Kiin2 17:9 - LAWA A BOO SONBORE

⁹ Siin mɛnɛn bɛ́ ǹ kɔnbɔ ka zɛnaa-n wa, Izirayeli minin lɛn nə́ bɛn lɛ bɔ ǹ nə́ zɛnɛɛ ka durii ni, Dɛnaa Lawa, ǹ Lawa lɛ nɛ. Ǹ nə́ wúlu bɔ ǹ bǎãn dɔ ǹ dinin wɔ lɛa, ǹ kiwi tumaa nɛ, a kũ bǎã-lɛduə̃lin giã ǹ bǎãn ganaa a wo kiwi dadaran yaa, kungɔn bɛ́ pɛnɛɛ nɛ ǹ mɛnɛn ganaa.

LAWA A BOO SONBORE 2011

⁹ Siin mɛnɛn bɛ́ ǹ kɔnbɔ ka zɛnaa-n wa, Izirayeli minin lɛn nə́ bɛn lɛ bɔ ǹ nə́ zɛnɛɛ ka durii ni, Dɛnaa Lawa, ǹ Lawa lɛ nɛ. Ǹ nə́ wúlu bɔ ǹ bǎãn dɔ ǹ dinin wɔ lɛa, ǹ kiwi tumaa nɛ, a kũ bǎã-lɛduə̃lin giã ǹ bǎãn ganaa a wo kiwi dadaran yaa, kungɔn bɛ́ pɛnɛɛ nɛ ǹ mɛnɛn ganaa.

Kiin2 17:9 Iomraidhean Croise

Kiin2 18:8

Ezekiasi lɛ din na á zia da Filisiti minin ganaa á boo ǹ la, á ǹ loo yǎa Gaazaa, á bɔ̀n da kiwi lɛ laanka a bǎãn ganaa. Kungɔn bɛ́ pɛnɛɛ nɛ kiwi dadaran mɛnɛn ganaa á bɛn si ka bǎã-lɛduə̃lin giã ǹ bǎãn dɔn nɛ.

Zɔbu 31:27

ma bin nə n saa bɛ li, má sii kɔn taasɛ ma foo-n ka durii-n wa, ma bin nə ǹ guguru kɔ wa.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Izayii 29:15

Min mɛnɛn bɛ́ sii zɛnɛɛ ka durii ni, ǹ nə́ ǹ taasiɛn duri Dɛnaa Lawa la, ǹ nə́ ǹ siin yɔrɔ boe tèlò basa li, bɔ̀n nə bɛn wɔ lɛa. Maǹ pii: «Die yii n wɔa sii zɛnaan ganaa, die n wɔ doɛ̃?»

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 8:12

Dɛnaa Lawa tɔ́n pɛ ma nɛ: «Nsɛ minbuiin a nɛ, Izirayeli tɔrɔn lɛn min golen bɛ́ sii mɛn zɛnɛɛ wɔlɔ tì li, n yii tá a ganaa ke? Didie na a dì kion. A giala, maǹ pii mà Dɛnaa Lawa yii ba ǹsɛn ganaa wa, mà Dɛnaa Lawa gána lɛ din toa walan.»

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Timəə dí-pɛn 29:25

A giala, maǹ nə́ woo dí nya lawa kɔsɔn manɛ, ǹ nə́ bɛn guguru kɔ, a da yǎa ǹ ba ǹ doɛ̃ lɛlɛ wa, Dɛnaa Lawa dɔ din lɛ kɔ ǹ la, mà ǹ nə ǹ guguru kɔ wa.