Kiin2 18:5 - LAWA A BOO SONBORE

⁵ Ezekiasi nə́ n foo doa Izirayeli a Lawa, Dɛnaa Lawa lɛ ganaa. Kii Ezekiasi kio, Zudaa gána a kiin lɛn tumaa bii, kii yɛ ka a bɛ́ lɔn wa. KIIN mɛnɛn dɔn nə goã ǹ nə́ daa a nyɛɛnɛ, ǹ miã goã bɛn dɔn bii wa.

LAWA A BOO SONBORE 2011

⁵ Ezekiasi nə́ n foo doa Izirayeli a Lawa, Dɛnaa Lawa lɛ ganaa. Kii Ezekiasi kio, Zudaa gána a kiin lɛn tumaa bii, kii yɛ ka a bɛ́ lɔn wa. Kiin mɛnɛn dɔn nə goã ǹ nə́ daa a nyɛɛnɛ, ǹ miã goã bɛn dɔn bii wa.

Kiin2 18:5 Iomraidhean Croise

Kiin2 18:19

Asiirii minin lɛn sɔraasin goledɛnaa lɛ goon nə́ n toa ǹ ganaa kɛnɛn: – Ka pɛ Ezekiasi ni, mà Asiirii gána a kii, kii gole lɛ mà kɛnɛn: «Maǹ nə́ n gòã koɛ wàa la?

Kiin2 19:10

Asiirii gána a kii lɛ tɔ́n wusoo doo á minin dia Ezekiasi li, á pɛ ǹ nɛ, mà ǹ pɛ Zudaa gána a kii Ezekiasi n kɛnɛn: «N Lawa mɛn bɛ́ n tá n foo doɛ a ganaa, bɛ baran toa a n yiri sã n pɛ mà Zeruzalɛmu ba re n we Asiirii gána a kii gɔn wa.»

Kiin2 23:25

KIIN mɛnɛn nə kiɛ̃ Zoziasi nyɛɛn lɛlɛ, ǹ kɔn nə yɛ ka a bɛ́ lɔn, á wusoo á daa Dɛnaa Lawa ganaa ka a foo din tumaa nɛ, ka a gɔ́ɔ̃ din tumaa nɛ, ka a taasiɛ din tumaa nɛ, á kɔnpɛ ka Muizu a dí-pɛ kɛ tumaa-n wa. Zoziasi kio, kii kɔn yɛ ka a bɛ́ lɔn wa.

KZS2 14:11

Ká Dɛnaa Lawa barka nɛ, Azaa laanka Zudaa minin nə́ gɔ̀lɔ̀baa yɛ Etiopii minin la, ǹ nə́ ǹ kaa baa la.

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

KZS2 20:35

Ka bɛ n doo, Zudaan kii Zozafati nə́ n kaa kun ka Izirayelin kii Ahaazia nɛ, a giã ǹ gɔn nə́ bɔbɔnɛɛ.

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Loen 13:5

Bɛ bie wa, maa zɔ́ɔn kɛn man die pii, mà ǹsɛn nə́ boo ma la. Maa zɔ́ɔn kɛn man die n nyɛnyɛɛ maa mɛnaa kɛa lɛa.

Loen 84:12

Sonbore, Dɛnaa Lawa lɛ n wɔlɔ fúli wɔ nɛ ka wasa bɛ́ lɔn, a din dɔ n wɔ tamaɛ. Dɛnaa Lawa din nə bǐɛ̃ zɛnɛɛ, á gugurubaa koe. Min mɛnɛn giã bɛ́ pepere, a n yii-nyɛɛ koe bɛn la.

Izayii 36:7

Kɔntan, n tá re ma lɛ sii n pɛ mà ka foo n doa-n Dɛnaa Lawa, kaa Lawa ganaa. A da yaa dɔn n din Ezekiasi-n n ná a guguru kɔ ǹ bǎã laanka a wúlu bɔ ǹ bǎãn ziziɛ̃. Ń pɛ Zudaa laanka Zeruzalɛmu minin manɛ, mà ǹ Dɛnaa Lawa guguru kɔ Zeruzalɛmu a *wúlu bɔ ǹ bǎã kɛ dinsɔɔ̃ nɛ.

Izayii 38:3

Á pɛ: «E, Dɛnaa Lawa! Baalaa wɔ, n nə n yiri kɔ: Má bɔlɔgoondɛnaa baa n yɔrɔ-a, ma foo ná a talɛɛ-n paa wa. Sii mɛn bɛ́ siĩni n yii li, má bɛ zɛnaa.» Ezekiasi wuu pɛ parsiini.

Matiə 27:43

N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»

Efɛɛzi minin 1:12

mà wɔ asɛ a gugurubaa kɛ laakalaa, wɔsɛn Zuifun mɛnɛn bɛ́ wɔ n foo doa Krita ganaa bibinaanɛ.