Kiin2 16:11 - LAWA A BOO SONBORE

¹¹ Bɛ kio, Uria wúlu bɔ ǹ bǎã dɔ. Kii Ahaazi goã á n toa Damaasi kiwi, á wúlu bɔ ǹ bǎã lɛ a dɔ ǹ gɔn a kɔnboe mɛn dia Uria la, Uria dɔ na á wúlu bɔ ǹ bǎã lɛ dɔ bɛ li ka te. Lawa a wúlu-bɔle Uria lɛ bɛa dí lɛ nya, bɛ̀ kii Ahaazi lɛ tɔn nə n bɔyaa Damaasi á daa dinin bɔrɔ wa.

LAWA A BOO SONBORE 2011

¹¹ Bɛ kio, Uria wúlu bɔ ǹ bǎã dɔ. Kii Ahaazi goã á n toa Damaasi kiwi, á wúlu bɔ ǹ bǎã lɛ a dɔ ǹ gɔn a kɔnboe mɛn dia Uria la, Uria dɔ na á wúlu bɔ ǹ bǎã lɛ dɔ bɛ li ka te. Lawa a wúlu-bɔle Uria lɛ bɛa dí lɛ nya, bɛ̀ kii Ahaazi lɛ tɔn nə n bɔyaa Damaasi á daa dinin bɔrɔ wa.

Kiin2 16:11 Iomraidhean Croise

Kiin2 16:10

Kii Ahaazi lɛ woo Damaasi, mà a n woe Asiirii gána a kii Tiglati-Falasaara li walan. *Wúlu bɔ ǹ bǎã mɛn goã Damaasi kiwi, Ahaazi yii bɛ yɛ. Ahaazi bɛa wúlu bɔ ǹ bǎã lɛ nyín zɛnaa, ka a dɔ ǹ gɔn nɛ, á dia Lawa a wúlu-bɔle Uria la.

Kiin2 16:12

Kii lɛ bɛ́ á n bɔyaa Damaasi lɛ nɛ, a da lɔn gɔrɔ, a yii wúlu bɔ ǹ bǎã lɛ yɛ, á n zɔ̃ á dɔ a li, á dii la.

Kiin2 16:14

Wúlu bɔ ǹ bǎã mɛn goã zan lɛa, Dɛnaa Lawa yɔrɔ-a, kii lɛ bɛ sɛ saa, á bɔ a bǎã nɛ kion lɛ nyɛɛnɛ, wúlu bɔ ǹ bǎã dii lɛ laanka Dɛnaa Lawa a kion lɛ bii ni, á da wúlu bɔ ǹ bǎã dii lɛ genli, dia-n woe gɔsɛ a lɛ̀gɔn la.

Kiin2 16:16

Lawa a wúlu-bɔle Uria dɔ sii lɛ zɛnaa á kɔnpɛ ka boon kɛn tumaa nɛ, kii Ahaazi lɛ goã á pɛ nɛ mà a ǹ zɛnaa.

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Kiin2 21:7

A goã á Aseeraa nyín mɛn zɛnaa, á bɛ da kion kɛ nɛ, Dɛnaa Lawa goã á ná a boo da Davida laanka a nɛgiĩ Salomɔn nɛ mà asɛ n die n din tɔ toɛ kion kɛ nɛ duduu Zeruzalɛmu kiwi, asɛ kiwi mɛn lɛ yii gɔgɔɔ̃ Izirayeli tɔrɔn bǎãn tumaa bii.

KZS2 33:4

Á wúlu bɔ ǹ bǎãn kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: Man die n tɔ toɛ Zeruzalɛmu kiwi yǎa duduu.

Izayii 8:2

Má sɛ́wɔ kiɛ̃ ǹ goo lɛ nyaa min paa nɛ, foo n doa nɛ ǹ ganaa parsiini: Lawa a wúlu-bɔle Uria nɛ ka Yeberekia a nɛgiĩ Zakarii ni.

Zeremii 23:11

Lawa a boo gii-dalin laanka Lawa a wúlu-bɔlen man lɛ pii ǹ màn sii. Ǹ sii baraan mɛnɛn zɛnaa, bɛ lɛ á tɔn yii maa kion kɛ nɛ. Dɛnaa Lawa a da ǹ boo ne.

Ezekieli 22:26

Ǹ Lawa wúlu-bɔlen nə́ maa dí-pɛ kɛ ziziɛ̃, ǹ nə́ sàn kɔ ka maa màn sonboren ne. Màn mɛn bɛ́ maa wɔ lɛa, màn mɛn dɔ bɛ́ a ba maa wɔ lɛa wa, ǹ bɛa bɔkɔnlɛ wɔ wa. Sii *yoreen laanka a gɔgɔrɛ nɛ, ǹ bɛ dɔ a bɔkɔnlɛ nyaa minin man wa. Ǹ nə́ n yii tã maa susu ǹ piin kɛn ganaa, minin nə́ nɔmaa ǹ nə́ sàn kɔ ka ma nɛ kiwi lɛ nɛ.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Ozee 5:11

Ǹ tá re boe Efrayimu tɔrɔn kɛn yii ni, ǹ tá re mɛnɛɛ ǹ la kiri wɔ ǹ bǎã nɛ. A giala, ǹ dinin man nə́ n laa sii kooro zɛnaa ganaa.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.