Kiin2 11:17 - LAWA A BOO SONBORE

¹⁷ Lawa a wúlu-bɔle Zozadaa lɛ zaman lɛ laanka kii kaa lɛ kɔ ganaa Dɛnaa Lawa la, mà ǹ tá re goɛ̃ Dɛnaa Lawa a zaman lɛa. Zozadaa lɛ lɛ-kɔ dɔ da zaman lɛ laanka kii lɛ bii ni.

LAWA A BOO SONBORE 2011

¹⁷ Lawa a wúlu-bɔle Zozadaa lɛ zaman lɛ laanka kii kaa lɛ kɔ ganaa Dɛnaa Lawa la, mà ǹ tá re goɛ̃ Dɛnaa Lawa a zaman lɛa. Zozadaa lɛ lɛ-kɔ dɔ da zaman lɛ laanka kii lɛ bii ni.

Kiin2 11:17 Iomraidhean Croise

Samayeli2 5:3

Izirayeli minin lɛn min golen nə́ daa dɔ kii lɛ li Ebrɔn. Kii Davida lɛ kɔn la wɔ ǹ nɛ Ebrɔn, Dɛnaa Lawa yɔrɔ-a. Ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa Izirayeli minin lɛn kii lɛa.

Kiin2 11:4

A lɛ̀ sɔbaabaa ǹ wɔ, Lawa a wúlu-bɔle Zozadaa minin dia mà ǹ wo ga Sɔraasi paabiɛ mìilandɛnan li ka bǎã-lɛduə̃lin ni. Zozadaa sɔraasi paabiɛ mìilandɛnan lɛn laanka bǎã-lɛduə̃lin lɛn bíi ǹ nə́ daa a din li Dɛnaa Lawa a kion. Á lɛ kɔ wɔ ǹ nɛ, á ǹ kaa liɛ ganaa Dɛnaa Lawa a kion lɛ nɛ, á tɔ́n kii a nɛginin lɛ nyaa ǹ nɛ.

Kiin2 23:3

Kii lɛ golee lon banbaran la, á lɛ kɔ wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, asɛ na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ kiɛ̃ nɛ sɛ́wɔ lɛ nɛ. Zaman lɛ tumaa nə́ n gòɛ̃ wɔ bɛa lɛ kɔ lɛ nɛ.

KZS1 11:3

Izirayeli minin lɛn min golen tumaa daa dɔ kii lɛ li Ebrɔn. Kii Davida lɛ-kɔ wɔ ǹ nɛ walan, Dɛnaa Lawa yɔrɔ-a. N nə́ nyɔɔ kaa Davida mìi-n walan, ǹ nə́ bɔ ǹ nə́ koa Izirayeli minin lɛn kii lɛa, ka Dɛnaa Lawa goã á Samayeli da a pɛ ganaa lɔn.

KZS2 23:16

Zozadaa tɔn lɛ-kɔ da zaman lɛ bii n ni, kii lɛ nɛ, ka a dinmaa nɛ. Bɛa lɛ-kɔ lɛ gɔ́ɔ̃ nɛ, ǹ tumaa n die Dɛnaa Lawa a zaman biɛ.

KZS2 29:10

Kanna kəni, man die lɛ kɔ kɔn la we ka Dɛnaa Lawa, Izirayeli a Lawa nɛ, màn mɛn bɛ́ toɛ a foo-yoo baraa kɛ nə n lɛ goa wɔ nɛ.

KZS2 34:31

Kii lɛ golee lon a golee ǹ bǎã nɛ, á lɛ-kɔ dii wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, a na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ, kiɛ̃ nɛ sɛ́wɔ lɛ nɛ.

Ɛsidrasi 10:3

Ka da kanna, wɔ lɛ-kɔ wɔ wɔa Lawa lɛ nɛ, màn mɛn bɛ́ toɛ, lɔn mɛnɛn bɛ́ tɔrɔ kɔsɔ minin lɛa, wɔ bɛn loo kɔnlɛ ka ǹ nɛnyaanan nɛ, a kɔnpɛ ka maa dɛnaagiĩ Ɛsidrasi a doree ne, ka minin kɛn wɔ nɛ nyɛ́ɛbiɛ Lawa a gɔn waa ǹ boon manɛ. A die a n zɛnaa, a kɔnpɛ ka dí-pɛn sɛ́wɔ kɛ a boo ne.

Zeremii 34:8

Dɛnaa Lawa wusoo á boo da Zeremii ni kii Sedekiasi a lɛ-kɔ kɛ kio Zeruzalɛmu a zaman tumaa nɛ, màn mɛn bɛ́ toɛ, a ǹ bɛ̀rɛn kaa.

Korɛnti2 8:5

Ma yiri bɛ́ a goã màn mɛn ganaa wa, bɛ nə́ n zɛnaa. Ǹ nə́ n dinin kɔ Dɛnaa la bɔrɔ, bɛ kio, ǹ nə́ n dinin kɔ masɛ dɔ la, ka Lawa foo sii barka nɛ.

Zozoe 24:25

Zozoe lɛ kɔ kɔn la wɔ ka zaman lɛ nɛ bɛa pinaa kɛ lɛ nɛ. Á sii zɛnaa ǹ gɔnɔn laanka landan koa ǹ la Sisɛmu kiwi.

Samayeli1 10:25

Kiibaa lɛ doamaa bɛ́ nɛ, a n zɛnaa lɔn, Samayeli bɛ yɔrɔ nyaa zaman lɛ nɛ, á kiɛ̃ sɛ́wɔ nɛ á da tán Dɛnaa Lawa yɔrɔ-a. Bɛ kio, Samayeli nə́ ǹ gɔn bɔ zaman lɛ tumaa ganaa. Didie woo piɛ.