Kiin2 19:16 - LAWA A BOO SONBORE

¹⁶ Dɛnaa Lawa, n too naa, n nə n too kɔ, Dɛnaa Lawa, n yii bũ n ga! Senankeribu mɛn lɛ minin dia mà ǹ da sɔ kɔ n din Lawa yiikoonaa ganaa, n too kɔ bɛa boon kɛn ganaa!

LAWA A BOO SONBORE 2011

¹⁶ Dɛnaa Lawa, n too naa, n nə n too kɔ, Dɛnaa Lawa, n yii bũ n ga! Senankeribu mɛn lɛ minin dia mà ǹ da sɔ kɔ n din Lawa yiikoonaa ganaa, n too kɔ bɛa boon kɛn ganaa!

Kiin2 19:16 Iomraidhean Croise

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin2 19:17

Dɛnaa Lawa, taãn nɛ, Asiirii gána a kiin lɛn nə́ basaã kɔ tɔrɔn manɛ ka ǹ gánan nɛ.

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

KZS2 6:40

Kanna, Maa Lawa, n yii bũ, bǐɛ̃ kɔ n nə n too kɔ nyankɔn li bǎã kɛ nɛ sɔnbɔraanɛ.

Loen 31:2

Dɛnaa Lawa, man kiɛ n din yele, n nyan toa sìi ma kũ duduu wa. Ma kanbaa, n peperebaa kɛ gɔ́ɔ̃ nɛ.

Loen 74:22

Lawa! Yoo, n nə n din a zia gii da. N yiri koa gàãnaan kɛn nɛ. N yiri koa ǹ baraabaraa a sɔ kɔ n ganaa kɛ nɛ.

Loen 79:12

Dɛnaa, tɔrɔn mɛnɛn bɛ́ wɔ miãkɛnɛn lɛa, bɛn nə́ sɔ kɔ n ganaa. Bɛa sɔ kɛ lɛ a dòo a laman sɔbaa bɔ ǹ ganaa.

Izayii 37:17

Dɛnaa Lawa, n para kanaa n nə n too kɔ taãn-taãnɛ! Dɛnaa Lawa, n yii bũ n ga gongon! Senankeribu a dia dí-a wolen nə sɔ mɛn kɔ n ganaa, Lawa Yiikoonaa, n too kɔ bɛ li.

Izayii 37:4

Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.