Kiin2 2:12 - LAWA A BOO SONBORE

¹² Yiliizee yii bɛ́ á sii lɛ yɛ, á n lɛ dɛ Yilii ganaa: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.» Bɛ kio, Yiliizee yii Yilii yɛ doo wa. Yiliizee ná a mɔnaa kũ á toɛ̃ kɔn paa.

LAWA A BOO SONBORE 2011

¹² Yiliizee yii bɛ́ á sii lɛ yɛ, á n lɛ dɛ Yilii ganaa: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.» Bɛ kio, Yiliizee yii Yilii yɛ doo wa. Yiliizee ná a mɔnaa kũ á toɛ̃ kɔn paa.

Kiin2 2:12 Iomraidhean Croise

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Siin Giala 5:24

A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.

Kiin2 13:14

Busu Yiliizee kũ, bɛ lɛ dɔ n die n biɛ a gɛ̀ busu lɛa. Izirayeli gána a kii Zoasi woo a li, á wuu pɛ a mìi la, á pɛ: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.»

Kiin2 2:13

Dɔnkɛ gole mɛn bɔ Yilii ganaa á mɛnaa, Yiliizee bɛ saa, á n lɛ goa á daa golee Zurdɛ̃ tà lɛ-a.

Kiin2 5:13

Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

Kiin2 6:21

Izirayeli gána a kii lɛ bɛ́ á ǹ yɛ, á pɛ Yiliizee ne: «Maa díi! Ma doamaa nɛ ma ǹ dɛ?»

Zɔbu 22:30

Lawa lɛ bɛ́ n zɛ̀rɛbaãnaa kirisibiɛ, bɛ̀ n dɔ sii la wa, n tá re n boe a nɛ.

Suusun 11:11

Màn nə miɛ kiwi li min peperen bǐɛ̃ taman yii. Sɛnɛ, sii baraa-zɛnaalin man kiwi yui ka ǹ boon ne.

Suusun 30:4

Die na á dii lon á wusoo á gisĩ? Die na á piɛ̃ kũ ka a gɔn nɛ? Die na á mɔnaa pɛnɛ mu ganaa? Die na á n yiin doa tán gèlè tumaa la? Ǹ dɛnaa tɔ n die? A nɛgiĩ tɔ n die? N tá bɛ doɛ̃?

Boo-laakalaali 7:19

Sii-doɛ̃ n pàã koe sii-dɔ̃li la, a la goledɛnaa fù wɔ nɛ kiwi.

Izayii 37:15

Bɛ kio, Ezekiasi Dɛnaa Lawa nyankɔ á pɛ:

Izayii 37:21

Bɛ lɛ nɛ, Amɔsi a nɛgiĩ Izayii tɔn boo kɛ dia Ezekiasi la: – Dɛnaa Lawa, Izirayeli a Lawa bɛ́ màn mɛn pii, á ke: «N Lawa nyan ke ń kɔ, ń mà a kasɛn kirisibaa Asiiriin kii Senankeribu ganaa, bɛa binyəə á ke.

Izayii 37:4

Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Luku 2:15

Lon a dia dí-a wolen lɛn bɛ́ ǹ nə́ n bɔ ǹ li, ǹ nə́ wusoo ǹ nə́ woo lon ǹ mɛn waáraa, tɔɔn-lɛduə̃lin lɛn nə́ pɛ kɔn nɛ kɛnɛn: «Ka daa wɔ n ta yǎa Bɛtlehɛmu, sii mɛn nə n zɛnaa, Dɛnaa Lawa màn mɛn boo da wɔsɛn manɛ, á siĩni wɔ yii bɛ yɛ.»

Luku 24:51

A bɛ́ bɛa barka lɛ diɛ ǹ ganaa, á n na á n bɔ ǹ-a, á dii lon gɔ́ɔ̃ nɛ.

Zaã a sɛ́wɔ 3:13

A giala, min kɔ́n dii lon á wusoo á gisĩ tán wa, bɛ̀ á n bɔ Min a Nɛgiĩ ni, asɛ nə́ n toa lon á gisĩ tán.

Nya ǹ dín 1:9

Bɛa boon kɛn lɛn diɛ kio, Yezu gòãn nə́ yoo ǹ nə́ n bɔ tán, á dii lon bɛ̀ ǹ nə́ giɛ a ganaa. Labara goon nə́ n kɔ lɛ ǹ yɔrɔ-a.

Nya ǹ dín 27:24

Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Nya ǹ dín 8:2

Nyɛ́ɛbaa Lawa yii-n wolen nə́ Itian gere saa ǹ nə́ bĩ, ǹ ná a gɛ̀ wuu pɛ parsiini.

Korɛnti2 5:2

Wɔ ǹ ginii we kanna, a giala, wɔ ǹ li wɔ wo wɔa Lawa a piɛ kion kɛ nɛ.

Korɛnti2 5:4

Hiĩ, ta wɔ́ belebɔ wɔa kion kɛ-n lɔn, wɔ ǹ ginii we, wɔ ǹ nɔmaa la. A bie ka wɔ n zoɛ̃ li, wɔ n na wɔ n bɔ kɔn ka wɔ gɔ̀nɔn kɛ-n wa, sɛnɛ, wɔ yiri ná a ganaa, wáa wɔ wusoo wɔ Lawa a piɛ gɔ̀nɔn kɛ yɛ, ń giɛ, ǹ mɛn bɛ́ á gã, bɛ wusoo a yiikoonaabaa yɛ.

Efɛɛzi minin 4:8

Ka ǹ bɛ́ pii Lawa a sɛ́wɔ-n lɔn: «A bɛ́ á dii lon, á woo ka bɛ̀rɛn nɛ kun ka a din ni, á bǐɛ̃ zɛnaa minbuiinin manɛ.»

Sii-nyaan 11:12

Siéren lɛn paanan nə́ tɔ́n lɛn gole goon ma lon, a n pii ǹ ni: «Ka dii ka da kànaa!» Ǹ nə́ kaa labara goon ne ǹ nə́ dii lon, ǹ zɔ́ɔn lɛn yii ni.

Sii yɔrɔ-bɔlen 17:10

Miikaa tɔ́n pɛ nɛ: «Giã masɛ a kion, n baa masɛ a díi lɛa, n maa sumu a wúlu bɔ. Ma á re wɔrɔ fù koe n la lɛ̀ woo lɛ̀. N laadoo bɛ́ wɔ ǹ mɔnaa laanka màn-bii mɛn dɔ ganaa, ma á re bɛ dɔ koe n la.» Levii tɔrɔ lɛ golee.