Kiin2 17:13 - LAWA A BOO SONBORE

¹³ Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

LAWA A BOO SONBORE 2011

¹³ Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Kiin2 17:13 Iomraidhean Croise

Kiin1 16:1

Dɛnaa Lawa boo da ka Anaanii a nɛgiĩ Lawa a boo gii-dali Zewu ni. A boo lɛ yɔrɔ na á goã dia-n Bayesaa la:

Kiin1 16:7

Dɛnaa Lawa a boo mɛn lɛ yɔrɔ bɛ́ dia-n Bayesaa laanka a kion minin la, Anaanii a nɛgiĩ Zewu, Lawa a boo gii-dali lɛ na á bɛ pɛ, Bayesaa a sii baraan taman yii, a wɔ Dɛnaa Lawa lon ka ǹ mɛnɛn lɛn nɛ. A sii baraa mɛn zɛnaa ka Zeroboamu goã á zɛnaa lɛlɛ lɔn, a bie á Dɛnaa Lawa foo busu ka bɛ dinsɔɔ̃-n wa, a Zeroboamu a kion minin dɛ kɛ dɔ sii tá a nɛ.

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Kiin2 18:6

A na á goã naa-n Dɛnaa Lawa ganaa, a goã n niɛ̃ a ganaa wa. Dɛnaa Lawa goã á n gɔn waa Muizu ni ka boon mɛnɛn nɛ, Ezekiasi lɛ bɛn tamaa.

Kiin2 21:10

Dɛnaa Lawa a dí-nyalin kɛn a boo gii diɛ, á bɛn kaa a pɛ ganaa kɛnɛn:

Zɔbu 11:14

N gɔn pii n bɔ sii baraa nɛ. N nyan toa sii kɔkɔrɔ goã n kion wa.

Zɔbu 36:10

Lawa nə n gɔn wɛɛ ǹ nɛ, a tá doree koe ǹ la. A n pii ǹ ni, mà ǹ nə n bɔ kɔkɔrɔbaa wɔlɔ li.

Loen 50:7

Maa minin lɛn, ka n too kɔ, man die boo diɛ. Izirayeli minin lɛn, man die n gɔn wɛɛ ka nɛ: Ma din Lawa lɛ n kaa Lawa lɛa.

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 25:3

– A kũ Amɔn a nɛgiĩ Zoziasi a kiibaa lɛ̀ fulusɔɔbaa ǹ wɔ ganaa Zudaa gána mìi la a da pelo yaa, man má goã timii la ma á Dɛnaa Lawa a boo diɛ ka nɛ. A lɛ̀ fuəwensɔɔ n ka kɛ nɛ ma á boo diɛ ka nɛ, sɛnɛ, ka n too kɔ ma lon wa.

Zeremii 3:7

Man taasɛ máa bɛ tumaa kio, máa á re wusii a da ma li. Sɛnɛ, haayii, a wusoo á daa wa. Ǹ miãnɛn Zudaa bɔlɔgoonbaãdɛnaa lɛ yɛ taãnɛ.

Zeremii 34:14

Man má pɛ ǹ nɛ: Kànaa ka lɛ̀ sɔbaa, didie doamaa nɛ a ǹ dɔɔ̃n Ebrəə min toa walan, ǹ mɛn lɛ nə n din sã ka la. Lɛ̀ sɔrɔ gɔ́ɔ̃ nɛ, a n die goɛ̃ kaa bɛ̀rɛ lɛa, sɛnɛ, a lɛ̀ sɔbaabaa ǹ wɔ li ka ǹ dɛnaa toa walan.» Sɛnɛ, ka digolon nə n too kɔ ma lon wa, ǹ nə n yiri kɔ maa boon li wa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 42:19

«Kasɛn, Zudaa zaman gialakun ke, pelo, ma nə n gɔn wɛɛ ka-n ka ma parsiini. Dɛnaa Lawa n pii mà ka nyan wo Ezipti gána-n wa. Ka doamaa-n ka bɛ dɔ̃.

Ezekieli 18:31

Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la?

Ezekieli 3:19

Sɛnɛ, bɛ̀ n nə́ n gɔn waa min baraa lɛ nɛ, bɛ̀ a na a baraabaa lɛ laanka a tɔ wɔ ǹ gɔn baraa lɛ kaa wa, a din nə die giɛ̃ a sii baraan taman yii. Sɛnɛ, nsɛ yii á re goɛ̃ koo.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 12:10

Sɛnɛ, masɛ nə n Dɛnaa Lawa lɛa, a kũ Ezipti gána ganaa. Man die toɛ n wusoo doo n giã mɔnaa kionən ne, ká maa da ka lɛ pinaa kɛ bɛ́ lɔn.

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Timəə dí-pɛn 8:19

Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.

Sii yɔrɔ-bɔlen 6:10

Má pɛ ka nɛ: «Ma din Dɛnaa Lawa lɛ n kaa Lawa lɛa. Ka bɛ́ Amɔɔrɔ tɔrɔn mɛnɛn gána nɛ, ka baran nyɛ́ɛ baa bɛn lawan kɛn man wa.» Sɛnɛ, ka n too kɔ masɛ a boo li wa.

Sii yɔrɔ-bɔlen 6:8

Bɛ lɛ nɛ, Dɛnaa Lawa tɔ́n boo gii-dali goon dia Izirayeli minin lɛn la, á pɛ ǹ nɛ: – Dɛnaa Lawa lɛ, Izirayeli minin Lawa lɛa, bɛ lɛ na á pɛ: Ma din ni má ka waa má ka bɔ Ezipti, ka goã bɛ̀rɛn lɛa gána mɛn lɛ nɛ.

Samayeli1 9:9

Lɛlɛ, Izirayeli gána nɛ, bɛ̀ ǹ tá re woe nɔ̀n diɛ Lawa la ka sii ni, maǹ nɛn bɛ̀ ǹ pɛ, mà ǹ daa ǹsɛn nə n ta sii-nyaali li. A giala, ǹ bɛ́ min mɛn bii pelo, Lawa a boo gii-dali, maǹ nə́ goã bɛ bii sii-nyaali.