Kiin2 17:20 - LAWA A BOO SONBORE

²⁰ Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

LAWA A BOO SONBORE 2011

²⁰ Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

Kiin2 17:20 Iomraidhean Croise

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

Kiin2 13:3

Dɛnaa Lawa foo yoo Izirayeli minin li, a na á goã ǹ we Siirii gána a kii Azayeli gɔn duduu miɛ̃ ka Azayeli a nɛgiĩ Bɛn-Adaadi ni.

Kiin2 13:7

Zoakazi a zia-baali zaman lɛ tumaa bii, ǹ mɛnɛn nə kanbaa, sùidɛnaa posooro dinsɔɔ̃ nɛ, ka ziabaa ǹ wotoro fù ni, ka zia-baali duu fù ni. A giala, Siirii gána a kii na á goã á gialakunun kɛn dɛ. A na á goã á ǹ baa ka tán tii kɛ nɛ minin nə́ tɔrɛ la ǹ gòã giulun.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 18:9

Ezekiasi a kiibaa lɛ̀ siibaa ǹ wɔ, Asiirii gána a kii Salmanazaara woo kɔ Samarii lɛ a ná a lɛnpɛnɛ. Bɛ á zɛnɛɛ, bɛ̀ Izirayeli gána a kii Ozee lɛ, Elaa a nɛgiĩ lɛa, bɛ̀ bɛ sɛ a kiibaa lɛ̀ sɔbaabaa ǹ wɔ nɛ.

Kiin2 21:14

Zaman gialakun ke maa wɔ lɛa man die n gɔn boe bɛn ganaa. Man die ǹ we ǹ zɔ́ɔn gɔn. Ǹ tá re ǹ zɔ́ɔn tumaa a dù biɛ, ǹ nə ǹ zia màn dɔ baa.

Kiin2 23:27

Dɛnaa Lawa pɛ: «Man die Zudaa tɔrɔn dɔn dinin zoɛ̃ ma ǹ bɔ ma yɔrɔ-a ka sɔsɔɔ, ka ma goã má Izirayeli minin na lɔn. Zeruzalɛmu kiwi ke, má a yii gɔgɔɔ̃, man die bɛ dɔ toɛ walan. Ma goã má pɛ kion mɛn wɔ paǹ li, máa ma tɔ n die goɛ̃ kànaa, man die bɛ dɔ toɛ walan.»

Kiin2 24:3

Dɛnaa Lawa din na á toa bɛa sii kɛ lɛ Zudaa gána yɛ. Dɛnaa Lawa lɛ na á goã giɛ li a Zudaa minin lɛn wɔlɔ lui a din-a, Manaasee a sii baraan kɛn tumaa taman yii,

KZS1 16:13

Ka zɛnaa miɛ̃, kasɛn kɛn lɛn Lawa din a dí-nyali Izirayeli tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.

Nehemii 9:2

Min mɛnɛn nə goã Izirayeli tɔrɔn lɛa, bɛn nə́ n na ǹ nə́ n bɔ tiin lɛn ganaa, ǹ nə́ giã bii-a ǹ nə́ ǹ sii baraan pɛ, ka ǹ digolon dɔn sãn nɛ.

Loen 51:13

N nyan ma na n ma zũ sɔsɔɔ n din ganaa wa, n nyan nə n yiri sonbore kɛ si ma la wa.

Loen 53:5

Sii baraa-zɛnaalin kɛn lɛn kɔn yiri na a banban? Ǹ nə́ ke maa minin lɛn gialaa, ǹ soɛ̃ fu, ǹsɛn ba Lawa tɔ pii wa.

Loen 80:13

Wàa na á baa, ń ná a lɛnpɛnɛ ǹ màn kɛ toɛ̃, ń kaa, n nə́ toɛ kiɛ̃ zii la wolen tumaa á màn siɛ a nɛ?

