Kiin2 18:4 - LAWA A BOO SONBORE

⁴ A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

LAWA A BOO SONBORE 2011

⁴ A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 18:4 Iomraidhean Croise

Kiin1 22:43

Zozafati na á ǹ di a tɔ wɔ ǹ gɔn saa, a ǹ kɔn toa walan wa. Màn mɛn bɛ́ pepere Dɛnaa Lawa yɔrɔ-a, a na á goã bɛ zɛnɛɛ.

Kiin2 10:26

Tíĩn mɛnɛn bɛ́ Baali guguru kɔ ǹ kion lɛ nɛ, ǹ nə́ soo ka bɛn nɛ, ǹ nə́ tɛ da ǹ ganaa.

Kiin2 11:18

Bɛ kio, gána lɛ a zaman tumaa woo *Baali guguru kɔ ǹ kion bǎã nɛ, ǹ nə́ wuru. Ǹ ná a wúlu bɔ ǹ bǎãn ziziɛ̃ lenlen, ka a nyín sɛlɛɛn kɛn nɛ. Matan mɛn bɛ́ Baali a dì wúlu-bɔle lɛa, ǹ nə́ bɛ dɔ dɛ wúlu bɔ ǹ bǎãn lɛn yɔrɔ-a. Lawa a wúlu-bɔle Zozadaa minin kaa Dɛnaa Lawa a kion lɛ a lɛduə̃ ganaa.

Kiin2 12:3

Sii mɛn bɛ́ pepere Dɛnaa Lawa yii li, Zoasi bɛ zɛnaa a yiikoonaabaa tumaa gɔ́ɔ̃ nɛ. A giala Lawa a wúlu-bɔle Zozadaa lɛ na á goã darɛɛ.

Kiin2 14:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe, bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

Kiin2 15:35

Sɛnɛ wúlu bɔ ǹ bǎãn kɛn nə papaã wa, zaman lɛ na á goã tɔn woe wúlu boe wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la. Lawa a kion a kiɛnlɛ gole ke, Zoatamu din na á dɔ.

Kiin2 15:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe wúlu bɔ ǹ bǎãn la, ǹ da yon gìĩ kɔɔ̃n tã ǹ la.

Kiin2 16:15

Bɛ kio, kii Ahaazi lɛ tɔ́n pɛ Lawa a wúlu-bɔle Uria-n kɛnɛn: «*Wúlu màn mɛn bɛ́ n tiɛ̃ baayɛlɛ, ka Lawa gɔ ǹ màn mɛn bɛ́ n boe wasamiɛ̃nɛ, bɛn bɔ wúlu bɔ ǹ bǎã gole lɛ la. Kii a wúlu màn-tiɛ̃ nɛ, ka a Lawa gɔ ǹ màn nɛ, bɛn bɔ wúlu bɔ ǹ bǎã gole lɛ la. Gána lɛ a zaman tumaa a wúlu màn-tiɛ̃ nɛ, ka ǹ Lawa gɔ ǹ màn nɛ, bɛn bɔ wúlu bɔ ǹ bǎã gole lɛ la. N duvɛ̃ zuməə la. Wúlu màn-tiɛ̃n kɛn tumaa mà nɛ, ka wúlu mànan kɛn tumaa mà nɛ, bɛ yii kaa tán wúlu bɔ ǹ bǎã gole lɛ la. Wúlu bɔ ǹ bǎã kɛ sɛ zan lɛa, ma á die giɛ bɛ walan.»

Kiin2 18:22

Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

Kiin2 21:3

Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Kiin2 23:14

Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

Kiin2 23:4

Bɛ kio, kii lɛ tɔ́n pɛ Lawa a wúlu-bɔlen kiã Ilkia nɛ, ka Lawa a wúlu-bɔlen kɛn nɛ koɛ la, ka kiɛnlɛ-lɛduə̃lin ni mà mànan kɛn ǹ nə́ ǹ zɛnaa dì baali wɔ lɛa, ka dì Aseeraa laanka lon gɔ̀nɔn ganaa ǹ mànan kɛn tumaa wɔ lɛa, mà ǹ bɛn tumaa goa, ǹ nə ǹ bɔ Lawa a kion lɛ nɛ. Kii lɛ bɛa mànan kɛn lɛn tã, Zeruzalɛmu kiwi kio, Sedrɔn wurun kɛn gɔ́ɔ̃ nɛ. Á ǹ ton goa, á daa-n Betɛli.

