Kiin2 15:32 - LAWA A BOO SONBORE

³² Remalia a nɛgiĩ Pekaa lɛ, Izirayeli gána a kii lɛa, bɛa kiibaa lɛ̀ paabaa ǹ wɔ, Oziasi a nɛgiĩ Zoatamu Zudaa gána a kii baa.

LAWA A BOO SONBORE 2011

³² Remalia a nɛgiĩ Pekaa lɛ, Izirayeli gána a kii lɛa, bɛa kiibaa lɛ̀ paabaa ǹ wɔ, Oziasi a nɛgiĩ Zoatamu Zudaa gána a kii baa.

Kiin2 15:32 Iomraidhean Croise

Kiin2 14:21

Zudaa gána a zaman lɛ tumaa Azaria kũ ǹ nə́ baa kii lɛa ǹ di Amasiya bǎã nɛ, bɛ̀ a lɛ̀ fulusɔrɔ nɛ.

Kiin2 15:1

Izirayeli gána a kii Zeroboamu a kiibaa lɛ̀ fuəwensɔbaabaa ǹ wɔ, Amasiya a nɛgiĩ Azaria Zudaa gána a kii baa.

Kiin2 15:13

Zudaa gána a kii Azaria ke ǹ nə́ bii Oziasi, bɛa kiibaa lɛ̀ pɔsɔɔwenmanangɔrɔbaa ǹ wɔ, Zaabɛsi a nɛgiĩ Salumu kii baa. A na á kiibaa zɛnaa mui goon Samarii kiwi.

Kiin2 15:17

Zudaa gána a kii Azaria a kiibaa lɛ̀ pɔsɔɔwenmanangɔrɔbaa ǹ wɔ, Gaadi a nɛgiĩ Menaahɛmu kii baa Izirayeli gána mìi la, lɛ̀ fù Samarii kiwi.

Kiin2 15:23

Zudaa gána a kii Azaria a kiibaa lɛ̀ posoorobaa ǹ wɔ, Menaahɛmu a nɛgiĩ Pekayia kii baa Izirayeli gána mìi la lɛ̀ paa Samarii kiwi.

Kiin2 15:27

Zudaa gána a kii Azaria a kiibaa lɛ̀ posoorowenpaabaa ǹ wɔ, Remaliya a nɛgiĩ Pekaa kii baa Izirayeli gána mìi la Samarii kiwi lɛ̀ fuə.

Kiin2 15:30

Elaa a nɛgiĩ Oze ga Remaliawu a nɛgiĩ Pekaa bɔ a daa ǹ gɔn li, á dɛ á gã, á kii baa a bǎã nɛ, bɛ̀ Oziasi a nɛgiĩ Zoatamu a kiibaa lɛ̀ fuəbaa ǹ wɔ nɛ.

Kiin2 15:31

Pekaa sii gialakunun mɛnɛn zɛnaa, a sii mɛn yii zɛnaa, bɛ tá kiɛ̃ nɛ sɛ́wɔ kɛ nɛ boo diɛ Izirayeli kiin wɔ gɔn la.

Kiin2 15:33

A bɛ́ kii biɛ, bɛ̀ a lɛ̀ fuəwensooro ne. A na á kiibaa zɛnaa lɛ̀ fulusɔrɔ Zeruzalɛmu kiwi. Ǹ dan tɔ n Yerusaa, Sadɔki a nɛlɔ nɛ.

Kiin2 15:5

Dɛnaa Lawa gɔ̀nɔn ki busu babaraa da kii lɛ-a, á nɔmaa á giã a gɔrɔn kion goon ne. A na á goã gɔ̀nɔn ki busu babaraadɛnaa lɛa, yǎa á woo kaa a gɛ̀ pinaa lɛ. Zoatamu mɛn nə́ ke kii a nɛgiĩ lɛa, bɛ na á goã kii a sumu laanka zaman lɛ mìi la.

Kiin2 15:7

Azaria gã, ǹ goã ǹ nə́ ǹ digolon bĩ bǎã mɛn nɛ, ǹ ná a dɔ bĩ walan "Davida a kiwi". A nɛgiĩ Zoatamu na á kii baa a bǎã nɛ.

KZS1 3:12

Amasiya nɛ, Azaria nɛ, Zoatamu ni,

KZS1 5:17

Maǹ nə́ goã ǹ nə́ bɛa minin kɛn lɛn tumaa tɔn kiɛ̃ tɔrɔ basan sɛ́wɔ kɛ nɛ, Zudaan kii Zoatamu a biikoo li, ka Izirayeli gána a kii Zeroboamu a biikoo ne.

Izayii 1:1

Boon kɛn man Amɔsi a nɛgiĩ Izayii a sii yɛn lɛa, Zudaa gána laanka Zeruzalɛmu kiwi a paǹ li. Bɛa sii yɛn lɛn biikoo na á kɔnpɛ kii Oziasi a biikoo ne, Zoatamu wɔ nɛ, Ahaazi ni ka Ezekiasi wɔ nɛ, Zudaa gána mìi la.

Misee 1:1

Dɛnaa Lawa a boo n ka kɛ nɛ, á pɛ Moresɛtin Misee ne. Zudaa tɔrɔn kiin kɛn, Zoatamu ni, Ahaazi ni ka Ezekiasi ni, bɛn gogoonmaa a wasa nɛ, Misee sii-nyaa yɛ Samarii laanka Zeruzalɛmu wɔ paǹ li.

Matiə 1:9

Oziasi na á Zoatamu yɛ, Zoatamu na á Akaazi yɛ, Akaazi na á Ezekiasi yɛ,