Kiin2 17:4 - LAWA A BOO SONBORE

⁴ Sɛnɛ, Asiirii gána a kii lɛ daa yɛ, mà Ozee lɛ goã á gòãn dii ǹ sii zɛnaa. Sonbore, a na á goã á dia dí-a wolen dia Ezipti gána a kii Sayisi li, a bɛ́ goɛ̃ bɛ̀ a nyin giɔ̀mɔ mɛn dɔ saraa lɛ̀ tunaa nɛ, a goã á bɛ dɔ dia Asiirii gána a kii lɛ la wa. Asiirii gána a kii tɔ́n Ozee kũ á zɔrɔkan kaa a ganaa, á da kòso-n.

LAWA A BOO SONBORE 2011

⁴ Sɛnɛ, Asiirii gána a kii lɛ daa yɛ, mà Ozee lɛ goã á gòãn dii ǹ sii zɛnaa. Sonbore, a na á goã á dia dí-a wolen dia Ezipti gána a kii Sayisi li, a bɛ́ goɛ̃ bɛ̀ a nyin giɔ̀mɔ mɛn dɔ saraa lɛ̀ tunaa nɛ, a goã á bɛ dɔ dia Asiirii gána a kii lɛ la wa. Asiirii gána a kii tɔ́n Ozee kũ á zɔrɔkan kaa a ganaa, á da kòso-n.

Kiin2 17:4 Iomraidhean Croise

Kiin2 17:3

Asiirii gána a kii Salmanazaara woo Ozee gialaa, Ozee ná a wɔ da Salmanazaara wɔ gɔ́ɔ̃ nɛ, á nyin giɔ̀mɔ saraa la.

Kiin2 17:5

Bɛ kio, Asiirii gána a kii lɛ woo gána lɛ tumaa gialaa, á woo Samarii kiwi gialaa, a ná a lɛnpɛnɛ yǎa lɛ̀ sɔɔ.

Kiin2 18:21

Á ke, ma n nə n foo doa Ezipti gána a dɔmalɛ ganaa, bɛa bàlà yiɛ kɛ lɛ, a doamaa wole tumaa gɔn foɛ̃ kiɛ̃ li. Min mɛnɛn tumaa bɛ́ n foo doɛ Ezipti gána a kii *Faarahɔn lɛ ganaa, a nə n biɛ kɛnɛn lɛn ǹ ganaa.»

Kiin2 24:1

Zoakiimu a biikoo li, *Baabilonii gána a kii Nebukadenezɔɔrɔ soo á woo ziabaa kɔn ka Zoakiimu ni. Zoakiimu ná a wɔ da Nebukadenezɔɔrɔ wɔ gɔ́ɔ̃ nɛ lɛ̀ sɔɔ. Bɛ kio, Zoakiimu nə́ n bɔlɔ bɔyaa, á n gòãn dii Nebukadenezɔɔrɔ ganaa.

Kiin2 24:20

Bɛa sii kɛ lɛ na á Zeruzalɛmu laanka Zudaa tɔrɔn yɛ, a giala Dɛnaa Lawa foo na á yoo ǹ li, á ǹ wɔlɔ lui a din ganaa. Bɛ kio, Sedekiasi nə́ n gòãn dii Baabilonii a kii lɛ ganaa.

Kiin2 25:7

Ǹ nə́ Sedekiasi a nɛgiĩn bɔlɔ kuru a dinmaa yii ni. Bɛ kio, ǹ nə́ Sedekiasi yii nànan puru, ǹ nə́ yii ka zan zɔrɔka naakɔn paa nɛ, ǹ tɔ́n woo ne Baabilonii.

KZS2 32:11

Ezekiasi n pii ka nɛ, mà Dɛnaa Lawa kaa Lawa á re ka kirisibiɛ ma ganaa. A n ka siɛ̃, á n die toɛ ka tumaa gã bòo laanka mu boro gɔn.

Ozee 10:4

Boo n woe ǹ la. Maǹ lɛ kɔn we kɔn la, maǹ liɛ we soɛ la. Ǹsɛn gɔn, pepere-pɛ na á buu sèwòdɛnaa baa, ka nyankɔrɔ bɛ́ lɔn kantian bii ni wuru-n.

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Ozee 13:10

N kii lɛa maa kəni? Asɛ mɛn doamaa nɛ a n kirisibaa n kiwin ni? N bɔ sii-n wolen lɛn man maa? N pɛ ǹ mɛnɛn lɛn manɛ, mà ǹ kii kɔ nsɛ la ka nyɛɛnaandɛnan nɛ.

Ozee 8:10

Ǹ nə́ tɔrɔ kɔsɔn gɔgɔ ka mànan nɛ sɛnɛ, a laanɛ ǹ nə́ bɛ zɛnaa, sisia kəni, man die ǹ soekɔn. Kànaa ka boɛɛn nɛ, kii gole kɛ bɛ́ re guĩ mɛn diɛ ǹ mìi ni, ǹ tá re nɔmɛɛ bɛa guĩ gɔn.

Timəə dí-pɛn 28:36

Ka dinin ni, ka ka kii mɛn lɛ bɔ ká koa ka mìi la, Dɛnaa Lawa á re ka diɛ tɔrɔ kɔsɔn gána nɛ, tɔrɔn mɛnɛn bɛ́ ka laanka ka digolon nə ǹ dɔ̃ wa. Walan kəni, dìn mɛnɛn bɛ́, ǹ nə́ ǹ zɛnaa ka gɔn nɛ, ka kɔlɔ nɛ, ka á re bɛn guguru koe.