Kiin2 17:16 - LAWA A BOO SONBORE

¹⁶ Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

LAWA A BOO SONBORE 2011

¹⁶ Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

Kiin2 17:16 Iomraidhean Croise

Kiin1 12:28

Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

Kiin1 14:15

Dɛnaa Lawa tá re dɔlɔ boe Izirayeli gána ganaa, a tá re bìn diɛ ka kɔ̀buu bɛ́ bìn diɛ lɔn. Dɛnaa Lawa n die tán sonbore kɛ kuĩ a si Izirayeli minin la, tán mɛn lɛ bɛ́ á kɔ ǹ digolon la. A tá re ǹ sawɛɛ a ǹ kaa Efrati tà kɛ kio, a giala, ǹ nə́ dì gɔnɔn zɛnaa guguru kɔ ǹ mànan lɛa, ǹ nə́ wɔ Dɛnaa Lawa lon.

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Kiin1 15:13

Á ǹ dan gole Maakaa a kii a lɔbaa din si la, a giala a na á goã á dì kooro Aseeraa kɛ nyín zɛnaa. Azaa na á dì lɛ ziziɛ̃ á tɛ da a ganaa Sedrɔn nyankɔrɔ lɛ kɛ nɛ.

Kiin1 16:31

A bie á kɔ Nebaati a nɛgiĩ Zeroboamu a sii zɛnaan dininsɔɔ̃nɔn lɛ wa, sɛnɛ á woo ǹ daa Sidɔn minin kii Etibaali a nɛlɔ Zezabɛli la, á saa lɔ lɛa. Ka bɛ dɔ nɛ, á woo dì *Baali kɛ guguru kɔ, á kaa tán a giulun.

Kiin1 16:33

Akaabu bìbĩ dɔ zɛnaa dì Aseeraa nyín lɛa. Izirayeli gána a kiin mɛnɛn tumaa kiɛ̃ Akaabu nyɛɛnɛ, Akaabu goã we Izirayeli a Lawa, Dɛnaa Lawa lɛ gasɛ nɛ, ka sii kɔsɔn nɛ, á la bɛn tumaa nɛ.

Kiin1 22:53

Sii mɛn bɛ́ baraa Dɛnaa Lawa yii li, a na á goã bɛ zɛnɛɛ. A na á ǹ di laanka ǹ dan a tɔ wɔ ǹ gɔn saa. Nebaati a nɛgiĩ Zeroboamu mɛn lɛ goã á Izirayeli minin kaa sii baraa zɛnaa ganaa, Ahaazia bɛ lɛ dɔ a tɔ wɔ ǹ gɔn saa.

Kiin2 1:2

Ahaazia bɔ a sanabolo kion banbaran la lon, á mɛnaa. Mɛnaa lɛ wɔ a ganaa parsiini. Bɛ lɛ nɛ, á tɔ́n minin dia mà ǹ wo nɔ̀n da Ekrɔn kiwi a dì Baali-Zebubu la, mà asɛ á die n boe a mɛnaa lɛ-n ya.

Kiin2 11:18

Bɛ kio, gána lɛ a zaman tumaa woo *Baali guguru kɔ ǹ kion bǎã nɛ, ǹ nə́ wuru. Ǹ ná a wúlu bɔ ǹ bǎãn ziziɛ̃ lenlen, ka a nyín sɛlɛɛn kɛn nɛ. Matan mɛn bɛ́ Baali a dì wúlu-bɔle lɛa, ǹ nə́ bɛ dɔ dɛ wúlu bɔ ǹ bǎãn lɛn yɔrɔ-a. Lawa a wúlu-bɔle Zozadaa minin kaa Dɛnaa Lawa a kion lɛ a lɛduə̃ ganaa.

Kiin2 16:3

Sɛnɛ a na á Izirayeli kiin tɔ wɔ ǹ gɔn saa. Á wúlu din bɔ ka a nɛgiĩ ni. Dɛnaa Lawa goã á gánan mɛnɛn minin loo á ǹ bɔ ǹ bǎãn nɛ Izirayeli nɛnyaanan lɛn nyɛɛnɛ, bɛn bɛ́ sii bɔbɔnɛɛn mɛnɛn zɛnɛɛ Ahaazi dɔ n koe bɛn lɛn lɛ.

Kiin2 17:10

Izirayeli minin lɛn man nə́ tíĩn laanka bìbìn doa, dì Aseeraa kɛ wɔ lɛa, tenten gogoonmaa la, da mɛn tumaa bɛ́ a luu n tì, ka bɛn giulun ni.

Kiin2 18:6

A na á goã naa-n Dɛnaa Lawa ganaa, a goã n niɛ̃ a ganaa wa. Dɛnaa Lawa goã á n gɔn waa Muizu ni ka boon mɛnɛn nɛ, Ezekiasi lɛ bɛn tamaa.

Kiin2 21:3

Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Bɔ bɛ̀rɛbaa nɛ 32:4

Aarɔn bɛa sana kɛ lɛ si ǹ gɔn, á yo á zɛnaa diin nɛ nyí lɛa. Ǹ nə́ tɔ́n pɛ kəni: «Haya, Izirayeli minin lɛn! Kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ!»

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Izayii 2:8

Gána lɛ piɛ̃maa-n ka dìn ni, minbuiin nɛ mànan mɛnɛn zɛnaa ka a gɔn nɛ, a mànan mɛnɛn zɛnaa ka a din gòonən ne. Min tumaa nə n musin koɛ tán bɛn yɔrɔ-a, ǹ nə́ ǹ guguru koe.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 44:17

Wɔ sii mɛn tumaa koa wɔ yɔrɔ-a, wɔ ǹ bɛ zɛnɛɛ. Wɔ ǹ da yon gìĩ kɔɔ̃n laanka duvɛ̃ zumii lon a kii lɔ wɔ lɛa. Bɛ ǹ wɔa zɛnaa ǹ sii lɛa haalɛ bibi, wɔ dinin ni, wɔ din ni, wɔa kiin ni ka wɔa gána nyɛɛnaandɛnan nɛ Zudaa kiwin ni ka Zeruzalɛmu ziin la ǹ nɛ. Bɛa biikoo li, màn-bii goã wɔ lon, là nyantoro ne, wɔ a koe doɛ̃ wa.

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Ezekieli 23:8

A kɔrɔbaa mɛn lɛ giala kɔ Ezipti gána nɛ, a bɛ lɛ da wa. A giala, maǹ nə́ goã giɛ̃ kun ni haalɛ a tenmaa waáraa, ǹ nə́ goã a nɛniɛbaa ǹ nyɔn kɛn kuĩ, bɛ̀ ǹ da naarɛbaa ganaa.

Lawa a wúlu-bɔlen 26:1

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Timəə dí-pɛn 16:21

Ka bɛ́ re *wúlu bɔ ǹ bǎã mɛn doe kaa Lawa, Dɛnaa Lawa wɔ lɛa, ka nyan toa ka dì gɔn kɔn zumu bɛ li wa.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.