Kiin2 12:17 - LAWA A BOO SONBORE

¹⁷ Ǹ goã paa mɛn boe sii la ǹ wúlu laanka sii baraa sawaa ǹ wúlu wɔ lɛa, bɛ bie á goã Dɛnaa Lawa a kion wɔ lɛa wa, a na á goã Lawa wúlu-bɔlen wɔ lɛa.

LAWA A BOO SONBORE 2011

¹⁷ Ǹ goã paa mɛn boe sii la ǹ wúlu laanka sii baraa sawaa ǹ wúlu wɔ lɛa, bɛ bie á goã Dɛnaa Lawa a kion wɔ lɛa wa, a na á goã Lawa wúlu-bɔlen wɔ lɛa.

Kiin2 12:17 Iomraidhean Croise

Kiin1 15:18

Ǹ sana gialakun mɛn laanka wɔrɔ gialakun mɛn tumaa toa Lawa guguru kɔ ǹ kion laanka kii a kion ne, Azaa tɔ́n bɛn goã. Kii Azaa lɛ bɛ́ á ǹ goa, á ná a dí-nyalin dia mà ǹ wo kɔ Siirii gána a kii Bɛn-Adaadi la giã-n Damaasi kiwi. Bɛn-Adaadi lɛ n Toabirimɔn a nɛgiĩ lɛa, Ezion a nɔ̀ɔn nɛ. Azaa bɛ́ a dí-nyalin lɛn diɛ, a na á bɔlɔ kɛ pɛ ǹ nɛ:

Kiin1 19:17

Bɛ̀ min woo min kanbaa Azayeli a gɔya sa ganaa, Zewu tá re bɛa dɛnaa dii. Bɛ̀ min woo min kanbaa Zewu dɔ a gɔya sa ganaa, Yiliizee tá re bɛa dɛnaa dii.

Kiin2 10:32

Bɛa biikoo lɛ li, Dɛnaa Lawa ná a giala kɔ, á màn bɔ Izirayeli gána a golebaa lɛ. Azayeli zia da Izirayeli minin lɛn ganaa, á boo ǹ la Izirayeli gána gèlèn tumaa la.

Kiin2 10:33

A saa Zurdɛ̃ tà ganaa, dia-n woe lɛ̀ giala li, Azayeli zia da Galaati gána kuturu ganaa á boo la, á da Gaadi minin gána ganaa á boo la, á da Urubɛn tɔrɔn laanka Manaasee tɔrɔn gána ganaa á boo ǹ la, Aroyɛri kiwi ke Arnɔn pɛrɛ li a n siɛ walan ganaa a da kaa Galaati laanka Basan lɛ.

Kiin2 13:3

Dɛnaa Lawa foo yoo Izirayeli minin li, a na á goã ǹ we Siirii gána a kii Azayeli gɔn duduu miɛ̃ ka Azayeli a nɛgiĩ Bɛn-Adaadi ni.

Kiin2 16:8

Wɔrɔ laanka sana mɛn goã Dɛnaa Lawa a kion, ka kii a kion ne, Ahaazi bɛn goa á ǹ dia woe bǐɛ̃ biɛ ǹ nɛ Asiirii gána a kii la.

KZS1 18:1

Bɛ kio Davida boo Filisiti minin la, á sìi da ǹ ganaa. Á Gaati laanka a lɛkoro lɛ a kiwin si Filisiti minin la.

KZS1 8:13

Beria laanka Semaa na á goã Ayalɔn kiwi minin kɛdɛnan lɛa. Ǹ dinin man nə́ baa da Gati kiwi minin gòã li.

Zeremii 42:15

Bɛ̀ á n baa miɛ̃, kasɛn Zudaa zaman gialakun, ka n too kɔ Dɛnaa Lawa a boo li. Dɛnaa Lawa Pàãyiidɛnaa, Izirayeli a Lawa n kɛ pii: Bɛ̀ ka golee li sonbore mà ka n woe Ezipti gána nɛ, bɛ̀ ka woo n mìi duru walan sonbore,

Lawa a wúlu-bɔlen 7:7

Sii baraa sawaa ǹ wúlu bɛ́ n boe lɔn, zɛ̀rɛ si Lawa la ǹ wɔ lɛ dɔ nə n boe miɛ̃. Ǹ dinin paanan a zɛnaa ǹ gɔn nə goon. Wúlu-bɔle mɛn sii baraa sawaa ǹ wúlu lɛ bɔ, tɔɔ lɛ a siĩ n doe bɛ ganaa.

Lawa a wúlu-bɔlen 7:9

Lawa gɔ ǹ màn mɛn tumaa bɛ́ ǹ nə́ kɔrɛ kùsì la, hinlaa fɔlɔ donkolon ne, hinlaa màn kɔrɛ ǹ fɔlɔ kɛ la, bɛ tumaa n doe wúlu-bɔle ganaa, ǹ mɛn bɛa wúlu lɛ bɔ.

Abakuku 1:9

Ǹ tumaa n die màn kokoo a lɛa. Maǹ giɛ ǹ nyɛɛnɛ sɔnsɔn. Maǹ kòso nɛn soekɔn, mɔnaa nɛ ka nyɔɔsɔ̃ bɛ́ lɔn.

Minin nimi 18:9

Màn sonbore sonboren mɛnɛn bɛ́ ǹ ba n tiɛ̃ wa, bɛn bii, kɛ n die doe n ganaa: Izirayeli minin lɛn bɛ́ die masɛ goe ka màn mɛn tumaa nɛ, wùsu kɛ nɛ, sii baraa sawaa ǹ wúlu mànan kɛn nɛ, ka zɛ̀rɛ si ǹ wúlu mànan kɛn nɛ. Bɛa màn sonbore sonboren kɛn lɛn man die doe, n din laanka n tɔrɔn ganaa.

Luku 9:51

Yezu a woo a bɔ kanaa waáraa bɛ́ doe, á n foo taã á zii kũ á n woe Zeruzalɛmu.

Luku 9:53

Sɛnɛ, kiwi lɛ a minin nə́ n piã ka Yezu ni, a giala a na á goã woe Zeruzalɛmu kiwi.

Samayeli1 27:2

Davida bɔ á mɛ zii la ka a min biɛsɔrɔ (600) lɛ nɛ, á woo bɔ Gaati gána a kii Akiisi li. Akiisi lɛ n Maawɔki a nɛ lɛa.