Kiin2 18:22 - LAWA A BOO SONBORE

²² Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

LAWA A BOO SONBORE 2011

²² Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

Kiin2 18:22 Iomraidhean Croise

Kiin2 18:23

Kanna kəni, bǐɛ̃ kɔ n yoo n da maa dɛnaagiĩ, Asiirii gána a kii lɛ li. Ma á sùi duu paa (2 000) koe n la, bɛ̀ n din tá re minin yii ǹ dii ǹ la!

Kiin2 19:6

Izayii pɛ ǹ nɛ, mà ǹ die ǹ pɛ ǹ dɛnaagiĩ lɛ-n kɛnɛn: «Dɛnaa Lawa n kɛ pii: N boon mɛnɛn lɛn ma, kɛn lɛn Asiirii gána a kii a di-nyanlin nə́ da ǹ nə́ wɔ masɛ lon ne, bɛn baran nyɛ́ɛ da n ganaa wa.

KZS2 31:1

Zɔ́n lɛ bɛ́ á nya, Izirayeli minin mɛnɛn tumaa goã ǹ tan, ǹ tumaa woo Zudaa kiwin ni. Ǹ nə́ tíĩ zumiin yiyiɛ, dì gɔnɔn kɛn, ǹ nə́ bɛn kukuru ǹ nə́ ǹ dìn tumaa ziziɛ̃ ka ǹ wúlu bɔ ǹ bǎãn nɛ. Ǹ nə́ zɛnaa miɛ̃ dɔn Zudaa laanka Bɛnzamɛn gána nɛ, ka Efrayimu laanka Manaasee gána dɔ nɛ. Ǹ bɛ́ ǹ nə ǹ tumaa ziziɛ̃, bɛ kio Izirayeli minin nə́ n bɔyaa ǹ nə́ woo ǹ kiwin ni, didie woo piɛ.

KZS2 32:12

Taãnɛ, a din kii Ezekiasi lɛ na á dìn laanka ǹ *wúlu bɔ ǹ bǎã papaã. A din na á boo kɛ da Zeruzalɛmu minin manɛ: Ka n die Dɛnaa Lawa guguru koe wúlu bɔ ǹ bǎã goon toto yɔrɔ-a, ka n die *wúlu màn gìĩ koe bɛa bǎã goon kɛ lɛ dinsɔɔ̃ nɛ.

Izayii 36:7

Kɔntan, n tá re ma lɛ sii n pɛ mà ka foo n doa-n Dɛnaa Lawa, kaa Lawa ganaa. A da yaa dɔn n din Ezekiasi-n n ná a guguru kɔ ǹ bǎã laanka a wúlu bɔ ǹ bǎãn ziziɛ̃. Ń pɛ Zudaa laanka Zeruzalɛmu minin manɛ, mà ǹ Dɛnaa Lawa guguru kɔ Zeruzalɛmu a *wúlu bɔ ǹ bǎã kɛ dinsɔɔ̃ nɛ.

Matiə 27:43

N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»

Korɛnti1 2:15

Lawa a Yiri Fu bɛ́ min mɛn lon, bɛa dɛnaa á boe la a sii tumaa bɔ kɔn lɛ. Sɛnɛ, min kɔ́n ba boe la a kiri wɔ asɛ ganaa doɛ̃ wa.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:14

Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.