Kiin2 2:9 - LAWA A BOO SONBORE

⁹ Ǹ bɛ́ ǹ nə́ soo ǹ mɛn waáraa, Yilii pɛ Yiliizee ne: «Lawa laan bɛ́ a n ma siɛ a wo ka ma-n lon, ń bɛ́ giɛ màn mɛn li masɛ li, bɛ nyankɔ.» Yiliizee pɛ Yilii ni: «Bǐɛ̃ kɔ, Lawa Yiri mɛn bɛ́ n la, n toa ma bɛa laman paa yɛ.»

LAWA A BOO SONBORE 2011

⁹ Ǹ bɛ́ ǹ nə́ soo ǹ mɛn waáraa, Yilii pɛ Yiliizee ne: «Lawa laan bɛ́ a n ma siɛ a wo ka ma-n lon, ń bɛ́ giɛ màn mɛn li masɛ li, bɛ nyankɔ.» Yiliizee pɛ Yilii ni: «Bǐɛ̃ kɔ, Lawa Yiri mɛn bɛ́ n la, n toa ma bɛa laman paa yɛ.»

Kiin2 2:9 Iomraidhean Croise

Kiin1 19:16

N die n nyɔɔ lɔ Nimisi a nɛgiĩ Zewu ganaa, n koa Izirayeli gána a kii lɛa. Saafaati mɛn bɛ́ boe Abeli-Mewolaa kiwi, n die n nyɔɔ lɔ bɛa nɛgiĩ Yiliizee dɔ ganaa, n koa Lawa a boo gii-dali lɛa n din dòo.

Kiin1 3:9

Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»

Loen 72:1

Salomɔn a loe. Lawa! A kɔ kii lɛ la, a kiri siin yɔrɔ bɔ, ka n din wɔn bɛ́ lɔn. N din a kiri sii giala ma ǹ gɔn kɛ kɔ la.

Loen 72:20

Zesee a nɛgiĩ Davida a Lawa nyankɔ ǹ loen lɛn giala nyɔmɔɔ n ke.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Zakarii 9:12

Kòso nɛ foo doa wolen lɛn, ka n bɔyaa ka da kaa kiwi tamaa wole ne! Pelo dinin, man pii ka nɛ, màn mɛn bɛ́ ka lon, man die bɛa la ma-n paa koe ka la.

Minin nimi 11:17

Masɛ n die gisĩ, ma boo da n nɛ bɛa bǎã lɛ nɛ. Yiri mɛn bɛ́ n la, ma á die bɛ kɔn boe a gisĩ bɛa minin lɛn la. Ǹ tá re n toɛ̃ ka zaman lɛ a guĩ-n kunun n ni, n dinsɔɔ̃ nə n ba n toɛ̃-n doo wa.

Minin nimi 11:25

Dɛnaa Lawa gisĩ tɛmaa bara bii, á boo da Muizu ni. Yiri mɛn goã Muizu la, á bɛ kɔn bɔ á gisĩ min gole pɔsɔbaa lɛ la. Lawa yiri lɛ bɛ́ á gisĩ ǹ la lɔn gɔrɔ, ǹ ná a giala kɔ ǹ nə́ Lawa a boo gii-dali baa ǹ siin zɛnɛɛ, sɛnɛ ǹ wo-n nyɛɛn wa.

Zaã a sɛ́wɔ 16:7

Bɛ din tumaa kio, man taãn pii ka nɛ: Maa woo á soɛ ka ganaa. A giala, bɛ̀ ma woo wa, Dɔmalɛ Wole lɛ a die ka li wa. Sɛnɛ, bɛ̀ má woo, ma á die diɛ ka la.

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Nya ǹ dín 8:17

Piɛrɛ laanka ZAÃ tɔ́n mɛ la, ǹ nə́ n gɔnɔn da Samarii minin lɛn mìi ni, ǹ nə́ Lawa nyankɔ, yǎa Yiri Fu gisĩ ǹ la.

Korɛnti1 12:31

Yiri Fu a bǐɛ̃baa ǹ mànan mɛnɛn bɛ́ soɛ, ka ga bɛn li. Sɛnɛ, zii mɛn bɛ́ siĩni á la yii ni, man die bɛ nyɛɛ ka-n kanna.

Timəə dí-pɛn 21:17

Sɛnɛ, a bɛ́ a lɔ mɛn lɛ narɛ wa, a doamaa nɛ a lɛ kɔ mà bɛa nɛgiĩ lɛ n nɛ lɛ a bibinaa lɛa, a na a wɔ gii baa paa a kɔ la, a gɔn mànan tumaa gɔ́ɔ̃ nɛ. A giala, bɛa nɛgiĩ kɛ lɛ na a kakabaa waáraa a nɛ bibini lɛa. Kiã baa ǹ wɔ gii lɛ n doe a din ganaa.

Timəə dí-pɛn 34:9

Nunu a nɛgiĩ Zozoe yiri na á goã piɛ̃-n ka sii-doɛ̃ nɛ, a giala, Muizu na á goã á n gɔn da la. Izirayeli minin lɛn ná a bɔlɔ si. Dɛnaa Lawa goã á màn mɛn pɛ Muizu ni, mà a pɛ ǹ nɛ, maǹ nə́ sii tumaa zɛnaa á kɔnpɛ ka bɛ lɛ nɛ.

Timote1 5:17

Ga Lawa a sɔmɔ walan wolen mɛnɛn bɛ́, ǹ dí nyɛɛ a yɔrɔ li, bɛn doamaa-n ka saraa paa nɛ. Sanparɛ ǹ mɛnɛn bɛ́, ǹ nə́ Lawa a boo laakalaa laanka minin daraa baa ǹ nya ǹ dí lɛa.