Kiin2 13:1 - LAWA A BOO SONBORE

¹ Zudaa gána a kii Zoasi lɛ, Ahaazia a nɛ lɛa, bɛa kiibaa lɛ̀ fuəwensɔɔbaa ǹ wɔ, Zewu a nɛgiĩ Zoakazi kii baa Izirayeli gána mìi la, lɛ̀ fulusɔbaa Samarii kiwi.

LAWA A BOO SONBORE 2011

¹ Zudaa gána a kii Zoasi lɛ, Ahaazia a nɛ lɛa, bɛa kiibaa lɛ̀ fuəwensɔɔbaa ǹ wɔ, Zewu a nɛgiĩ Zoakazi kii baa Izirayeli gána mìi la, lɛ̀ fulusɔbaa Samarii kiwi.

Kiin2 13:1 Iomraidhean Croise

Kiin2 10:30

Dɛnaa Lawa pɛ Zewu ni: N sii sonbore zɛnaa, sii mɛn bɛ́ pepere ma yii li, n bɛ zɛnaa. N màn mɛn zɛnaa Akaabu a kion minin manɛ, ma n má goã giɛ li miɛ̃ lɛn ka te. Bɛ lɛ tɔ ganaa, Izirayeli a kiibaa lɛ á die goɛ̃ n nɛnyaanan gɔn, yǎa a woe doe n nɔ̀ɔnɔn nɔ̀ɔnɔn ganaa.

Kiin2 11:4

A lɛ̀ sɔbaabaa ǹ wɔ, Lawa a wúlu-bɔle Zozadaa minin dia mà ǹ wo ga Sɔraasi paabiɛ mìilandɛnan li ka bǎã-lɛduə̃lin ni. Zozadaa sɔraasi paabiɛ mìilandɛnan lɛn laanka bǎã-lɛduə̃lin lɛn bíi ǹ nə́ daa a din li Dɛnaa Lawa a kion. Á lɛ kɔ wɔ ǹ nɛ, á ǹ kaa liɛ ganaa Dɛnaa Lawa a kion lɛ nɛ, á tɔ́n kii a nɛginin lɛ nyaa ǹ nɛ.

Kiin2 12:1

Zoasi bɛ́ kii biɛ, bɛ̀ a lɛ̀ sɔbaa nɛ.

Kiin2 12:21

Zoasi a dí-nyalin nə́ yoo ǹ nə́ n gòãn dii ǹ ná a bɔ a daa sii yɔrɔ bɔ. Ǹ nə́ Zoasi dɛ á gã Bɛti-Miiloo kunu Silaa zii ganaa.

Kiin2 13:10

Zudaa gána a kii Zoasi a kiibaa lɛ̀ pɔsɔɔwensɔbaabaa ǹ wɔ, Zoakazi a nɛgiĩ Zoasi kii baa Izirayeli gána mìi la lɛ̀ fulusɔrɔ (16) Samarii kiwi.

Kiin2 13:2

Sii mɛn bɛ́ baraa Dɛnaa Lawa yii li, a na á bɛ zɛnaa. Nebaati a nɛgiĩ Zeroboamu goã á Izirayeli minin kaa sii baraan mɛnɛn zɛnaa ganaa, Zoakazi dɔ na á kɔ bɛn lɛ, a n bɔ ǹ wɔlɔ li wa.

Kiin2 15:12

Dɛnaa Lawa goã á boo mɛn pɛ Zewu ni, bɛ lɛ na á pã kɛnɛn. Dɛnaa Lawa na á goã á pɛ nɛ mà Izirayeli gána a kiibaa lɛ á die goɛ̃ a nɛnyaanan gɔn, yǎa a woe doe a nɔ̀ɔnɔn nɔ̀ɔnɔn ganaa. A na á n zɛnaa miɛ̃.

Kiin2 8:26

Ahaazia bɛ́ kii lɛ biɛ, bɛ̀ a lɛ̀ fuəwenpaa nɛ. A na á lɛ̀ goon kiibaa zɛnaa Zeruzalɛmu kiwi. Ǹ dan tɔ n Ataalii, Izirayeli gána a kii Omrii a nɛlɔ nɛ.