Izayii 2:6

Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 46:28

Nsɛ Zakɔba maa dí-nyali, nyɛ́ɛ nyan nə n kũ wa, Dɛnaa Lawa a da ǹ boo ne, a giala ma tá kunun n ni. Ma ka pɛsɛ̃ tɔrɔn mɛnɛn bii, ma á re yui bɛn gialaa, ma ǹ bɔ̀n baa lenlen. Sɛnɛ nsɛ, ma a re n bɔ̀n biɛ lenlen wa. Taãn nɛ, má n doroo ka peperebaa nɛ. A giala, ma a boe la ma n toa walan ka yii tì-a bɛ́ lɔn wa!

Zeremii 52:3

Siin mɛnɛn nə n zɛnaa Zeruzalɛmu laanka Zudaa gána nɛ, bɛn nə́ Dɛnaa Lawa foo yoo parsiini. Bɛ lɛ nɛ, a ná a zaman lɛ zũ sɔsɔɔ a din ganaa. Á n gòãn dii *Baabiloniin kii Nebukadenezɔɔrɔ ganaa.

Zeremii 6:30

Maǹ bɛa minin kɛn lɛn bíi: "wɔrɔ bɔbɔnɛɛ". A giala, maǹ màn bɔbɔnɛɛ lɛa Dɛnaa Lawa yɔrɔ-a.

Zeremii 7:15

Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

Ozee 1:6

Lɔ lɛ wusoo á nɔ̀ si, á nɛlɔ yɛ. Dɛnaa Lawa pɛ Ozee ne: «Bɛ tɔ kɔ "Lo-Urukama", bɛ giala "ma a re makara boe n ganaa wa". A giala, ma a re makara boe Izirayeli tɔrɔn kɛn ganaa doo, ma ǹ sii baraa toa ǹ nɛ wa.

Ozee 12:3

Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

Zonaasi 1:10

Nyɛ́ɛ gole minin lɛ n kũ parsiini. Ǹ nə́ tɔn pɛ nɛ, mà wàa mɛn sii n ke á zɛnaa! A kɔnpɛ ka a din a da ǹ boo ne, minin lɛn nə́ dɔ̃ mà a n baa sii n boe Dɛnaa Lawa yɔrɔ-a.

Zonaasi 1:3

Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Timəə dí-pɛn 11:12

Bɛa gána lɛ, kaa Lawa, Dɛnaa Lawa lɛ n giɛ a walan. A yii n la miɛ̃, a saa lɛ̀ a giala-kɔ ganaa, a wo a gɔn-nyɔmiɛ̃ yaa.

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Zozoe 23:13

ka dɔ̃ taãn-taãnɛ, mà Dɛnaa Lawa lɛ, kaa Lawa lɛa, a re tɔrɔ kɔsɔn kɛn lui bɛ̀ a ǹ bɔ ka nyɛɛn doo wa. Bɛn lɛn man die biɛ laanka kan biɛ ka ganaa, ǹ ka kaa sii ni. Bɛn lɛn man die fuu nyɛɛ ka nɛ, ka sɛ̌n bɛ́ lɔn ǹ nə́ ka duwii ni, ǹ ka là da paparɛɛ ganaa, ka nyɛn nə ka yii ni, yǎa ka papaɛ̃ ka n boe bǎã sonbore kɛ nɛ, ǹ mɛn lɛ á ke kaa Lawa, Dɛnaa Lawa kɔ ka la.

Sii yɔrɔ-bɔlen 18:30

Dan tɔrɔ lɛn nə́ Miikaa a dì lɛ doa. Gɛrsɛmu a nɛgiĩ Zonatan mɛn bɛ́ Muizu a nɔ̀ɔn lɛa, bɛ́ Dan tɔrɔn lɛn wúlu-bɔle baa. Bɛa dì lɛ na á goã Zonatan tɔrɔn gɔn miɛ̃, yǎa á daa dɔ gána lɛ a minin goa ganaa, ǹ nə́ woo ǹ ne bǎã kɔsɔ nɛ.

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 15:26

Samayeli pɛ Sayulu ni: «Ma a die wusii man ti kunun n ni doo wa, a giala, ń Dɛnaa Lawa bɔlɔ tii. Dɛnaa Lawa nə́ n dɔ tii, n ba kii lɛa Izirayeli gána-n doo wa.»

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»