Kiin2 19:21 - LAWA A BOO SONBORE

²¹ Dɛnaa Lawa bɛ́ boo mɛn diɛ Senankeribu ganaa bɛ á ke: A n zɔ̀ɔ doe n ne, a n yaa we n ganaa, *Siɔn nɛlɔ kɛ lɛ, a ná a giĩ doɛ̃ wa. A nə n kɔkɔrɔ zuĩ n kio wɔlɔ-a, Zeruzalɛmu a nɛlɔ lɛ.

LAWA A BOO SONBORE 2011

²¹ Dɛnaa Lawa bɛ́ boo mɛn diɛ Senankeribu ganaa bɛ á ke: A n zɔ̀ɔ doe n ne, a n yaa we n ganaa, *Siɔn nɛlɔ kɛ lɛ, a ná a giĩ doɛ̃ wa. A nə n kɔkɔrɔ zuĩ n kio wɔlɔ-a, Zeruzalɛmu a nɛlɔ lɛ.

Kiin2 19:21 Iomraidhean Croise

Zɔbu 16:4

Toa bɛ̀ ka dɔn man masɛ a bǎã kɛ nɛ, bɛ̀ ma dɔ á boe la ma ka dɔn boo kɛ tɔrɔ da. Bɛ̀ man die boo gigiã kiɛ kun, ma da ka ganaa, bɛ̀ ma á n wìi yiɛ ka li.

Loen 109:25

Má n baa sàn kɔ ǹ màn lɛa maa zɔ́ɔn gɔn. Bɛ̀ ǹ nə́ ma yɛ, manə ǹ wii yiɛ, ǹ yaa wɔ ma ganaa.

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Loen 44:14

N din nə toɛ, wɔ miãkɛnɛn nə́ sɔ koe wɔ-a, n din nə toɛ, bɛn nə́ wɔ diɛ yaa lɛa, ǹ nə́ wɔ puusə koe.

Loen 9:14

Makara bɔ ma-a, Dɛnaa Lawa. Maa zɔ́ɔn kɛn nə nɔmaa mɛn da ma mìi ni, n din ga bɛ ganaa. N din ma kanbaa gɛ̀ ganaa,

Izayii 1:8

*Siɔn kiwi dinsɔɔ̃ na á goã, ka mìi susu ǹ bǎã bɛ́ lɔn rezɛ̃ wuru-n, ka zìã bɛ́ lɔn dù gɔrɔ-n, ka kiwi bɛ́ lɔn, zɔ́ɔn sɔraasin na á lɛnpɛnɛ.

Izayii 23:10

Tiiri, tán kɔsɔ ka Niili tà lɛ-a minin bɛ́ lɔn, a giala, bǎã sɔsɔɔ zii tɔ wɔ mu la ǹ goon golee ǹ bǎã banban doo wa.

Izayii 23:12

Dɛnaa Lawa n kɛ pii: «Sidɔn a zaman, ka a re boe la ka kaa zɔ́nɔn zɛnaa doo wa. Ma nə n kɔnbɔ ka nɛlɔ ten mɛn bɛ́ ǹ nə́ kũ ka pàã nɛ. A giala, ta ń yìsi mu la bɔ ń woo yǎa Siipri, n ba re susui yii walan dɔ din ni wa.

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Izayii 47:5

Giã tán, n nə n lɛ tã kiĩni Baabilonii kiwi. N duru wɔlɔ tì li. A giala, ǹ ba re n bíi "gánan kii lɔ" doo wa.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 18:13

Dɛnaa Lawa n kɛ pii: Ka nɔ̀n da tɔrɔ kɔsɔ minin la: Ka bin tɔn boon kɛn miãn ma? Izirayeli zaman lɛ na á sii bɔbɔnɛɛn zɛnaa.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 46:11

Ezipti minin, ka yoo ka wo Galaati gána nɛ, ka ga nyɔɔ li, ka lɔ kaa busulɛn ganaa. Sɛnɛ là ba a ganaa ka dagòã gigiã si kooro wa. Kaa busulɛn lɛn ba nyɛɛ wa.

Busii pɛ 1:15

Dɛnaa Lawa maa sɔraasi kakan tumaa dɛ. Á zia-baali kurun sɔkɔn masɛ á lɛa, ǹ nə́ daa maa sɔraasi tenən yɔyɔrɛ. Á ma tɔtɔrɔ yala-n, ka ǹ bɛ́ rezɛ̃ tɔtɔrɛ lɔn, ma din Zeruzalɛmu, Zudaa kiwi.

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Busii pɛ 2:15

Zeruzalɛmu, min mɛn tumaa bɛ́ kiɛ̃ kunu n li, manə n gɔn dii a giala mà ń ziziɛ̃. Maǹ lɛ pii pii ǹ nə́ yaa we n ganaa, ǹ nə́ n mìi papasɛ bɛ̀ ǹ tá pii: Kiwi kɛ lɛ nɛ ǹ nə́ goã bíi "Siĩnbaa lɛpiɛ̃" ka "tán tumaa a foo kɔɔ̃nɛ"?

Busii pɛ 4:21

Ka á boe la ka n nyɛnyaa ka bɛ̀ baa, Edɔmu a zaman, nsɛ mɛn bɛ́ giã nɛ Usu gána nɛ. Sɛnɛ n dɔ á re Dɛnaa Lawa a foo yoo ǹ paan mu kɛ mii, a n yii kũ, n nə n tontoro da.

Amɔɔsi 5:2

Izirayeli minin lɛn nə́ kaa, ǹ ba re yui doo wa. Ǹ tá tán-a, min kɔn banban a tá ǹ goɛ ǹ kiɛ lon wa.

Misee 4:8

Nsɛ Siɔn kele lɛ, maa zaman kɛa daa ǹ bǎã, Zeruzalɛmu kiwi a lɛduə̃ ǹ bǎã, n lɛlɛ a pàã lɛ á re wusii a dɔ n-a, kiibaa lɛ á re wusii a da Zeruzalɛmu kiwi.»

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 27:39

Min mɛnɛn nə́ goã kiɛ̃ walan, bɛn man nə́ goã ǹ mìi papasɛ bɛ̀ ǹ tá sɔ kiɛ la.