Kiin2 11:12 - LAWA A BOO SONBORE

¹² Zozadaa tɔ́n kii a nɛginin lɛ kũ á soo ne, á kii bafolo wɔ a mìi-a, á lɛ kɔ kɔn la ǹ sɛ́wɔ kɔ la. Ǹ nə́ kii a nɛginin lɛ koa kii lɛa, ǹ nə́ nyɔɔ lɔ a ganaa. Bɛ kio, ǹ nə́ ǹ gɔn dɛ, ǹ nə́ n lɛ dɛ: Kii lɛ die a nyin sasa yɛ.

LAWA A BOO SONBORE 2011

¹² Zozadaa tɔ́n kii a nɛginin lɛ kũ á soo ne, á kii bafolo wɔ a mìi-a, á lɛ kɔ kɔn la ǹ sɛ́wɔ kɔ la. Ǹ nə́ kii a nɛginin lɛ koa kii lɛa, ǹ nə́ nyɔɔ lɔ a ganaa. Bɛ kio, ǹ nə́ ǹ gɔn dɛ, ǹ nə́ n lɛ dɛ: Kii lɛ die a nyin sasa yɛ.

Kiin2 11:12 Iomraidhean Croise

Samayeli2 1:10

Bɛ lɛ nɛ, ma golee a li má dɛ. A giala, ma á doɛ̃ má a re liɛ a mɛnaa kɛ kio wa. Kii bafolo mɛn goã a mìi ganaa, zan mɛn dɔ goã a gɔn ganaa, ma bɛn waa má daa ǹ kɔ maa dɛnaagiĩ la kànaa.

Samayeli2 12:30

Á Amɔn tɔrɔn lɛn kii a bafolo bɔ á bɔ a mìi ganaa. Bɛa bafolo lɛ tumaa na á goã sana lɛa, a gugurubaa la kilo pɔsɔɔ nɛ, ǹ ná a nyaǹ kɔ ka kɔlɔ giɔ̀mɔ kakaan nɛ. Ǹ nə́ bɛa bafolo lɛ wɔ Davida mìi ganaa. Davida gɔn màn gigiã goa kiwi lɛ nɛ á woo ne.

Samayeli2 16:16

Davida a giaáraagiĩ, Arkaan giĩ Usayii woo á dɔ Abusalɔn li, á pɛ nɛ: «Kii ganaa, n Lawa die a n gɔn belebɔ a nɛ! Lawa die a n gɔn belebɔ a nɛ!»

Samayeli2 2:4

Zudaa minin nə́ daa, ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa kii lɛa Zudaa gána mìi la. Ǹ nə́ daa pɛ Davida nɛ, mà Zabɛɛsi kiwi mɛn bɛ́ Galaati gána nɛ, mà bɛ lɛ a minin man nə́ Sayulu gere bĩ.

Samayeli2 2:7

Kanna kəni, ka n gù we yii, ka n foo taã. Kaa dɛnaagiĩ Sayulu lɛ gã sɛn. Sɛnɛ, ka dɔ̃ mà Zudaa gána minin man nə́ masɛ bɔ, ǹ nə́ ma koa ǹ kii lɛa.»

Samayeli2 5:3

Izirayeli minin lɛn min golen nə́ daa dɔ kii lɛ li Ebrɔn. Kii Davida lɛ kɔn la wɔ ǹ nɛ Ebrɔn, Dɛnaa Lawa yɔrɔ-a. Ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa Izirayeli minin lɛn kii lɛa.

Kiin1 1:25

A giala, pelo Adoniya woo wúlu bɔ ka dii gɔ̀lɔ̀n nɛ, ka dii nɛ kasiɛ̃ wolen ne, ka sère didi ni. Á lɛ dia kii lɛ a nɛgiĩn tumaa la, á lɛ dia sɔraasin goledɛnan laanka Lawa a wúlu-bɔle Abiataara la. Ǹ tá a gialaa màn bii, màn mii Adoniya yɔrɔ-a, ǹ nə́ pii: «Kii Adoniya die a nyín sasa yɛ!»

Kiin1 1:34

Walan nɛ, Lawa a wúlu-bɔle Sadɔki laanka Lawa a boo gii-dali Natan tá re nyɔɔ loe Salomɔn ganaa ǹ koa Izirayeli a kii lɛa. Ka die ka bɛn pɛ bɛa biikoo li, ka n lɛ dɛ ka pɛ: «Kii Salomɔn die a nyín sasa yɛ!»

