Kiin2 16:10 - LAWA A BOO SONBORE

¹⁰ Kii Ahaazi lɛ woo Damaasi, mà a n woe Asiirii gána a kii Tiglati-Falasaara li walan. *Wúlu bɔ ǹ bǎã mɛn goã Damaasi kiwi, Ahaazi yii bɛ yɛ. Ahaazi bɛa wúlu bɔ ǹ bǎã lɛ nyín zɛnaa, ka a dɔ ǹ gɔn nɛ, á dia Lawa a wúlu-bɔle Uria la.

LAWA A BOO SONBORE 2011

¹⁰ Kii Ahaazi lɛ woo Damaasi, mà a n woe Asiirii gána a kii Tiglati-Falasaara li walan. *Wúlu bɔ ǹ bǎã mɛn goã Damaasi kiwi, Ahaazi yii bɛ yɛ. Ahaazi bɛa wúlu bɔ ǹ bǎã lɛ nyín zɛnaa, ka a dɔ ǹ gɔn nɛ, á dia Lawa a wúlu-bɔle Uria la.

Kiin2 16:10 Iomraidhean Croise

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 16:11

Bɛ kio, Uria wúlu bɔ ǹ bǎã dɔ. Kii Ahaazi goã á n toa Damaasi kiwi, á wúlu bɔ ǹ bǎã lɛ a dɔ ǹ gɔn a kɔnboe mɛn dia Uria la, Uria dɔ na á wúlu bɔ ǹ bǎã lɛ dɔ bɛ li ka te. Lawa a wúlu-bɔle Uria lɛ bɛa dí lɛ nya, bɛ̀ kii Ahaazi lɛ tɔn nə n bɔyaa Damaasi á daa dinin bɔrɔ wa.

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Bɔ bɛ̀rɛbaa nɛ 24:4

Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Bɔ bɛ̀rɛbaa nɛ 39:43

Muizu nə́ ǹ dí lɛ tumaa yɛ. Á yɛ mà ǹ nə́ nya á kɔnpɛ taãn-taãnɛ ka Dɛnaa a boo pɛ nɛ. Bɛ lɛ taman yii, á Lawa bǐɛ̃ bíi ǹ li.

Izayii 8:2

Má sɛ́wɔ kiɛ̃ ǹ goo lɛ nyaa min paa nɛ, foo n doa nɛ ǹ ganaa parsiini: Lawa a wúlu-bɔle Uria nɛ ka Yeberekia a nɛgiĩ Zakarii ni.

Zeremii 10:2

A da ǹ boo á ke: «Ka nyan nə n saa tɔrɔ kɔsɔn li wa. Ka nyan nyɛ́ɛ baa sii-nyaan kɛn man boe lon wa. Maǹ nyɛ́ɛ diɛ tɔrɔn kɔsɔn ganaa.

Ezekieli 16:28

Ma nə́ n kɔrɔbaa zɛnaa kun ka Asiirii minin kɛn nɛ, a giala mà màn ba n boe wa. Sɛnɛ, a laanɛ n kɔrɔbaa lɛ zɛnaa kunun ǹ ni, a bɛ́ a n bɔ wa.

Ezekieli 43:11

Bɛ̀ ǹ zɛnaa ǹ siin lɛn tumaa sìi da ǹ ganaa, bɛa biikoo li, n maa kion lɛ nyín nyaa ǹ nɛ, a gɔ́ɔ̃ nə n kukuru kɔn lɔn, wɔ ǹ bǎãn laanka soo ǹ bǎãn nɛ, kion lɛ a dɔ ǹ gɔn tumaa. Kion lɛ a kɔnboe kiɛ̃ nyín lɛa n nyaa ǹ nɛ, màn mɛn bɛ́ toɛ, landan laanka sii zɛnaa ǹ gɔnɔn mɛnɛn tumaa nə n koa kion lɛ wɔ paǹ li, ǹ boo la ǹ bɛn tamaa, ǹ kɔ ǹ lɛ.

Ezekieli 43:8

A giala, maǹ nə́ ǹ wɔ ǹ kiɛnlɛn bɔ masɛ a wɔ ǹ kiɛnlɛn genli. Kungɔn goon dinsɔɔ̃ n maa kion lɛ laanka ǹ wɔ lɛ bii. Ka bɛ nɛ ǹ nə́ sii bɔbɔnɛɛn zɛnaa, ǹ nə́ ma tɔ kɛ ziziɛ̃ nɛ. Bɛ lɛ na á toa ma foo yoo ǹ li, má ǹ dɛ lenlen.

Ezekieli 44:12

A giala, ǹ nə́ wúlu bɔ dìn ganaa zaman lɛ a lɛa, ǹ nə́ Izirayeli minin lɛn nyanaa, ǹ nə́ ǹ kaa sii baraa nɛ. Bɛ lɛ na á toa masɛ Dɛnaa Lawa a da ǹ boo á ke: Ǹ tá re n toɛ̃ ka ǹ sii baraa a guĩ ni.

Matiə 15:6

bɛa dɛnaa kɛ laadoo ba a ganaa doo, a ǹ di guguru kɔ ka màn nɛ wa. Ka ǹ Lawa a boo sàabiɛ kɛnɛn lɛn ka dinin landan lɛa!

Matiə 15:9

Maǹ ma guguru koe kooro, a giala, maǹ minbuiinin dí-pɛn siɛ ǹ tá ǹ biɛ Lawa a dí-pɛn lɛa, bɛ̀ ǹ minin daraa ǹ ganaa.»

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Timəə dí-pɛn 12:30

Bɛ̀ ǹ nə́ papaã ǹ nə́ n bɔ ka nyɛɛnɛ, kasɛn nə yiri bɔ ka dinin li taãn-taãnɛ, ka nyan toa ka n saa ǹ li wa. Ka yii baran bɔ bɛa tɔrɔn kɛn lɛn dìn li wa. Ǹ goã ǹ dìn guguru koe lɔn, ka nyan pɛ mà ka n nɔ̀n diɛ ka bɛ-n wa. Ka nyan pɛ mà ka nə ǹ wɔ kɛ tɔrɔ zɛnɛɛ wa.

Zozoe 22:28

Wɔ n wɔ́ pɛ, bɛ̀ ka lɛ dɔ bɛa boo lɛ ganaa ǹ mɛn pinaa, ká pɛ wɔ laanka wɔa nɛnyaanan manɛ, wɔ á re pii ka-n kɛnɛn: «Ka ga, wɔsɛn digolon man nə́ wúlu bɔ ǹ bǎã kɛ dɔ ka Dɛnaa Lawa din wɔ kɛ bɛ́ lɔn. Wúlu màn tiɛ̃ hinlaa wulu màn kɔsɔn lɛa bie wa. Sɛnɛ, a n wɔ bii siére lɛa.»

Piɛrɛ1 1:18

Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.