Kiin2 16:7 - LAWA A BOO SONBORE

⁷ Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

LAWA A BOO SONBORE 2011

⁷ Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

Kiin2 16:7 Iomraidhean Croise

Kiin1 20:4

Izirayeli gána a kii lɛ ná a lɛ si: «Maa dɛnaagiĩ kii, n din bɛ́ diɛ lɔn, a n miɛ̃ lɛn, masɛ dinmaa nɛ, ma gɔn mànan nɛ, ǹ tumaa nə n din wɔn lɛa.»

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 18:7

Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.

KZS2 28:16

Bɛa biikoo li, kii Ahaazi minin dia mà ǹ wo ga Asiiriin kiia dɔmalɛ li.

KZS2 28:20

Asiiriin kii Teglati-Falasaara daa Ahaazi zia baa, a da n dɔ lɛ wa.

Izayii 2:6

Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Busii pɛ 4:17

Haalɛ bibi, wɔ yii laa zii á gama-a gunun. Wɔ n yii da dɔmalɛ la wɔ fɔ̃. Wɔ n toa wɔa wɔlɔ lɛduə̃ ǹ bǎã nɛ, wɔ n yii da tɔrɔ kɔsɔ a daa la, wáa a wɔ kirisibaa. Sɛnɛ, màn kɔn!

Ezekieli 16:28

Ma nə́ n kɔrɔbaa zɛnaa kun ka Asiirii minin kɛn nɛ, a giala mà màn ba n boe wa. Sɛnɛ, a laanɛ n kɔrɔbaa lɛ zɛnaa kunun ǹ ni, a bɛ́ a n bɔ wa.

Ezekieli 23:12

Asiirii minin kɛn gánadɛnan laanka ǹ nyɛɛnaandɛnan sii na á goã Oholibaa dɔ ganaa. Bɛa minin lɛn man nə́ goã ǹ miãkɛnɛn lɛa, ǹ wɔ ǹ mɔnaan nə́ siĩn sɔnbɔraanɛ, sùi da baa-a wole sonboren lɛa, ǹ tumaa n giĩ tenən lɛa, yii ń boe ǹ li.

Ezekieli 23:5

Sɛnɛ, a laanɛ Oholaa tá masɛ wɔ lɛa, á kɔrɔbaa zɛnaa. Á n din kɔ a tɔntɔraa Asiirii minin kɛn la.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.