Kiin1 1:39

Lawa a boo gii-dali Sadɔki nyɔɔ saa màn bɛn nɛ, kɔn yɛ ka Lawa nɛ ǹ kion lɛ nɛ, á lɔ Salomɔn ganaa. Ǹ nə́ bɛn pɛ zaman lɛ nə́ n lɛ dɛ: «Kii Salomɔn die a nyín sasa yɛ!»

Kiin1 2:44

Bɛ kio, kii lɛ pɛ Simeyii ni: «N sii baraa mɛn tumaa zɛnaa ma di Davida nɛ, n din tá bɛ doɛ̃ n foo ne. Dɛnaa Lawa n die dɔlɔ boe n ganaa n baraabaa lɛ taman yii.

Kiin2 11:11

A saa kion lɛ a gusin a wàã ganaa, a wo kaa a gɔsɛ a wàã lɛ, bǎã-lɛduə̃lin lɛn nə́ ǹ doa bii-a kunu *wúlu bɔ ǹ bǎã lɛ laanka kion lɛ ganaa, ziabaa ǹ mànan nə́ ǹ didie gɔn, ǹ nə́ kii lɛ lɛnpɛnɛ.

Kiin2 11:2

Sɛnɛ, ǹ bɛ́ kii a nɛgiĩn lɛn gialaa ǹ dii ǹ mɛn waáraa, kii Zoraamu a nɛlɔ Yosebaa lɛ Ahaazia ǹ miãnɛn lɛa, bɛ Ahaazia a nɛginin Zoasi kũ ka durii ni á bɔ ǹ bii. Ǹ bɛ́ ǹ nə́ kion mɛn bɔ waa ǹ bǎã lɛa, Yosebaa nɛginin lɛ da walan kun ka lɔ mɛn nə́ ke toe. A na á nɛginin lɛ duru Ataalii nyɛɛnɛ bɛa yɔrɔ kɛ lɛ la, bɛ lɛ nɛ, ǹ yɛ ǹ nə́ dɛ wa.

Kiin2 11:4

A lɛ̀ sɔbaabaa ǹ wɔ, Lawa a wúlu-bɔle Zozadaa minin dia mà ǹ wo ga Sɔraasi paabiɛ mìilandɛnan li ka bǎã-lɛduə̃lin ni. Zozadaa sɔraasi paabiɛ mìilandɛnan lɛn laanka bǎã-lɛduə̃lin lɛn bíi ǹ nə́ daa a din li Dɛnaa Lawa a kion. Á lɛ kɔ wɔ ǹ nɛ, á ǹ kaa liɛ ganaa Dɛnaa Lawa a kion lɛ nɛ, á tɔ́n kii a nɛginin lɛ nyaa ǹ nɛ.

Kiin2 9:13

Bɛa bǎã-n gɔrɔ, ǹ didie ná a mɔnaa naa tán dii ǹ bǎã kɔn a kòròn la, Zewu giulun. Ǹ nə́ bɛn pɛ, ǹ nə́ n lɛ dɛ ǹ nə́ pii: «Zewu n kii lɛa.»

Kiin2 9:3

N die n nyɔɔ màn lɛ saa, n nyɔɔ kaa a mìi ni, n pɛ: «Dɛnaa Lawa n nyɔɔ loe n ganaa, á n koɛ Izirayeli gána a kii lɛa!» Bɛ kio, n die n kiɛnlɛ bũ n soo n baa si n woo, n baran golee wa.

KZS2 23:11

Bɛ kio, ǹ nə́ soo ka Zoasi ni, ǹ nə́ kii bafalo wɔ a mìi-a, ǹ nə́ lɛ kɔ kɔn la ǹ sɛ́wɔ wɔ a gɔn. Ǹ nə́ koa kii lɛa Zozadaa laanka a nɛgiĩn nə́ nyɔɔ lɔ a mìi ni. Bǎã goon ne, min tumaa kaa lɛ-dɛ nɛ: «Lawa nyin sasa kɔ kii la.»

Loen 132:18

Man die sìi dɔnkɛ we a zɔ́ɔn kɛn ganaa. Sɛnɛ, man die gɔlɔbaa ǹ bafolo we asɛ mìi ganaa.

