Kiin2 18:11 - LAWA A BOO SONBORE

¹¹ Asiirii gána a kii lɛ tɔ́n Izirayeli minin goa á kiɛ̃ ǹ nɛ Asiirii gána nɛ, á woo ǹ ne Halaa kiwi, ka Habɔɔrɔ tà lɛ-a nɛ, Goozan gána nɛ, ka Mɛdi gána a kiwi dadaran nɛ.

LAWA A BOO SONBORE 2011

¹¹ Asiirii gána a kii lɛ tɔ́n Izirayeli minin goa á kiɛ̃ ǹ nɛ Asiirii gána nɛ, á woo ǹ ne Halaa kiwi, ka Habɔɔrɔ tà lɛ-a nɛ, Goozan gána nɛ, ka Mɛdi gána a kiwi dadaran nɛ.

Kiin2 18:11 Iomraidhean Croise

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Kiin2 19:11

Á ke, Asiirii gána a kiin lɛn nə sii mɛn zɛnaa gánan tumaa nɛ, n dinmaa lɛ tá bɛ doɛ̃, ǹ nə́ ǹ ziziɛ̃ lenlen. Sɛnɛ, nsɛ n die n boe a nɛ?

Kiin2 21:8

Ka bɛ dɔ nɛ, mà asɛ ba re Izirayeli minin lɛn kiɛ binbirin bɔ ganaa, ǹ wɔlɔ n lui ni tán kɛ ganaa asɛ kɔ ǹ digolon la wa. Mà asɛ gɔn waa ǹ boon mɛnɛn tumaa pɛ ǹ nɛ, mà yǎa ǹ nə n yiri koɛ bɛn lɛn li, ǹ nə ǹ tamaa, ka dí-pɛn kɛn tumaa nɛ asɛ a dí-nyali Muizu kɔ ǹ la.

Kiin2 23:27

Dɛnaa Lawa pɛ: «Man die Zudaa tɔrɔn dɔn dinin zoɛ̃ ma ǹ bɔ ma yɔrɔ-a ka sɔsɔɔ, ka ma goã má Izirayeli minin na lɔn. Zeruzalɛmu kiwi ke, má a yii gɔgɔɔ̃, man die bɛ dɔ toɛ walan. Ma goã má pɛ kion mɛn wɔ paǹ li, máa ma tɔ n die goɛ̃ kànaa, man die bɛ dɔ toɛ walan.»

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Izayii 10:11

Ma bɔ̀n mɛn da Samarii laanka a lawa kooron ganaa, ma a boe la ma bɛ miã da Zeruzalɛmu laanka a dìn ganaa wa?

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 36:2

Asiiriin kii nə́ n toa Lakiisi, á sɔraasin goledɛnaa dia kɔnlɛ ka a sɔraasi kuru ni kii Ezekiasi li Zeruzalɛmu. Sɔraasin goledɛnaa lɛ n golee-n kunu mu dɔǹ kaaraa kɛa mu a baa si ǹ zii ganaa, gàra-wɔlen wuru zii la.

Izayii 37:12

KIIN mɛnɛn nə goã ma nyɛɛnɛ ǹ nə́ gánan kɛn yu, Goozan nɛ, Karan nɛ, Resɛfu ni, ka Edɛn tɔrɔn kɛn nɛ Telasaara, bɛa gánan lɛn dìn nə boo la ǹ nə́ ǹ si wa.

Izayii 7:8

A giala, Damaasi ke Siirii a kiwi gole lɛa, Resini n kiã lɛa walan. Kànaa ka lɛ pɔsɔrɔ ka sooro, Efrayimu á re yui, a re tɔrɔ biɛ doo wa.

Izayii 8:4

A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Amɔɔsi 2:6

Dɛnaa Lawa na á pɛ kɛnɛn: Izirayeli minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ min pepere kũ ǹ nə́ sã wɔrɔ-a, ǹ nə́ doobaa lonkɔ ka kɔsɔ nɛ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Amɔɔsi 5:6

Bɛ̀ ka tá li ka yii goã koo sɛn, yǎa ka giɛ Dɛnaa Lawa li. Zozɛfu tɔrɔn lɛn, ka yiri bɔ ka dinin li, a nyan yoo ka tɛ bɛ́ lɔn, a kũ Betɛli wa. A giala, min kɔn ba re yii a nimi wa.

Nya ǹ dín 7:43

Táa ka n ká dì Mɔlɔki kɛa da ǹ mɔnaa kion gũ, dì Refan kɛ dɔ ka leere bɛ́ lɔn, ka bɛ dɔ nyín gũ. Ka ǹ ká bɛa màn nyínin kɛn lɛn zɛnaa ka tá ǹ guguru koe. Bɛ lɛ taman yii ni, ma á re toɛ ǹ ka goa, ǹ wo ka-n sɔsɔɔ *Baabilonii kiwi kɛ kio.»