Kiin2 17:6 - LAWA A BOO SONBORE

⁶ Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

LAWA A BOO SONBORE 2011

⁶ Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Kiin2 17:6 Iomraidhean Croise

Siin Giala 10:2

Zafɛti a nɛnyaanan man kɛn nɛ: Gomɛɛrɛ nɛ, Magɔgə ne, Madayi ni, Yavan nɛ, Tubaali ni, Mesɛki laanka Terasi ni.

Kiin1 8:46

Ta Izirayeli minin lɛn man nə́ sã n ganaa, a giala min kɔn banban mà bɛ na a ba siɛ̃ wa, ta n foo na á yoo ǹ li, ń nə́ ǹ wɔ ǹ zɔ́ɔn gɔn, bɛn nə́ boo ǹ la ǹ nə́ ǹ baa bɛ̀rɛn lɛa, ǹ nə́ woo ǹ ne ǹ gána nɛ, ta gána lɛ á sɔsɔɔ hinlaa ta a sɔsɔɔ wa,

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Kiin2 18:34

Amaati laanka Arpaadi a dìn lɛn man maa? Sefaravayimu ni ka Enaa laanka Iva nɛ, bɛn dìn lɛn man maa? Ǹ nə́ Samarii kiwi si ma la?

Kiin2 19:12

Gánan lawan kɛn, ma digolon nə́ ǹ ziziɛ̃, bɛn nə́ boo ǹ gánan lɛn la ǹ nə́ ǹ si ǹ nə́ ǹ kaa? Goozan kiwi ni, Karan kiwi ni, Resɛfu kiwi ni ka Edɛn tɔrɔn kɛn nɛ giã-n Telasaara.

Kiin2 21:13

Man die Samarii kiwi tele ǹ biɛ kɛ laanka Akaabu a kion minin tele ǹ màn kɛ diɛ Zeruzalɛmu kiwi li. Man die Zeruzalɛmu tuturi ka ǹ bɛ́ tasa tuturi lɔn, ǹ saa ǹ na a lɛ kuməə tán.

KZS1 5:22

Ǹ nə́ goã ǹ nə́ zɔ́ɔn lɛn min didi dɔ dɛ. Bɛ na á goã á n zɛnaa, a giala bɛa zia lɛ na á goã boe Lawa li. Bɛ kio, ǹ nə́ giã Agaara tɔrɔn lɛn bǎã nɛ, ǹ nə́ goã walan yǎa wo bɛ̀rɛbaa ǹ bǎã-n kɛa biikoo li.

Ɛsidrasi 6:2

Ǹ nə́ tɔ́n sɛ́wɔ munii zizi goon yɛ Ekibatana, Mɛdi gána a kiwi gole kɛ nɛ. A n kiɛ̃-n bɛa sɛ́wɔ lɛ-n kɛnɛn:

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Izayii 10:9

Fuu mɛn Karkemisi kiwi yɛ, bɛ miã dɔ na á Kalnee kiwi yɛ. Ma màn mɛn da Amaati la, a din lɛ-n ma da Arpaadi dɔ la. Ǹ mɛn nə Damaasi yɛ, bɛ lɛ dɔ na á Samarii yɛ.

Izayii 13:17

«Á ke, Mɛdi gána minin kɛn, ǹ laadoo ná a sana laanka wɔrɔ ganaa wa, ma á re bɛn kiɛ Baabilonii minin ganaa.

Izayii 17:4

Bɛa pinaa kɛ nɛ, Zakɔba a yii gugurubaa kɛ á re kiɛɛrɛ koe. Á re n biɛ ka paan bɛ́ lɔn.

Izayii 21:2

Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

Izayii 36:17

Bɛ kio, ma á re miɛ ka nyɛɛnɛ ma wo ka nɛ gána kɔsɔ nɛ, ka kaa wɔ kɛ bɛ́ lɔn, gána mɛn bɛ́ *belee laanka *rezɛ̃ da n bǐɛ̃ koe a nɛ, buuru laanka duvɛ̃ ná a nɛ.

