Kiin2 13:23 - LAWA A BOO SONBORE

²³ Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

LAWA A BOO SONBORE 2011

²³ Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

Kiin2 13:23 Iomraidhean Croise

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Kiin1 8:28

Sɛnɛ Dɛnaa Lawa, maa Lawa, n bɔyaa n nə n yɔrɔ dia masɛ la, n too kɔ maa nyankɔ laanka maa gòã kũ ganaa. N dí-nyali lɛ bɛ́ n lɛ mɛn dii pelo ma nə n nyankoe, n too kɔ bɛ ganaa.

Kiin2 13:24

Siirii gána a kii Azayeli lɛ gã, a nɛgiĩ Bɛn-Adaadi kii baa a bǎã nɛ.

Kiin2 13:4

Sɛnɛ Zoakazi Dɛnaa Lawa nyankɔ, Dɛnaa Lawa ná a nyankɔ lɛ si, a giala Siirii gána a kii lɛ goã boe Izirayeli minin lɛn yii-n lɔn, Dɛnaa Lawa lɛ bɛ yɛ.

Kiin2 14:26

Sonbore, Dɛnaa Lawa goã á Izirayeli minin nɔmaa gole lɛ yɛ. Min kɔn din goã a tan a nə́ n doe ǹ lɛ wa. A goã a tan bɛ̀rɛ lɛa wa, hinlaa min mɛn nə́ ke a din gɔn wìi a lɛa, a goã a tan bɛ lɛa wa.

Kiin2 14:27

Sɛnɛ Dɛnaa Lawa bɛ́ a bie á pɛ mà asɛ á die Izirayeli gána tɔ tuturi a bɔ kanaa wa, bɛ lɛ nɛ, á toa Zoasi a nɛgiĩ Zeroboamu gána lɛ bɔ sii ni.

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Kiin2 24:20

Bɛa sii kɛ lɛ na á Zeruzalɛmu laanka Zudaa tɔrɔn yɛ, a giala Dɛnaa Lawa foo na á yoo ǹ li, á ǹ wɔlɔ lui a din ganaa. Bɛ kio, Sedekiasi nə́ n gòãn dii Baabilonii a kii lɛ ganaa.

Loen 105:8

A nə n yiri koɛ a lɛ kɔ kɔn la kɛ-n biikoo tumaa li. A yiri a boe a lɛ-kɔ kɛ dɔ-n wa, yǎa wasa lɛ minin koa kɔn kio duu goon.

Loen 105:9

A lɛ kɔ kɔn la mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Loen 51:11

N yɔrɔ bɔyaa n bɔ maa sã ǹ siin kɛn la, n maa kɔkɔrɔbaa ǹ siin kɛn tumaa tuturu.

Loen 78:38

Sɛnɛ, Lawa n makara doɛ̃ wole lɛa, a ǹ dɛ wa, a na á goã ǹ sãn toɛ ǹ nɛ. Biikoo gigiã, a n kirii a din foo la, a toa a foo yoo á la yii-n wa.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Zeremii 12:15

Bɛ kio, ǹ makara á re wusii a ma kũ doo. Ma á re woe didie tumaa nɛ a tán la, a gána nɛ.

Busii pɛ 3:32

Ta a na á fuu da n mìi ni, a n wusii doo a n narɛ, a giala a bǐɛ̃baa á gole.

Lawa a wúlu-bɔlen 26:42

masɛ dɔ lɛ kɔ kɔn la mɛn wɔ kɔn ka ǹ digolo Zakɔba nɛ, ka Izaaki laanka ka Abrahamu ni, masɛ dɔ á re bɛ lɛ piɛ̃. Ma lɛ kɔ kɔn la mɛn wɔ kɔn ǹ nɛ gána lɛ dɔ wɔ paǹ li, ma á die bɛ dɔ lɛ piɛ̃.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.