Kiin2 17:24 - LAWA A BOO SONBORE

²⁴ Asiirii gána a kii minin goa *Baabilonii kiwi, Kutaa kiwi ni, Abaa kiwi ni, Amaati kiwi laanka Sefaravayimu kiwi ni, á daa ǹ kaa Samarii gána a kiwi dadaran nɛ, Izirayeli nɛnyaanan lɛn bǎã nɛ. Ǹ nə́ Samarii gána lɛ baa ǹ wɔ lɛa, ǹ nə́ giã a kiwi dadaran nɛ.

LAWA A BOO SONBORE 2011

²⁴ Asiirii gána a kii minin goa *Baabilonii kiwi, Kutaa kiwi ni, Abaa kiwi ni, Amaati kiwi laanka Sefaravayimu kiwi ni, á daa ǹ kaa Samarii gána a kiwi dadaran nɛ, Izirayeli nɛnyaanan lɛn bǎã nɛ. Ǹ nə́ Samarii gána lɛ baa ǹ wɔ lɛa, ǹ nə́ giã a kiwi dadaran nɛ.

Kiin2 17:24 Iomraidhean Croise

Kiin1 8:65

Salomɔn laanka Izirayeli minin tumaa bɛa zɔ́n lɛ zɛnaa kun bɛa biikoo lɛ li. Ǹ nə́ goã zaman gole lɛa, ǹ nə́ bɔ gána lɛ paǹ tumaa ganaa, ǹ nə́ daa n sɔkɔn. A n siɛ Lebo-Amaati kiwi ganaa, gɔsɛ a lɛ̀gɔn la a da Ezipti a lɛ̀ giala gɔn la tà kɛ yaa, gusin a lɛ̀gɔn la. Ǹ nə́ zɔ́n lɛ zɛnaa Dɛnaa Lawa yɔrɔ-a lɛawaa fúlusii: Lɛawaa sɔbaa bɔrɔ bɛ kio doo lɛawaa sɔbaa.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Kiin2 18:31

Ka baran n too kɔ Ezekiasi lon wa, a giala Asiirii gána a kii lɛn pii kɛnɛn: «Ka giaárabaa zɛnaa ka masɛ nɛ, ka n dinin kɔ ma la, didie tá re a *rezɛ̃ da wuru a nɛ bii, didie tá re a gɔ́rɔ da nɛ bii, didie na a nyankɔrɔ zuzulu mu mii,

Kiin2 18:34

Amaati laanka Arpaadi a dìn lɛn man maa? Sefaravayimu ni ka Enaa laanka Iva nɛ, bɛn dìn lɛn man maa? Ǹ nə́ Samarii kiwi si ma la?

Kiin2 19:13

Amaati kiwi a kii ni, Arpaadi kiwi wɔ nɛ, Layiiri wɔ nɛ, Sefaravayimu wɔ nɛ, Enaa wɔ nɛ ka Iva wɔ nɛ, bɛn man maa?

KZS2 33:11

Bɛ lɛ nɛ, Dɛnaa Lawa Asiiriin kii a zia-baalin nyɛɛnaandɛnan dia ǹ gialaa. Ǹ nə́ Manaasee kũ, ǹ nə́ koɛ̀ɛ̃nən kaa a ganaa, ǹ nə́ yii ka zan zɔrɔkan nɛ ǹ nə́ woo ne *Baabilonii.

Izayii 10:9

Fuu mɛn Karkemisi kiwi yɛ, bɛ miã dɔ na á Kalnee kiwi yɛ. Ma màn mɛn da Amaati la, a din lɛ-n ma da Arpaadi dɔ la. Ǹ mɛn nə Damaasi yɛ, bɛ lɛ dɔ na á Samarii yɛ.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 36:19

Amaati laanka Arpaadin dìn kɛn man nə́ boo wàa la ǹ nə́ zɛnaa? Sefaravayimu wɔn dɔn man nə́ wàa zɛnaa? Ǹ nə́ boo la ǹ nə́ ma kurəə Samarii kiwi kuĩ ganaa?

Izayii 37:13

KIIN kɛn man maa? Amaati wɔ nɛ, Arpaadi wɔ nɛ, Layiiri wɔ nɛ, Sefaravayimu kiwi wɔ nɛ Enaa wɔ nɛ ka Iva wɔ nɛ.»

Izayii 37:18

Dɛnaa Lawa, taãn nɛ, Asiirii kiin lɛn nə́ tɔrɔn tumaa lɛ naa, ǹ nə́ ǹ gánan ziziɛ̃.

Zeremii 21:2

«Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

Zeremii 50:1

Dɛnaa Lawa boo mɛn da Lawa a boo gii-dali Zeremii ni *Baabilonii kiwi a paǹ li ka Baabilonii gána nɛ:

Matiə 10:5

Yezu na á doroon kɛn kɔ bɛa min fulupaa lɛ la, á ǹ dia á pɛ ǹ nɛ: – Zuifun bɛ́ ǹ ba gánan mɛnɛn nɛ wa, ka nyan toa ka wo walan wa. Ka nyan wo Samarii kiwin kɛn dɔn nɛ wa.