Kiin2 14:3 - LAWA A BOO SONBORE

³ Sii mɛn bɛ́ pepere Dɛnaa Lawa yii li, Amasiya bɛ zɛnaa, sɛnɛ a bie ka a na á zɛnaa ka ǹ digolo Davida bɛ́ lɔn wa. A na á sii zɛnaa á kɔnpɛ ka ǹ di Zoasi wɔ-n ka te.

LAWA A BOO SONBORE 2011

³ Sii mɛn bɛ́ pepere Dɛnaa Lawa yii li, Amasiya bɛ zɛnaa, sɛnɛ a bie ka a na á zɛnaa ka ǹ digolo Davida bɛ́ lɔn wa. A na á sii zɛnaa á kɔnpɛ ka ǹ di Zoasi wɔ-n ka te.

Kiin2 14:3 Iomraidhean Croise

Kiin1 11:4

Sonbore, Salomɔn bɛ́ á zizi kɔ ǹ mɛn waáraa, a lɔn lɛn ná a yiri bɔyaa ǹ nə́ da dìn guguru kɔ ganaa. A taasiɛ goã dia-n a Lawa, Dɛnaa Lawa lɛ la taãn doo, ka ǹ di Davida wɔ goã lɔn wa.

Kiin1 15:11

Sii mɛn bɛ́ peperee Dɛnaa Lawa yɔrɔ-a, Azaa na á bɛ zɛnaa ka ǹ digolo Davida zɛnaa lɔn.

Kiin1 15:3

Abiyamu ǹ di goã á sii baraan mɛnɛn zɛnaa a nyɛɛnɛ, a dɔ́ bɛn miãn zɛnaa. A na a Lawa, Dɛnaa Lawa lɛ narɛ ka a foo din tumaa nɛ, ka ǹ digolo Davida wɔ bɛ́ lɔn wa.

Kiin1 3:3

Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

Kiin2 12:2

Zewu a kiibaa a lɛ̀ sɔbaabaa ǹ wɔ nɛ, Zoasi kii baa. A na á kiibaa zɛnaa lɛ̀ pusi Zeruzalɛmu kiwi. Ǹ dan tɔ n Sibia, a n boe Bɛɛr-Sebaa kiwi.

Kiin2 14:2

A bɛ́ kii biɛ, bɛ̀ a lɛ̀ fuəwensooro ne. Á lɛ̀ fuəwenmanangɔrɔ zɛnaa kiibaa la Zeruzalɛmu kiwi. Ǹ dan tɔ n Yoadan, a n boe Zeruzalɛmu.

Kiin2 14:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe, bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

Kiin2 18:3

Sii mɛn bɛ́ pepere Dɛnaa Lawa yii li, á bɛ zɛnaa ka ǹ digolo Davida wɔ bɛ́ lɔn ka te!

Kiin2 22:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

KZS2 24:17

Lawa a wúlu-bɔle Zozadaa a gɛ̀ kio, Zudaa a kiãn nə́ daa Zoasi li ǹ nə́ kaa tán ǹ lɛ la a yɔrɔ-a. Kii nə́ n too kɔ ǹ doroon boon li.

KZS2 24:2

Zozadaa a yiikoonaabaa tumaa gɔ́ɔ̃ nɛ, Zoasi a zɛnaa n sii tumaa goã siĩni Dɛnaa Lawa yɔrɔ-a.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Piɛrɛ1 1:18

Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.