Izayii 36:19

Amaati laanka Arpaadin dìn kɛn man nə́ boo wàa la ǹ nə́ zɛnaa? Sefaravayimu wɔn dɔn man nə́ wàa zɛnaa? Ǹ nə́ boo la ǹ nə́ ma kurəə Samarii kiwi kuĩ ganaa?

Izayii 37:18

Dɛnaa Lawa, taãn nɛ, Asiirii kiin lɛn nə́ tɔrɔn tumaa lɛ naa, ǹ nə́ ǹ gánan ziziɛ̃.

Izayii 8:4

A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Ozee 1:4

Dɛnaa Lawa tɔ́n kɛ pɛ nɛ: «A tɔ kɔ Zizereyɛli. A giala, Zehu tɔrɔn kɛn nə gɛ̀ mɛn dɛ Zizereyɛli, kànaa ka boɛɛn nɛ, ma á re bɛa gɛ̀ dòo boe ǹ ganaa, ma á re Izirayeli tɔrɔn kɛn gána a kiibaa nyɛɛ.

Ozee 1:6

Lɔ lɛ wusoo á nɔ̀ si, á nɛlɔ yɛ. Dɛnaa Lawa pɛ Ozee ne: «Bɛ tɔ kɔ "Lo-Urukama", bɛ giala "ma a re makara boe n ganaa wa". A giala, ma a re makara boe Izirayeli tɔrɔn kɛn ganaa doo, ma ǹ sii baraa toa ǹ nɛ wa.

Ozee 1:9

Dɛnaa Lawa pɛ kɛnɛn: «Bɛ tɔ kɔ "Lo-Amii" bɛ giala mà "maa zaman bie doo wa". A giala, ka bie maa zaman lɛa doo wa, masɛ dɔ bie kaa wɔ lɛa doo wa.»

Ozee 8:8

Izirayeli minin wɔ ziziɛ̃, ǹ nə́ ke tɔrɔ kɔsɔn bii ka màn mɛn bɛ́ a là ná a banban.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Lawa a wúlu-bɔlen 26:38

Ǹ tá re giɛ̃ tɔrɔ kɔsɔn gána nɛ, ǹ zɔ́ɔn gána á die ǹ bii.

Amɔɔsi 5:27

Bɛ lɛ nɛ, ma bɛ́ re woe ka nɛ bɛ̀rɛbaa ǹ bǎã mɛn nɛ, ka á re Damaasi kiwi kɛ niɛ̃. Dɛnaa Lawa n bɛ lɛ pii. A tɔ mà Lawa Pàãyiidɛnaa.

Amɔɔsi 7:17

Bɛ lɛ na á toa Dɛnaa Lawa á kɛ pii: N lɔ á re kɔrɔbaa zɛnɛɛ kiwi lɛ gɔ́ɔ̃ nɛ, ǹ tá re n nɛgiĩn laanka n nɛlɔn dii zia la, ǹ tá re n tán zoɛ̃ ka biɛ nɛ, ǹ gii min kɔsɔn bii. N dinmaa kɛ á re giɛ̃ Lawa doɛ̃baã wolen gána nɛ. Ǹ tá re Izirayeli minin kɛn goɛ ǹ wo ǹ ne bɛ̀rɛbaa ǹ bǎã nɛ, ǹ wɔlɔ á re lui ǹ gána kɛ ganaa.»

Timəə dí-pɛn 28:36

Ka dinin ni, ka ka kii mɛn lɛ bɔ ká koa ka mìi la, Dɛnaa Lawa á re ka diɛ tɔrɔ kɔsɔn gána nɛ, tɔrɔn mɛnɛn bɛ́ ka laanka ka digolon nə ǹ dɔ̃ wa. Walan kəni, dìn mɛnɛn bɛ́, ǹ nə́ ǹ zɛnaa ka gɔn nɛ, ka kɔlɔ nɛ, ka á re bɛn guguru koe.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 30:18

ka á re papaɛ̃ ka n bɔ kànaa, sàabaa ba la wa. Man bɛ pii ka-n pelo. Ka bɛ́ re Zurdɛ̃ tà kuri ká n woe kiɛ bǎã mɛn lɛ nɛ, ká n die sii ka baa kaa wɔ lɛa, ka n ka a re beleboe walan wa.