɛ nɛ: – Dɛnaa Lawa n kɛ pii: «N gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

LAWA A BOO SONBORE 2011

¹ Bɛa biikoo lɛ li, busu kɔn Ezekiasi kũ, á woo dɔ gɛ̀ gɔn la. Amɔsi a nɛgiĩ Izayii lɛ Lawa a boo gii-dali lɛa, bɛ daa yaa, á pɛ nɛ: – Dɛnaa Lawa n kɛ pii: «N gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

Kiin2 20:1 Iomraidhean Croise

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Kiin2 1:16

Yilii pɛ kii lɛ nɛ: «Dɛnaa Lawa mà n bɛ́ ń minin dia woe nɔ̀n diɛ Ekrɔn kiwi a dì Baali-Zebubu la, mà Lawa na a banban Izirayeli gána nɛ min nə́ boe la a nɔ̀n da la wa? Bɛ lɛ nɛ, n mɛ tán piì mɛn la, n ba re yui n nə n bɔ bɛ la doo wa, a giala n tá re giɛ̃ a giala yii li.»

Kiin2 1:4

Bɛ lɛ na á toa, Dɛnaa Lawa n pii: «Kii lɛ mɛ tán piì mɛn la, a die yui a n bɔ bɛ la doo wa, a giala a n die giɛ̃ a giala yii li.» Yilii dɔ́ kiɛ̃ á woo.

Kiin2 19:2

Bɛ kio, á kii a sumu mìilandɛnaa Eliakimu laanka sɛ́wɔ-kiɛ̃li Sebunaa dia kun ka Lawa a wúlu-bɔlen lɛn min zizin ni, mà ǹ wo boo da ka Amɔsi a nɛgiĩ Izayii kɛ nɛ Lawa a boo gii-dali lɛa. A bɛ́ ǹ diɛ woe, gɛ̀ koa ǹ mɔnaa na á goã ǹ tumaa ganaa.

Kiin2 19:20

Amɔsi a nɛgiĩ Izayii minin dia woe pii Ezekiasi ni mà Izirayeli a Lawa, Dɛnaa Lawa n kɛ pii: – N nyan mɛn kɔ ma la Asiirii gána a kii Senankeribu wɔ paǹ li, má ma.

Kiin2 20:2

Ezekiasi tɔ́n nə n yɔrɔ bɔyaa á dia kɛ gɔ̀nɔn la, á Dɛnaa Lawa nyankɔ, á pɛ:

Timəə dí-pɛn 31:14

Bɛ kio, Dɛnaa Lawa tɔ́n pɛ Muizu ni: «N gɛ̀ lɛawaa diri. Lɛ dia Zozoe la, ka da kun, kɔn yɛ ka Lawa nɛ ǹ kion kɛ nɛ, man gɔn waa nɛ.» Muizu laanka Zozoe woo kɔn yɛ ǹ kion lɛ nɛ.

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Filipi minin 2:27

Sonbore, á busu kɔ á diri gɛ̀ la foɛɛ̃nɛ. Sɛnɛ, Lawa makara bɔ a ganaa. A bie á bɔ a dinsɔɔ̃ ganaa wa, a na á bɔ masɛ dɔ ganaa, mà màn nyan mɛ maa foo-ziziɛ̃ a golebaa li wa.

Filipi minin 2:30

A giala, á baa re giɛ̃ Krita a dí kɛ a nya gɔ́ɔ̃ nɛ; ka dia dɔmalɛ mɛn koe ma la, ka dinin nə́ ka a boe la ka á die-n wa, a nyin baa re goɛ̃ bɛ gɔ́ɔ̃ nɛ.