Kiin2 15:19 - LAWA A BOO SONBORE

¹⁹ Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

LAWA A BOO SONBORE 2011

¹⁹ Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Kiin2 15:19 Iomraidhean Croise

Kiin2 12:18

Bɛa biikoo lɛ li, Siirii gána a kii Azayeli daa zia da Gaati kiwi ganaa á si á nɔmɔ a ganaa. Bɛ kio, Azayeli zia lɛ bɔ, die woe diɛ Zeruzalɛmu kiwi ganaa.

Kiin2 14:5

Kiibaa lɛ gòãn bɛ́ ǹ nə́ wɔ tán ǹ mɛn waáraa Amasiya gɔn, a kiodɛnan mɛnɛn nə goã ǹ nə́ ǹ di kii lɛ dɛ, á bɛn dɛ ǹ nə́ gã.

Kiin2 15:18

Sii mɛn bɛ́ baraa Dɛnaa yii li, á bɛ zɛnaa. Nebaati a nɛgiĩ Zeroboamu goã á Izirayeli minin kaa sii baraan mɛnɛn zɛnaa ganaa, Menaahɛmu a yiikoonaabaa tumaa gɔ́ɔ̃ nɛ a n bɔ bɛn wɔlɔ li wa.

Kiin2 15:20

Izirayeli gána a min mɛnɛn tumaa bɛ́ màndɛnan lɛa, Menaahɛmu na á wɔrɔ lɛ si bɛn la, á kɔ Asiirii gána a kii lɛ la. Ǹ min gogoonmaa wɔ n wɔrɔ we posooro á saraa. Bɛ kio, Asiirii gána a kii lɛ nə́ n bɔyaa á woo, a golee gána lɛ-n wa.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 16:8

Wɔrɔ laanka sana mɛn goã Dɛnaa Lawa a kion, ka kii a kion ne, Ahaazi bɛn goa á ǹ dia woe bǐɛ̃ biɛ ǹ nɛ Asiirii gána a kii la.

Kiin2 18:16

Bɛa biikoo lɛ nɛ, Ezekiasi Dɛnaa Lawa guguru kɔ ǹ kion lɛ a kiɛnlɛ-a ǹ goon ziziɛ̃ kɔnlɛ ka goon lɛn wɔ ǹ mànan nɛ. A da yaa a din Zudaa gána a kii Ezekiasi kɛ lɛ na á goã á sana kaa ǹ la. Sɛnɛ á ke, á ǹ kɔ Asiirii gána a kii la.

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Loen 83:8

Gevaala minin ni, Amɔn minin ni ka Amalɛki minin ni. Filisiti gána nɛ ka Tiiri kiwi minin ni.

Izayii 9:1

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì bibiri ni, wɔlɔ fúlu á re boe bɛn manɛ.

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Ezekieli 23:5

Sɛnɛ, a laanɛ Oholaa tá masɛ wɔ lɛa, á kɔrɔbaa zɛnaa. Á n din kɔ a tɔntɔraa Asiirii minin kɛn la.

Ozee 10:6

Diin nɛ nyín lɛ dɔ, ǹ tá re woe a dɔ nɛ Asiirii bǐɛ̃baa ǹ màn lɛa ǹ kɔ kii gole kɛ la. Á re sìi biɛ Efrayimu ganaa, sìi á re Izirayeli kuĩ a doroo ǹ boon kɛn lɛa.

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.