Kiin2 17:23 - LAWA A BOO SONBORE

²³ yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

LAWA A BOO SONBORE 2011

²³ yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Kiin2 17:23 Iomraidhean Croise

Kiin1 13:2

Dɛnaa Lawa boo da ka a boo gii-dali lɛ-n doo, á n toa wúlu bɔ ǹ bǎã lɛ ganaa ka paraa nɛ: – Wúlu bɔ ǹ bǎã! Wúlu bɔ ǹ bǎã! Dɛnaa Lawa n kɛ pii: «Á ke, nɛginin goon tá re yii Davida a sumu-n, a tɔ n die goɛ̃ Zoziasi. Bɛa Zoziasi lɛ tá re wúlu bɔ ǹ bǎã kɛa wúlu-bɔlen dii la, wúlu-bɔlen mɛnɛn lɛn bɛ́ da yon gìĩ kɔɔ̃n tiɛ̃ la. Zoziasi tá re minbuiin nɛ wen tiɛ̃ la.»

Kiin1 14:16

Zeroboamu sii baraan mɛnɛn zɛnaa, á Izirayeli minin dɔn kaa a zɛnaa ganaa, Dɛnaa Lawa n die n là boe Izirayeli minin ganaa bɛ lɛ taman yii.

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

Kiin2 17:22

Zeroboamu goã á sii baraan mɛnɛn tumaa zɛnaa Izirayeli minin lɛn nə́ kɔ bɛn lɛ ǹ nə́ ǹ zɛnaa. Ǹ nə n nyanaa ǹ nɛ wa,

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Kiin2 21:14

Zaman gialakun ke maa wɔ lɛa man die n gɔn boe bɛn ganaa. Man die ǹ we ǹ zɔ́ɔn gɔn. Ǹ tá re ǹ zɔ́ɔn tumaa a dù biɛ, ǹ nə ǹ zia màn dɔ baa.

Kiin2 23:27

Dɛnaa Lawa pɛ: «Man die Zudaa tɔrɔn dɔn dinin zoɛ̃ ma ǹ bɔ ma yɔrɔ-a ka sɔsɔɔ, ka ma goã má Izirayeli minin na lɔn. Zeruzalɛmu kiwi ke, má a yii gɔgɔɔ̃, man die bɛ dɔ toɛ walan. Ma goã má pɛ kion mɛn wɔ paǹ li, máa ma tɔ n die goɛ̃ kànaa, man die bɛ dɔ toɛ walan.»

Kiin2 24:3

Dɛnaa Lawa din na á toa bɛa sii kɛ lɛ Zudaa gána yɛ. Dɛnaa Lawa lɛ na á goã giɛ li a Zudaa minin lɛn wɔlɔ lui a din-a, Manaasee a sii baraan kɛn tumaa taman yii,

Kiin2 25:21

Baabilonii gána a kii lɛ tɔ́n nə ǹ dɛ ǹ nə́ gã Ribla kiwi, Amaati gána nɛ. Maǹ nə́ Zudaa minin goa ka bɛa yɔrɔ lɛ nɛ, ǹ nə́ woo ǹ ne ǹ wɔlɔ n lui ni ǹ gána ganaa.

Kiin2 3:3

Sɛnɛ Nebaati a nɛgiĩ Zeroboamu goã á Izirayeli minin da sii baraa mɛn a zɛnaa ganaa, Zoramu gɔn na á goã paraa-n bɛa zɛnaa ganaa, a n bɔ a zɛnaa wɔlɔ li wa.

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Loen 51:13

N nyan ma na n ma zũ sɔsɔɔ n din ganaa wa, n nyan nə n yiri sonbore kɛ si ma la wa.

Izayii 7:8

A giala, Damaasi ke Siirii a kiwi gole lɛa, Resini n kiã lɛa walan. Kànaa ka lɛ pɔsɔrɔ ka sooro, Efrayimu á re yui, a re tɔrɔ biɛ doo wa.

Zeremii 52:3

Siin mɛnɛn nə n zɛnaa Zeruzalɛmu laanka Zudaa gána nɛ, bɛn nə́ Dɛnaa Lawa foo yoo parsiini. Bɛ lɛ nɛ, a ná a zaman lɛ zũ sɔsɔɔ a din ganaa. Á n gòãn dii *Baabiloniin kii Nebukadenezɔɔrɔ ganaa.

Zeremii 7:15

Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

Ozee 12:3

Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

Amɔɔsi 5:27

Bɛ lɛ nɛ, ma bɛ́ re woe ka nɛ bɛ̀rɛbaa ǹ bǎã mɛn nɛ, ka á re Damaasi kiwi kɛ niɛ̃. Dɛnaa Lawa n bɛ lɛ pii. A tɔ mà Lawa Pàãyiidɛnaa.

Misee 1:5

Zakɔba tɔrɔn kɛn bɔlɔ-tii taman yii ni, kɛ tumaa á die n zɛnɛɛ. Izirayeli minin lɛn sii baraa a lɛa nɛ, kɛ tumaa á die n zɛnɛɛ. Izirayeli gána a bɔlɔ-tii kɛ na á bɔ die li? Samarii kiwi kɛ lɛ sii ni. Zudaa gána a dì wúlu bɔ kɛ na á bɔ die li? Zeruzalɛmu kiwi kɛ lɛ sii ni.

Misee 1:6

Dɛnaa Lawa mà Samarii kiwi kɛ á die don biɛ. A kɛbɔlɔ á die *rezɛ̃ da zumu ǹ wuru biɛ. Ma á die a dɔǹ kɔlɔn lɛn birikəĩ, ma ǹ kaa nyankɔrɔ basa kɛ nɛ. Ma á die wurii yǎa a gòã daa ǹ bǎã kɛ nɛ.

Misee 2:5

Bɛ lɛ na á toa, Dɛnaa Lawa a zaman kɛ bii, n ba re min kɔn din yii, mà a n biɛ diɛ bǎã li, zoɛ̃ koe min la wa.

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Zozoe 23:13

ka dɔ̃ taãn-taãnɛ, mà Dɛnaa Lawa lɛ, kaa Lawa lɛa, a re tɔrɔ kɔsɔn kɛn lui bɛ̀ a ǹ bɔ ka nyɛɛn doo wa. Bɛn lɛn man die biɛ laanka kan biɛ ka ganaa, ǹ ka kaa sii ni. Bɛn lɛn man die fuu nyɛɛ ka nɛ, ka sɛ̌n bɛ́ lɔn ǹ nə́ ka duwii ni, ǹ ka là da paparɛɛ ganaa, ka nyɛn nə ka yii ni, yǎa ka papaɛ̃ ka n boe bǎã sonbore kɛ nɛ, ǹ mɛn lɛ á ke kaa Lawa, Dɛnaa Lawa kɔ ka la.

Sii yɔrɔ-bɔlen 18:30

Dan tɔrɔ lɛn nə́ Miikaa a dì lɛ doa. Gɛrsɛmu a nɛgiĩ Zonatan mɛn bɛ́ Muizu a nɔ̀ɔn lɛa, bɛ́ Dan tɔrɔn lɛn wúlu-bɔle baa. Bɛa dì lɛ na á goã Zonatan tɔrɔn gɔn miɛ̃, yǎa á daa dɔ gána lɛ a minin goa ganaa, ǹ nə́ woo ǹ ne bǎã kɔsɔ nɛ.