KZS2 19:3

Sɛnɛ, a da yaa dɔn n sii sonbore zɛnaa. A giala, ń dì gɔnɔn kɛn tumaa papaã gána lɛ nɛ, ń ga Lawa li ka n foo tumaa nɛ.»

KZS2 31:1

Zɔ́n lɛ bɛ́ á nya, Izirayeli minin mɛnɛn tumaa goã ǹ tan, ǹ tumaa woo Zudaa kiwin ni. Ǹ nə́ tíĩ zumiin yiyiɛ, dì gɔnɔn kɛn, ǹ nə́ bɛn kukuru ǹ nə́ ǹ dìn tumaa ziziɛ̃ ka ǹ wúlu bɔ ǹ bǎãn nɛ. Ǹ nə́ zɛnaa miɛ̃ dɔn Zudaa laanka Bɛnzamɛn gána nɛ, ka Efrayimu laanka Manaasee gána dɔ nɛ. Ǹ bɛ́ ǹ nə ǹ tumaa ziziɛ̃, bɛ kio Izirayeli minin nə́ n bɔyaa ǹ nə́ woo ǹ kiwin ni, didie woo piɛ.

KZS2 33:3

Ǹ di Ezekiasi dì bǎã mɛnɛn wuru, á wusoo á bɛn dɔ. Á wúlu bɔ ǹ bǎãn dɔ dì *Baali guguru kɔ ǹ wɔn lɛa. Á dì gɔnɔn zɛnaa, á kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Bɔ bɛ̀rɛbaa nɛ 23:24

Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Izayii 36:7

Kɔntan, n tá re ma lɛ sii n pɛ mà ka foo n doa-n Dɛnaa Lawa, kaa Lawa ganaa. A da yaa dɔn n din Ezekiasi-n n ná a guguru kɔ ǹ bǎã laanka a wúlu bɔ ǹ bǎãn ziziɛ̃. Ń pɛ Zudaa laanka Zeruzalɛmu minin manɛ, mà ǹ Dɛnaa Lawa guguru kɔ Zeruzalɛmu a *wúlu bɔ ǹ bǎã kɛ dinsɔɔ̃ nɛ.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Timəə dí-pɛn 5:5

Bɛa waáraa lɛ nɛ, ma din nə má tɔ́n golee ka laanka Dɛnaa Lawa bii, má n Dɛnaa Lawa a boo sii pii ka nɛ. A giala, ka n ká goã nyɛ́ɛ biɛ tɛ lɛ nyɛɛnɛ, ka goã ká dii kele lɛ la wa. Dɛnaa Lawa na á pɛ ka-n kɛnɛn:

Timəə dí-pɛn 7:5

Sɛnɛ, ka bɛ́ re sii mɛn zɛnɛɛ bɛa tɔrɔ kɔsɔn lɛn manɛ, bɛ n ka kɛ nɛ: ǹ wúlu bɔ ǹ bǎãn kɛn, ka die ka bɛn wuru, ǹ tíĩn kɛn, ka bɛn wɔwoɛ̃, ka ǹ dì gɔnɔn kɛn kukuru, ǹ dìn kɛn, ka bɛn tã.

Sii yɔrɔ-bɔlen 6:25

A din tèlò lɛ nɛ, Dɛnaa Lawa pɛ Zediɔ̃ nɛ: «N di dii gɔ̀lɔ̀ paabaa ǹ wɔ mɛn koa a gɔn li, lɛ̀ sɔbaa dii gɔ̀lɔ̀ lɛ, a kũ. N di a dì ke ǹ nə́ bíi *Baali, n bɛa wúlu bɔ ǹ bǎã kɛ yu. Dì gɔn mɛn bɛ́ a li, n bɛ dɔ kuru.

Sii yɔrɔ-bɔlen 6:28

Kiwi minin lɛn bɛ́ ǹ nə́ yoo baayɛlɛ yiisoone, ǹ nə́ Baali a wúlu bɔ ǹ bǎã lɛ yɛ, bɛ̀ ǹ nə́ ke ǹ nə́ wuru ǹ nə́ kaa. Dì gɔn mɛn dɔ goã a li, ǹ nə́ bɛ dɔ kuru. Ǹ wúlu bɔ ǹ bǎã mɛn dɔ sisia, ǹ nə́ wúlu bɔ ka dii gɔ̀lɔ̀ paabaa ǹ wɔ lɛ nɛ bɛ lalan, ǹ nə́ tã lenlen.