Loen 21:3

N ná a foo sii zɛnaa nɛ, a lɛ màn mɛn pɛ, n nə n piã bɛ-n wa. *Doa

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 47:1

LOE-saalin goleedɛnaa loe mɛn lɔ. Koore a minin wɔ.

Loen 78:5

A na á sii zɛnaa ǹ gɔn koa a minin wɔ lɛa, á landa siin koa Izirayeli. Á pɛ wɔ digolon manɛ, mà ǹ nə ǹ nɛnyaanan daraa bɛa siin lɛn ganaa,

Loen 89:39

Sɛnɛ, n din kii mɛn bɔ, ń koa, táa n din foo na á yoo bɛ lɛ li kanna, ń daa, ń tii.

Loen 98:8

Tà mun nə n gɔn dɛ, kelen dɔn nə n kaa kunun ǹ ni, ǹ loe lɔ ka foo kɔɔ̃n nɛ,

Bɔ bɛ̀rɛbaa nɛ 25:16

Ma bɛ́ re dí-pɛn mɛnɛn koe n la ke, n bɛn koa goo lɛ gɔ́ɔ̃ nɛ.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Izayii 55:12

Ka á re soe *Baabilonii ka foo kɔɔ̃n nɛ, ǹ wusoo ǹ wo ka-n piɛ ka là nyantoro ne. Kelen laanka tentenen tá re n nyɛnyɛɛ ka ganaa zii la ka foo kɔɔ̃n nɛ. Don a dan tumaa á re n gɔn dii ka ganaa.

Izayii 8:16

Lɛ dia kɛ koa n gɔ̀ɔ̃ nɛ, maa kialandɛnan daraa maa doroo ǹ boon kɛn ganaa sɔnbɔraa nɛ.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Matiə 27:29

Ǹ nə́ kii bafolo tã ka nyan gùrùn ni, ǹ nə́ wɔ a mìi ganaa, ǹ nə́ bàbàla wɔ a gusin a gɔn, ka n pɛ mà maǹ koɛ kii lɛa. Bɛ kio, ǹ nə́ n musi lɛn kurumaa tán a giulun, ǹ nə́ yaa wɔ a ganaa, bɛ̀ ǹ tá pii: «Fòo le, Zuifun kii!»

Nya ǹ dín 4:27

Sonbore, maǹ nə́ n lɛ kaa kun taãn-taãnɛ, Zeruzalɛmu kiwi kɛ lɛ nɛ, kii Erɔdi laanka kii gole Pɔnsi Pilati ni, kun ka tɔrɔ kɔsɔn laanka Izirayeli minin ni, ǹ nə́ n gòãn doa Yezu-a, Lawa din a dí-nyali sonbore ke, á bɔ a dí a lɛa.

Korɛnti2 1:21

Lawa na á toa ma gòãn nə́ doa, kun ka ka dɔn nɛ, Krita wɔbaa gɔ́ɔ̃ nɛ. A din Lawa lɛ na á wɔ bɔ á wɔ baa a din wɔn lɛa.

Ebrəə 1:9

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.» Bǎã kɔsɔ dɔ n pii:

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.

Sii-nyaan 19:12

A yii nànan man kuĩ ka tɛ buə̃ bɛ́ lɔn. Kiibaa ǹ bafolo gigiã na a mìi ganaa. Tɔ mɛn bɛ́ kiɛ̃ nɛ a ganaa, min kɔ́n ba bɛ doɛ̃ wa, yǎa a dinsɔɔ̃.

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.

Samayeli1 10:24

Samayeli pɛ zaman lɛ tumaa nɛ: «Min mɛn bɛ́ Dɛnaa Lawa bɔ, ká yɛ? A miã banban kun ka zaman lɛ-n wa.» Zaman lɛ tumaa nə́ n lɛ dɛ ka foo ne: «Lawa na a gɔn belebɔ a nɛ!»

Samayeli1 16:13

Samayeli nyɔɔ lɛ saa màn bɛn lɛ nɛ á lɔ a ganaa ǹ golon lɛn yɔrɔ-a. Dɛnaa Lawa yiri gisĩ Davida la. A kũ bɛa pinaa kɛ lɛ ganaa, a na á goã Davida la miɛ̃. Bɛ kio, Samayeli zii saa á woo Ramaa.