Kiin2 11:18 - LAWA A BOO SONBORE

¹⁸ Bɛ kio, gána lɛ a zaman tumaa woo *Baali guguru kɔ ǹ kion bǎã nɛ, ǹ nə́ wuru. Ǹ ná a wúlu bɔ ǹ bǎãn ziziɛ̃ lenlen, ka a nyín sɛlɛɛn kɛn nɛ. Matan mɛn bɛ́ Baali a dì wúlu-bɔle lɛa, ǹ nə́ bɛ dɔ dɛ wúlu bɔ ǹ bǎãn lɛn yɔrɔ-a. Lawa a wúlu-bɔle Zozadaa minin kaa Dɛnaa Lawa a kion lɛ a lɛduə̃ ganaa.

LAWA A BOO SONBORE 2011

¹⁸ Bɛ kio, gána lɛ a zaman tumaa woo *Baali guguru kɔ ǹ kion bǎã nɛ, ǹ nə́ wuru. Ǹ ná a wúlu bɔ ǹ bǎãn ziziɛ̃ lenlen, ka a nyín sɛlɛɛn kɛn nɛ. Matan mɛn bɛ́ Baali a dì wúlu-bɔle lɛa, ǹ nə́ bɛ dɔ dɛ wúlu bɔ ǹ bǎãn lɛn yɔrɔ-a. Lawa a wúlu-bɔle Zozadaa minin kaa Dɛnaa Lawa a kion lɛ a lɛduə̃ ganaa.

Kiin2 11:18 Iomraidhean Croise

Kiin1 18:40

Yilii tɔ́n pɛ ǹ nɛ: «Ka Baali a wúlu-bɔlen lɛn kũ! Ka baran toa ǹ goon la ka la wa!» Zaman lɛ wúlu-bɔlen lɛn tumaa kũ, Yilii woo ǹ ne Kiisɔn a mu zii genli, á ǹ bɔ́lɔn kuru walan.

Kiin2 10:21

Zewu minin dia woe boo lɛ pii Izirayeli gána tumaa nɛ. Min mɛnɛn tumaa goã dí nyɛɛ Baali ni, bɛn yii daa, ǹ kɔn din goã bɛ̀ a ná a daa wa. Ǹ nə́ kaa Baali guguru kɔ ǹ kion ǹ nə́ pã ka kɛkɛ.

Kiin2 10:25

Ǹ bɛ́ ǹ nə́ wúlu-màn lɛ tã ǹ nə́ nya, Zewu pɛ sɔraasin goledɛnan lɛn laanka ǹ kiodɛnan manɛ: Ka wɔ ka ǹ dɛ, ka baran toa goon nə la a wo wa! Ǹ dɔn nə́ tɔ́n nə ǹ dɛdɛ ka gɔya nɛ, ǹ nə́ ǹ goa ǹ nə́ woo ǹ zũ kanaa. Bɛ kio, ǹ nə́ wusoo ǹ nə́ daa Baali guguru kɔ ǹ kion lɛ nɛ.

Kiin2 10:26

Tíĩn mɛnɛn bɛ́ Baali guguru kɔ ǹ kion lɛ nɛ, ǹ nə́ soo ka bɛn nɛ, ǹ nə́ tɛ da ǹ ganaa.

Kiin2 10:27

Ǹ bɛ́ ǹ nə́ Baali a tíĩn lɛn ziziɛ̃ ǹ nə́ nya, ǹ nə́ Baali guguru kɔ ǹ kion lɛ dɔ wuru, bɛa bǎã lɛ lalaa kɔ ǹ bǎã baa. Bɛa lalaa kɔ ǹ bǎã lɛ goã yǎa á daa dɔ pelo ganaa.

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

Kiin2 23:14

Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

Kiin2 23:20

Dì wúlu bɔ ǹ bǎãn wúlu-bɔlen mɛnɛn tumaa goã walan, Zoziasi bɛn tumaa dɛ wúlu bɔ ǹ bǎãn lɛn la, á minbuiin wen dɔn tã ǹ la. Bɛ kio, á wusoo á daa Zeruzalɛmu.

KZS2 21:17

Ǹ nə́ daa yoo Zudaa gána gialaa, ǹ nə́ bbbcbbcwɔ a nɛ. Gɔn màn mɛn tumaa bɛ́ kii kion lɛ nɛ, ǹ ná a yii goa. Ǹ nə́ woo Zoraamu a nɛgiĩn laanka a lɔn nɛ. A nɛgiĩ goon toto dinsɔɔ̃ na á goã, Zoakazi. A din nə ǹ kiɛɛrɛ lɛa.

KZS2 34:4

Zoziasi nə́ ǹ kaa dì *Baali a wúlu bɔ ǹ bǎãn wurii ganaa kɔnlɛ ka da yon gìĩ kɔɔ̃n tã ǹ bǎãn nɛ ǹ lalan, a din yii ni. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ. Ǹ nə́ ǹ tumaa yɔyɔrɛ mɔnɔmɔnɔ. Min mɛnɛn nə wúlu bɔ dì nyínin ganaa, ǹ nə́ pɛsɛ̃ bɛn yalan la.

KZS2 34:7

Walan, á wúlu bɔ ǹ bǎãn nyɛnaa á ǹ kaa. Á wúlu bɔ ǹ gɔnɔn yiyiɛ ka dì nyínin ni, á ǹ yɔyɔrɛ, á da yon gìĩ kɔɔ̃n tã ǹ bǎãn ziziɛ̃ Izirayeli gána tumaa nɛ, á tɔn woo Zeruzalɛmu.

Bɔ bɛ̀rɛbaa nɛ 32:20

Ǹ diin nɛ nyán mɛn lɛ zɛnaa, á bɛ saa, á da tɛ-n, a ná a gialakun kɛ lɔ mɔmɔnɔ, á kaa mu li, á kɔ Izirayeli nɛnyaanan lɛn la ǹ nə́ mi.

Izayii 2:18

Dìn kɛn tumaa á re papaɛ̃.

Timəə dí-pɛn 12:2

Ka bɛ́ re tɔrɔn mɛnɛn lɛn lui, bɛn nə ǹ dìn guguru kɔ bǎãn mɛnɛn nɛ, kele sasan la, tentenen la, da yiikoonaan giulun, ka die ka bɛa bǎãn lɛn tumaa wuru lenlen.

Timəə dí-pɛn 12:3

Ka ǹ wúlu bɔ ǹ bǎãn kɛn yu, ka ǹ tíĩn yɔyɔrɛ, ka ǹ dì gɔnɔn kɛn tã. Ǹ màn nyínin mɛnɛn sɛlɛ ǹ nə́ ǹ baa ǹ lawan lɛa, ka bɛn yiyiɛ, ka ǹ tɔ papaã ka bɔ bǎã kɛ lɛ nɛ.

Timəə dí-pɛn 13:10

Sɛnɛ, yǎa ǹ nə ǹ dɛnaa dii a giɛ̃. A bɛ́ mà a n min mɛn lɛ sɔmɛ diɛ dì guguru kɔ ganaa, bɛ lɛ doamaa nɛ a n gɔn saa a dɛ bibinaa nɛ, zaman lɛ tumaa tɔn nə gòɛ̃ wɔ a-n bɛ kio.

Timəə dí-pɛn 13:5

Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 13:9

Min mɛn da n sɔmɔ, n nyan lɛ kɔ la wa, n nyan nə too din kɔ a lon wa. N nyan toa n makara bɔ-a wa, n nyan toa a makara din nə n kũ wa, n nyan nə n kɔ lɛ wa.